موضوع هام لقناصي الجرابيع

محروم.كوم · #1 04-24-2009, 10:10 AM

]الجربعه وما ادرااااااااااك ما الجربعه ؟؟

نسبة الى ملاحق وطرد الجرابيع

ويقال فلان يجربع اي يقوم بطرد الجرابيع

والجربعه هي فن لا يجيده الا من تتوفر فيه بعض الصفات الخاصة مثل :

اولاً : مهارة الطنبحه (القفز ) من حوض الونيت والونيت حاااااااااااط رجله يمشي .

ثانياً : طول السيقان ( مسلوع )والرشاقه والسرعة مثل راعي السباق 100 م العالمي

( يعني الدب مثلي يلزم ارضه ابرك له )

ثالثاً : الرساوة ( يكون فليورات ) اي انه من حيث مايفر الجربوع يكون في ساقته ،، يعني ماينقلب مع اللفه

( مواصفات اوروبية امريكية ).

ومن اهم الشروط في الجربعه :

اولا ً : ان يكون سواق الطاره متعود على الطردي والملاحق وراعي نحشات من الشباب ( يعني خبره )

وان يكون نظرة قوي بحيث ان الجربوع مايفلت منه طبعاً نفس الوضع لللرديف لازم يكون مفتح عيونه.

ثانياً : ان يجيد المجربع عض ثوبه بفمه ولا ينطلق ثم يعوقه

لانه لو فك الثوب من فمه وهو مسرع ياعزتي له بيتكرفس ويروح الجربوع من يده أو انك تربط ثوبك زين على وسطك ( بس مهيب مضمونه )بس اهم شي لا تجربع واااااااااااانت كاشخ

لانك تبي تاخذ لك كم طيحه

ثالثاً : ان ما يكون المجربع غشيم

يعني حط الجربوع بين عيونك ولا يمنعك اي شي عنه حتى لو توطيت خوي لك

فهذه الصدماااااات عادية يعتبرها المجربعون ضريبة الجربعه

رابعاً : ان يكون هناك تنافس بين المجربعين

يعني الطيب من يطرح اكبر عدد من الجرابيع وله جااااااااااايزة الزود ياكله له

خامساً : إذا صار المجربع في نزال خاص مع الجربوع اي سنّد الجربوع وسنّد معه المجربع

على الباقين ان يتحلوا بالروح الرياضية ويخلونه لخويهم

واذا غلبه الجربوع عاد ذيك الساعه يعاقب المجربع وذلك بأن يحرم ما يطرد.

والطريقه السهله لمسك الجربوع هي كالتالي :

الاولى : هذه تعتمد على السواق يعني اذا شاف الجربوع يلحقه لين يحط عليه نور السيارة ثم يولع ويطفي يولع ويطفي

طبعاً بعدها الجربوع بياقف مكانه فجأة لانه انعمى وماعااااااااااااد يشوف او يكون معكم كبس مليون شمعه اسهل واااااااااااااااااااجد .

الثانية : اللي عليهم المطارد يفزون ويطمرون من الحوض طبعاً كل واحد معه جذمار او عسيب

واحد يجي على النور من يمين والثاني من يسار

الثالثة : عندما يدري الجربوع أن فيه منهو يحاول يقرب منه سيطلق ساقيه للريح ويقبع

عااااااد الله يعين راعين الطردي

وعلى السواق في هذه المرحله الإنتباااااااااااااه للمجربعين

لانه وقتها يمكن مايشوف الجربوع وما عليه الا ملاحق المطاردين

عاد اخر شي:

كشتت الجربعه لازم يكون فيها من يسمونه ( ملح الطلعة ) وهو يا واحد ان يكون دب

او ان يكون ما يعرف وشهو الجربوع ولا يتعشى معكم؟؟

عاد المره الثانية ابعلمكم افضل اكلة جراااااااااااااابيع

مشكوووووووووووورين

منقول __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الجرابيع	محروم.كوم	منتدى أخبار المواقع والمنتديات العربية والأجنبية	0	05-23-2010 06:40 PM
معلومات عن الجرابيع...	محروم.كوم	منتدى أخبار المواقع والمنتديات العربية والأجنبية	0	05-18-2010 06:10 PM
معلومات عن الجرابيع...	محروم.كوم	منتدى أخبار المواقع والمنتديات العربية والأجنبية	0	05-18-2010 05:30 PM
أول موضوع لي حبارى + قطا مقناصي	محروم.كوم	منتدى أخبار المواقع والمنتديات العربية والأجنبية	0	12-02-2009 03:50 PM
الجرابيع ...	محروم.كوم	منتدى أخبار المواقع والمنتديات العربية والأجنبية	0	08-05-2009 06:20 PM