مـــــــردحــــــــه**وقــــــصـه مــــن الـــمـورث الــشـعـبي **مـحـــمـد الـظـاهري

محروم.كوم · #1 02-17-2012, 02:40 AM

السلام عليكم ورحمه الله وبركاته
اخواني ...

اعضاء وزوار ومشرفين منتديات مكــــــــــــــــــشات

اهلا ومرحباَ بكم

اجدد لقائي بكم ومن ضمن قصص اخواني

قصتي يا اخواني لا اعلم بماذا اصفها

تحكي عن الكرم والعز وقوة العزيمه للناس

من ماضينا وتراثا قصص كثيره ونادره

وسالفتي يا اخواني تدور على نفسها

يقولون العرب من اول كان فيه واحدِ من اهل حايل بدو

شديد يروحون للمكان الفلاني ويعودون ويتنقلون وقبل كان

فيه شح وجوع والشغل قليل في هاك الوقت

الرجال الي نبي نتكلم عنه قال ربعه يا الربع انا والله ابي اروح للمكان الفلاني ابي اترزق من خبر لي رفيق اخاويه على دربي

تلافتو ربعه قالي والله محد رايح للمكان الي انت تبي

قال اجل من يدلني على هاك المكان ابي اقطعه قطوع

وصفوله وقالو تروح مع العرق الفلاني والخبه الفلانيه

وتنحدر مع الابرق والصيهد الفلاني الوكاد وصفو له وبعد اسبوع ومع شرقة الشمس خوينا مس على حمراه وياخذ معه بقل وتمر وقهوه

وهو الي يودع ربعه واهله وهو الي يقفي وينصى البير وعبي قربته وهو يروه على وصف ربعه ويمشي ويوم ثالث وهو يقطع النفود وإلا كل شي الي يمعه بداء يقضي التمر والاقط

وذلوله ذبحها المشي والجوع والعطش ويوم رابع وهو يجي في هاك المكان المستوي ويمر هاك الشعيب واخ يبرك ذلوله

وهو ينام تحت هاك الطله الكبيره وارضها بارده ويوم برد الجو وهو يقوم ويوم قام ولا ذلوله الي يقول البركه هي البركه ماتت

وهو الي يتحسف على روحته وهو في مقطعه

المهم

راح يمشي على رجله ويرقا هاك الابرق يتلفت منا ومنا يبي يدور له عرب ملقا احد وشوي وإلا هاك القافله الي

معترضه وهو الي يومي لهم ووقفت القافله وهو الي يجيهم

السلام

وعليكم السلام

ياربع وين كبيركم

قال هاك الرجال سم انا الي سايق القافله

قال الرجال وين وجهتكم

قالو للمكان الفلاني

قال انا ذلوولي ماتت والعيشه قضت عني ومدي وش لون

وقال انا خايف الحال ابي امشي معكم لين اجي حول الي انا ابي

قال كبير القافله حياك القافله رايحه بلياك حياك

وهو الي يركب ورا واحد على الذلول

وهم يمشون ويقطعون ديار

ويوم ثالث قال الرجال ما قصرتو انا ابي اروح شرق

ودعوهم ومن بكره وإلا هو في اتوقع الكويت

ويوم دخل السوق وهو الي تحس في خاطره

لين ما يعرف احد وما يدري وين يروح

شافه واحد من اهل المنطقه وراح يمه

السلام عليكم

قال وعليكم السلام

قال من وين يارجال انت شكلك منت من اهل المنطقه

قال ايه والله ياخوك وما اداني التم مع الناس

وقاله سالفته كلها من ديرته لين وصل للمكان

اخذه الرجال واكرمه وعشاه ومن بكره ويوم اشرقت الشمس

ويروحون للسوق ويشتري له هاك الشقحا البليهي

والبليهي هي الناقه الصبوره والي تتحمل الشقاء والعنا

وقد طرقة للشعر

يقول النجدي

خطو الولد مثل ليا ثار

زود على حمله نقل حمل اليفه

ويقول احد الشعار

مثل البليهي يرتكي لا اثقل الشيل

انت الذي عنه الصعيبات ذللذ

المهم

يوم شراء له الناقه وعطاه تمر وبقل وقهوه وقال عود لديارك

وقام خوينا يشكره ويدعي له

وقاله من يقالك يا رجال قال مالي في انا شريت لك ابي الاجر ومابي الهرج من الناس

اصر عليه وقال ضافي

رجع خوينا لدياره ويقطع الدروب

ويمش والماء كل يوم في قل والوقت حر حتي في الليل

وهي ظهور نجمه الكنـه ومعروفه

وهو نجم الثريا ومدتها ثلاث عشر يوم

يشتد فيها الحر والهبايب تقل سموها الكنه من الكرب

يجي بعد الثريا بنجم واحد وهو من التوابع

يقول الشاعر

انا امس الضحى عديت في راس ام رجوم

اخيل العذراري يوم للزمل ينحنه

على واحد قفوا اهله مع قطين اليوم

ولا يرجعون إلا على باقى الكنه

المهم بعد كم يوم وإلا الرجال واصل عند ربعه

ويرجع على عيشته الاوله

ويوم اكتمل حول وإلا في هاك اليوم وإلا تجيك هاك الغاره

ناس غازين عليهم وهم يردونهم وهو الي يمسك الاسرا

ويوديهم للشيخ ويوم مشى وهو يناضر فيهم وإلالفت نظره

هاك الرجال وهو الي يقول ياولد قال سم

قال انت ضافي

قال ايه انا ضافي وعرفو بعضهم ويوم وصلو للشيخ ابن رشد

قال الرجال انا طالبك يابو فلام انك تعفي عن هاك الرجال

هو الي عطاني هاك الناقه وهو الي فعلي وساعدني

قاله الشيخ خلاص اعفيت عنه

وهو الي يوديه للبيت ويكرمه وياخذ عنده ثلاث ايام

وقاله رح لديارك وعطاه الناقه الي شراه له وعطاه تمر وقهوه وسمن

وقاله تراني سميت الناقه مدرحه قال اسم زين

وهو يركب مدرحه قاصد دياره وهو الي

يقصد ويقول

دوحيبي عن الليل يــــــا مـردحـه

عن سباع الخلا والمعاشي بعيـد

واقطعي نـازح الخــــــد بالدلبحــــه

وتعــــدي الادنــــا وذاك البعــــيـد

رفرف الجوف فوق النظام مملحه

ياركبنا عليـــهن بصـاف الحديـــد

ول ياقـــــاعـد بالـــراد مـسلـــحـه

ما يزيد النشامـا بعلمــــن يفيـــــد

اخواني،،،، سالفتي انتهت

اتمنى انها تحوز لكم واعذروني اذا حصل اي تقصير

هاذا حسب جهدي في هاذي السالفه

واكرر اعتذاري اذا حصل اي نقص

ها ما اعلم عن القصه واتيت يها

وتنظروني في سالفه اجمل ان شالله

وتقبلو تحيات

مــــــــــــــــــــــــحـــبكم

مـــــــــــــحــــــمد الــــــــــــــظاهـــــري
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
( مــــن المــــاضي 2 )	محروم.كوم	منتدى أخبار المواقع والمنتديات العربية والأجنبية	0	05-18-2010 03:50 PM
]../ [ مــــن ]الصعب ..	عيوووون راك	الإستراحه العامة	12	01-03-2010 02:17 AM
اي نــــــوع مــــن الاطـــــــــفال كنت .؟؟؟؟؟	روح الخور	المواضيع المكرره	0	05-19-2009 11:00 PM
×... ريفنتـــــون مــــن لامبـــرقينــــي ...×	ولد_زعبيل_VTC	سيارات و دراجات	32	02-11-2009 08:07 PM
++::++ لــــو ينقطع صــــوتك ++::++	تحريات	نغمــات للهــواتف	33	07-19-2008 07:11 PM