سالفة: غلطة تحليل.. قوافي

محروم.كوم · #1 05-14-2012, 10:10 AM

السلام عليكم ورحمة الله وبركاته
حياكم الله مشرفينا الافاضل
أهلاً وسهلاً بأخواني وأخواتي المكشاتيه والزوار
سالفتنا اليوم ترجعنا 50 عام لحياة كان عنوانها البساطه بكل مواردها العمليه والعلميه والصحيه ..الخ
البساطه كانت عنوان لكل شيئ حتى بالمستشفيات وتقريباً كانت عندنا بعض البدائيات الصحيه واللتي لم تكن مستنكره بذاك الوقت..
السالفه تقول:
كان فيه واحد كبير سن عمره بحدود السبعين عام ومريض وهو اكبر اخوانه الثلاثه..
خذوه اخوانه للمستشفى الحكومي الوحيد بالرياض بذاك الوقت

وفحصه الدكتور وقال لازم نسوي أعزكم الله تحليل بول..
شايبنا قال ابد ولا اسويه واخوانه ياخيي عدل بدل رفض وقال انا ابو فلان يطلب مني تحليل ليه يعطيني العلاج وبس..
اول مافيه علب للتحاليل مثل الان اللي فيه هذا:

التحاليل كان فيه ناس تبسط عند سور المستشفى وتبيع قزايز فارغه لكريم الشعر او قزايز خل ابيض واحيانن قزيز زيت هندي واكيد كلها مغسوله وملمعه بتربات الشارع..
وللي بيسوي تحليل يشري وحده تكفي حسب الطاقه الاستيعابيه للماده المراد تحليلها اعزكم الله
نرجع لسالفتنا :راح اخوه الصغير للدكتور وقال انه عيا يسوي التحليل قال الدكتور اجل ما فيه علاج..
الممرضه سمعت الاخو الحاير باخوه العنيد الل مايبي يـــ بالقزازه
وقالت رح جب قزازه وانا اتصرف وتعطيني 10 ريال ..
قال ابد لتس اللي تبين وراح وشرا وحده وعطاها للممرضه
وشوي وجابتها مليانه اكرمكم الله وقالت ياله ودها قسم التحاليل
..وداها وواعدوه يجي بكره يستلم النتيجه..
ويوم جا من بكره ويجون الاخوان الثلاثه معه ومعهم اثنين من جماعتهم جايين من الديره وقاعد شيخنا بالاستراحه هو واخوانه وضيوفه ويوم نادو عليه عشان يدخل للدكتور ويوريه نتيجة التحليل ..
قام وحلف عليهم يدخلون معه عشان يعرفون انه صادق ليمنه قال انه طيب ولا فيه داعي يروح لدكتور او غيره:c
دخلو جميع واول ما ناول ورقة التحليل للدكتور تغير وجه الدكتور وصار ازرق
وقال:
انا بصراحه مش عارف أأولك أيه يا حج لكن اتمنى تسمع النتيجه
بصدر رحب ..:lrيوم قالو يالله الخيره وش فيه علمنا وش اللي باخونا؟؟؟؟
قال الدكتور النتيجه بتئول أنك:
حــــامـــل ياحج:r:l:f
انتفض شايبنا وقحص من مكانه ونقز وتعنقط برقبة الدكتور انت وش تقول ؟؟؟ واخذله تكفيخه من ايدين الخمسه ياله فكوه من ايديهم .. بغى يروح وطي بسبة غلطة تحليل
وغلطته هو بعد ..تحياتي
اختكم
..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:تيس الأصدقاء..قوافي	محروم.كوم	منتدى أخبار المواقع والمنتديات العربية والأجنبية	0	03-16-2012 03:20 AM
سالفة:مسح السبوره..قوافي	محروم.كوم	منتدى أخبار المواقع والمنتديات العربية والأجنبية	0	02-29-2012 11:40 PM
سالفة:سوق الزل..قوافي	محروم.كوم	منتدى أخبار المواقع والمنتديات العربية والأجنبية	0	02-21-2012 08:10 PM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM
سالفة:دجيجات.امي...قوافي	محروم.كوم	منتدى أخبار المواقع والمنتديات العربية والأجنبية	0	09-12-2011 12:00 AM