القصيده الفائزه بالمركز الاول في مهرجان ابوظبي للصيد و الفروسيه

محروم.كوم · #1 05-23-2012, 02:40 PM

السلام عليكم ورحمة الله وبركاته
القصيده الفائزه بالمركز الاول فئة ضياع الطير في مهرجان ابوظبي للصيد و الفروسيه لسنه 2011 تاخرت في نشر القصيده لاسباب خاصه ولاكن طلب اخونا العضو المميز ابو محمد المزروعي وهو غالي و لا نقدر نرده

يا ممسي(ن) وسط الخلا تالي الليل
ما حن قلبك يوم ناوي للارجاع

الجسم من فرقاك ما عاد به حيل
والقلب من حر الحشى صار ملتاع

بالحيل ضايق يا اسود الريش بالحيل
عليك ياالي زود الهم بوجاع

اجر قافي بالطواريق واشيل
واذكرك يوم انك تنهض وطلاع

رخيت سبقك يوم مابه تحاليل
خابرك دايم لابرق الريش طماع

تل السبوق وخيشن عقب تزويل
ياليت ما اخطيته ولا طار مرتاع

راح يتعانق بالطيار التباديل
صاروخ مهدف ماخذ(ن) امر الاقلاع

وانت الذي زودت بالخرب تجفيل
كل ما رقى ترقى ولا يرجي القاع

وسقنا معاك ولا حسبنا الدراكيل
من فوق جيب(ن) لكن الخد مناع

واللي حداك الشبك يا عله الشيل
كنه سواد الكون بالوجه صفاع

تفازعو ربع(ن) قروم(ن) مشاكيل
ربعي لهم في فيضة الطيب مرباع

راحت ثلاث ايام من دون تاجيل
نضرب حراوي طيرنا زين الاطباع

عفت الدلال وعفت شرب الفناجيل
كل(ن) بطيره جاني اليوم فزاع

واقول رد(ن) يختصر بالاقاويل
لا تجبرون النفس والقلب ما طاع

حلياك يا اسود ما يجي معه تمثيل
وكنه حرار الكون ما منهم انفاع

يا لايمي بالطير دمعي هماليل
على الذي انهمه واندبه (مطلاع)

يا كثر ما قبلي تغنو رجاجيل
كل(ن) قصد في حاله الطير لا ضاع

حمد يلوم الطلح يبغي التهاليل
وابن الحبيني شاف مجلاس الاكواع

كل(ن) يقول القاف باحلا التشاكيل
ابيات شعر(ن) صيتها ذاع ثم شاع

وانا على المسحوب جبت التماثيل
ياكود باشفي جوع الافراق ب اشباع

وصلو معي عداد ما يجري السيل
على رسول(ن) للمخاليق شفاع

وسلامتكم

اخوكم/ طلال فارس الشمري
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مهرجان ( إنتاجي ) عنيزة الاول يحتضن الأسر المنتجة تحت سقف واحد ( صور )	محروم.كوم	منتدى أخبار المواقع والمنتديات العربية والأجنبية	0	03-15-2012 02:20 AM
شيلة مهرجان طريف الاول للصقور 1433 روعه	محروم.كوم	منتدى أخبار المواقع والمنتديات العربية والأجنبية	0	01-07-2012 04:50 PM
الفروسيه العربيه والله فارس وخيال السعودي هذا الفروسيه فخر وعز	محروم.كوم	منتدى أخبار المواقع والمنتديات العربية والأجنبية	0	09-04-2011 01:30 AM
الصوره الفائزه في الشهر الماضي	محروم.كوم	منتدى أخبار المواقع والمنتديات العربية والأجنبية	0	04-26-2009 07:50 PM
حصريا..الحلقة الاخيره من برنامج الميدان للكبار 3...الف مبروك للفائز بالمركز الاول	محروم	برنامج الميدان للكبار3	45	08-28-2008 04:01 PM