سالفة: زيد وعبيد..قوافي

محروم.كوم · #1 05-28-2012, 03:11 AM

..مشرفينا .اخواني.أخواتي.زوارنا..
مساكم / صبحكم الله بالخير
حينما نتذكر او نتكلم عن ماضي فأنه يحضر بكل ما فيه من كبيره وصغيره بساطه وصعوبه ويظل دائماً هو الاجمل والاحب إلى القلب..وسالفتنااليوم لها قرابة 45 عام ..
زيد وعبيد ابناء حاره وحده وجيران جدار بجدار اللي يشوفهم يحسبهم يعانون ضعف عقل وهم بالحقيقه طيبة قلوبهم وبساطتهم واللي حولهم فرضت عليهم وعلى غيرهم سلامة النيه وطيب المعشر ..
زيد كان له اخت مزيونه وكلن يحتسي عن هالزين واكيد الحريم تشتغل الحاسه السادسه والحساسيه من كل جميله تسكن حولهم لا يعرس عليه ابو العيال
ام عبيد كانت تخاف على عين السيح:f ابو عبيد :f
لا ياصله خبر بنت الجيران وهي لو فكرت شوي ورجعت كم سنه للخلف تعرف ان عين السيح اكيد يذكر المزيونه وهي صغيره بس الغيره العميا وما تسوي:l

صارت ام عبيد كل يوم تطلع بالليل وتكب اعزكم الله زبالة بيتهم قريب من باب المزيونه او بسط الطريق عشان يقال عليهم وصخين وما احد يقربهم ويعاف الزين عند هالقمايم اللي مكومه عند بابهم او بدرب الناس..
وكل يوم الفجر الين طلع ابو زيد بيروح للمسجد يمسك زيد ويهاوشه ومع الوقت صار يضربه وراه يحط الزباله بدرب الناس او قريب من الباب..
الضعيف يحلف لبوه بس مايصدقه مستبعد ان احد يحط زبالته عندهم..
راحت ايام وجت ايام وزيد شبع تكفيخ وبيوم ضايقن صدره قعد على عتبة بيت عبيد وقعد جمبه صديقه ونشده :وشبك زعلان ؟؟
رد زيد: ابوي كل يوم يطقن وانا والله والله اودي زبالتنا عند المخربه اللي هي (ارض فاضيه قريبه من البيوت يجمعون فيها الزبايل ويسكنها البساسه والكلابه والحمير والجراذي ) اكرمكم الله وأعز مقامكم..
قال عبيد خلن اقول لبوك انه مهوب انت يمكن ما عاد يطقك ..قاله بيقولك وش دراك ..بهالوقت ام عبيد واقفه ورا الباب تسمع وش يقولون وتطقطق بخشته مهوب جايزن له الحتسي.. يوم قال عبيد اقولك سر ..ترا اللي يحط الزباله امي وقيلتن لي ياويلك لو تعلم وتعطين كل يوم اربع قروش عشان اسكت..
قال زيد:ههيهي انااااااا ابوك يعطين كل يوم ريال عشان ما اقول انه رجل اختي:l:f:l يوم سمعو دربم طاحت ام عبيد مغشي عليه.. تحياتي
اختكم
..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:مسح السبوره..قوافي	محروم.كوم	منتدى أخبار المواقع والمنتديات العربية والأجنبية	0	02-29-2012 11:40 PM
سالفة:سوق الزل..قوافي	محروم.كوم	منتدى أخبار المواقع والمنتديات العربية والأجنبية	0	02-21-2012 08:10 PM
سالفة: ارض العمالقه..قوافي	محروم.كوم	منتدى أخبار المواقع والمنتديات العربية والأجنبية	0	02-04-2012 01:40 AM
سالفة:كلو حنينيي..قوافي	محروم.كوم	منتدى أخبار المواقع والمنتديات العربية والأجنبية	0	12-10-2011 04:10 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM