السلام عليكم ورحمة الله وبركاته
اخواني القصيده موجهها لأخونا العود/راع العجراء قلتها من الاعماق وانا رجل لا احب المجامله واقسم بالله ما كتبت في حياتي قصيدة مقابل شيء..مع العلم أنني قلت الشعر من صغري وبشهادة من يعرفني
والمناسبة اعتذار للبس صار زعل بيينا وانا بحضوركم اعتبركم وجيه صلح وخير لنا جميعا
وليعذرني ابو شنب فقد قلتها منذ ساعه في حال صار تقصير:


#poem_4f9c37a855f69 td {font-family: 'Simplified Arabic', Arial, Helvetica, sans-serif;font-size: x-large;font-weight: bold;} ياراكب من عندنا فوق نيسان فل اوبشن 2010 موديله من صنعة اليابان لا قيل يابان ماهو هرابيد الحديد الثقيله اليا نهض عمره عطا مثل شيهان فرخ على اثر الصيد يطرب عميله وانا اذكر الله لاستوى الخط ثم زان تطري عليك ايام حلوه جميله مع خط صلبوخ وتبّات بنبان ولوحة دعاية( تيم )جنب المسيله منصاك رجل لاتتقى الردي بان يفرح بضيف تالي الليل يجي له وابشر بسودالحيل من مجلبة ضان وابشر بغالي البن وطفاح هيله ابو شنب ون قلت اسمّيه كحيلان فالطيب مذكور بعهده وجيله شيبان لاهانوا على الراس شيبان والنار وش هي دون قدح الفتيله ثم بلّغه مع حبة الخشم والآن سلام الطف من حراير خميله عد النجوم اعداد الاشيا والالوان اعداد مادار الظلال المقيله سلام ازكى من شانيل برفان واحلى من المخضوض بارد صميله ثم بلغه انّا على الدرب اخوان عزاز النفوس ولا نحب الفشيله وحنّا ترانا من رجال لها شان في الدين والدنيا وسلم القبيله والله مارضى يقال ابومهنّد غلطان وش لون والزعلان حسبة خليله صافي عسل ياقشطة صنع حلوان وابشر بعذر وحق صوبك اشيله وصلاة ربي عد مارفع الاذان على محمد بعد كل اتهليله

أخوكم/بمنتدى مكشات
الرايق/أبو مهنّـــــــــــد