يا جماعة الخييييير فوتو لنتفاهم يللا

محروم.كوم · #1 04-28-2009, 01:10 AM

شباب جوال العرب، شبابات جوال العرب، اليوم أنا جاي و أنا يائس من الموضوع اللي شاغللي بالي. أنا خلص رح افقع و ما عم لاقي للموضوع حل مناسب. إذا كنتو بتحبوني و بتحبو السوريين و بتحبو بشار الأسد (استرجو قولو لأ :thinking ساعدوني.

شوفو يا جماعة، المشكلة باختصاااااااار شديد
مع العلم إني أنا ما كنت إجيت و طلبت مساعدتكون إلا إذا كنت يأسان عالأخير، و لاحظو إني عم حكي الشباب و البنات يعني مو بس الشباب لإنو الكل ممكن يكون عندو خبرة بالموضوع، فالمهم يا جماعة الخير إنو تشتركو بضمير ، و لا تكونو متل اليهود اللي بيحبو يعلقو الناس بمشاكل، و بينشرو الفتن بين العالم، و على سيرة اليهود ، هادا هتلر بيك بزماناتو أيام الدولة العثمانية، بتعرفو ليش قتل كتير يهود؟ لإنو كان بيكرهون، و بعد ما أفغانستان ضربت الدولتين اللي عالجهتين إجت روسيا و فرنسا سوا و ضربوه لهتلر، و هيك سقط هتلر و بعد هيك قامت الدولة العبرية ما بعرف شلون. ( أنا ما كتير بفهم بهتلر بس حابب تقل عليكون شوي )

على كل شباب و صبايا ماني حابب طول عليكون بالموضوع، مشكلتي هييي كالتالي:

أنا عايش مع ابن خالي، و الزلمي آدمي و كل شي، بس مشكلتو مفكرني روبوت فوق الريح، يعني بيضل يخليني إجلي الصحون و أعمل نودلز، و اشتري السجاير. و المشكلة الأكبر إنو لما اجي بدي قللو إنو دورو هو يجلي الصحون، بيهوج عليي و بيحسسني إنو هو صرلو عم يجلي شهور. و كل ما قللو نضفلنا الحمام بيقللي إنو عندو امتحانات و إنو أنا نضف الحمام هالمرة:cry:. داااائما عندو امتحانات و كإنو جامعتي فاضية و ما عندي شغل فيا غير حللي كم مسألة رياضيات:anger1:. و كمان أنا ما بحب كتير الخناقات فما بحب ادخل معو بحدة. بسكت و برضى:anger2:. شووووو رأيكووووووون بآاااااه؟
الجليات تكومو بالمجلى و أنا مالي خلق إجلي!!!!!!:hummer:

يللا ورجونا شطارتكون.

على فكرة النودلز مو مشكلة لإنو بس بدها مي سخنة.

يعطيكون العافية __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رجاءا مساعدة من اهل الخييييير	محروم.كوم	منتدى أخبار المواقع والمنتديات العربية والأجنبية	0	02-12-2010 10:20 PM
يا جماعة يا جماعة بدي برنامج كسر حماية ل5800xmحصرا	محروم.كوم	منتدى أخبار المواقع والمنتديات العربية والأجنبية	0	09-16-2009 10:20 PM
الطائف غيييييير بمزون الخييييير الاثنين 22/6/1430 أكثر من 40 صورة	محروم.كوم	منتدى أخبار المواقع والمنتديات العربية والأجنبية	0	06-16-2009 12:00 AM
الطائف غيييييير بمزون الخييييير الاثنين 22/6/1430 أكثر من 40 صورة	محروم.كوم	منتدى أخبار المواقع والمنتديات العربية والأجنبية	0	06-15-2009 11:40 PM
ممكن مساااااااااعده يا هل الخييييير	عشووف	البحوث والتقارير	5	02-10-2008 06:53 PM