الموظف وتنكة العسل

محروم.كوم · #1 05-16-2012, 02:00 AM

(بسم الله الرحمن الرحيم )

اخواني واخواتي وزوار منتديات مكشات

السلام عليكم ورحمة الله وبركاته

لاشك ان الكثير من الناس يوجد لديهم مشاكل وتتطور الى ان تصل الى تقديم الشكاوي وتصبح معاملة تدور مع نفسها في عدة دوائر..
ومع ذلك تظل المشكلة في تأخر انجاز المعاملة وسبب تأخيرها موظف لم يداوم أو مجاز أو الخصم لم يحضر أو الموظف؟؟؟؟..... ألخ ؛؛؛ وتستمر المراجعات وقد تطول الى عدة سنين...
وكم قرأنا في الصحف أكثر من رشوة يتقاضها موظف لكي ينجز المعاملة وتصبح جاهزه و تصب في مصلحتك .
وهنا المصبية .... لعن الله الراشي والمرتشي ...
لاكن الحمد لله أخيراً بدأت تتلاشي ها لظاهرة ؛؛؛
والسالفه سلمكم الله
هذا واحد مسكين بلش له مع معاملة رايحه جايه من دائره في دائره والمسكين هذا راجع هالمعاملة حتى حفيت اقدامه كل يوم ياخذ تصريفه ؛؛؛
والرجال ما يعرف احد ولا عنده واسطه ...
المهم انها استقرت في الاخير في مكتب موظف وكل ما راجعه قال راجعني بكره ... يراجعه من البكره قال بعد بكره واذا جا له قال المعاملة تحت الدراسه باقي عليها اجراءات المهم أن الموظف مرمط هالمسكين مرمطه ما يعلمها الا اللــــــــه ..
فيه مراسل عند ها لموظف النشمي شاف حالة المسكين رايح جاي قال بين الحلال انت ماعندك واسطه ما تعرف تصرف يمين شمال قال والله انا تعبت مع خويك هذا لاكن الشكوى على الله ...
تنحنح المراسل وكأنه قال كلمه زي اللي يقول تصرف يا غبي ...
راح هالمسكين قعد يفكر قال والله اني لا اخربها يا جات هالمعاملة يا اخذت عمري ورحت فيها مره واحدة
قام هالمسكين واخذ له هاك التنكه العسل عسل اصلي ؛؛؛ ومن بدري وهو عند مكتب الموظف شافه المراسل يوم جاء يفتح المكتب قال ويش هذي التنكه اللي معك قال طال عمرك هذي تنكه فيها عسل وعسل اصلي ابتسم المراسل وقال لا والله اليوم معاملتك اظنها منتهيه كان جبتها من زمان
جاء الموظف المكتب ويوم شاف التنكه حط نفسه ما يدري عن شي قال ويش هذي قال المسكين طال عمرك عسل قال عسل ويش نبغي بالعسل قال هذا عسل غير عسل اصلي والعسل طيب وفيه فوائد كثيره
ضحك الموظف قال للمراسل هات معاملة هالمسكين وهو يوقعها قال خذ معاملتك جاهزه الله يستر عليك ...
خرج المسكين من المكتب بالمعاملة ...
وجاك دور الموظف والمراسل لتنكه العسل
قال الموظف للمراسل هات التنكه العسل
خلينا اليوم نفطر بالعسل من بدري وكن هالموظف من فتره ما ذاق طعم العسل
وهو يغمس يده في التنكه بقوه ويوم اظهر يده اللى يده مختلطه عسل ومعه اكرمك الله تراب ...
قال الموظف للمراسل ضحك علينا هالمهبول
الحق علي الرجال قبل يروح وجيب المعاملة ...
المراسل ما يمداه يلحقه بس فتح الشباك المطل على الشارع وشاف الرجال يمشي والمعاملة معه ؛؛؛؛
زهم عليه يا فلان ارجع الموظف يبغاك دقيقه
قال ويش يبغي
قال المعاملة فيها خطاء فيها لخبطه ؟؟؟؟
قال لا يا شيخ المعاملة مزبوطه ما فيها لخبطه

اللخبطه عندكم في التنكه ...
المسكين انقهر من الموظف اللي طول الايام يلعب عليه وقام حط في التنكه تراب لين قبل نهاية التنكه من فوق ثم حط شوية عسل ..
عساه يشفي غليله شوي ...
انهت السالفه

دمتم بخير
وتقبلوا تحياتي
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خبــر ابو ابراهيم قام باختبار عده انواع من العسل بحثا عن العسل الخالي من السكر	محروم.كوم	منتدى أخبار المواقع والمنتديات العربية والأجنبية	0	04-24-2012 12:20 AM
أفضل أنواع العسل هو العسل الجبلي ومتوفر عند رجل أمين يخاف الله	محروم.كوم	منتدى أخبار المواقع والمنتديات العربية والأجنبية	0	12-19-2011 04:40 PM
على ظهر الجمل .... وصل العسل .... قبل مهرجان العسل ( تقرير مصوّر من قلب الحدث)	محروم.كوم	منتدى أخبار المواقع والمنتديات العربية والأجنبية	0	12-06-2011 12:40 AM
™©«°£»العسل مايوقع الا عند العسل ..{مقناص متواضع}ـ«£°»©™	محروم.كوم	منتدى أخبار المواقع والمنتديات العربية والأجنبية	0	10-11-2011 03:11 AM
((موسسه بلادي لتجاره العسل )) جميع انواع العسل سمر سدر اعشاب خورفكان	محروم.كوم	منتدى أخبار المواقع والمنتديات العربية والأجنبية	0	05-29-2009 10:50 PM