اول مشاركه في المنتدى قصيده على الطرق الهلالي

محروم.كوم · #1 02-16-2012, 06:40 AM

هذي اول مشاركه لي في منتدى مكشات اتمنى ان تعجب الجميع القصيده على الطرق الهلالي في ديرتي الغاليه وهي موجه للشاعر الاستاذ / نواش الوصيص الشملاني. القصيده تعبر عن نفسها....

يالله ياعالم خفايا صدورنا ***** ياللي بغرات العباد عليم

استر علينا لاتبين عيوبنا ***** الستر من عند الولي تكريم

مايضّيق الصدور الرجال الرحبه ***** الا الغموض وحالة التعتيم

وليا انكتم صدري وضاقت نفسي ***** وحسيت من جو المدينه ظيم

وظغط الحياه وقّل مافي يدينا ***** سوا بنفسياتنا تحطيم

لولا اسلي خاطري يالغازي ***** يمديه جا فالجمجه تنسيم

انا منايه ديرةً مغليها ***** ياجعل يسقيها صدوق الغيم

ياجعل يسقيها من المزن غرا ***** وياخذ شهر فيها السحاب مقيم

خمسة عشر ليله يصب وياقف ***** وخمسة عشر ليله تصبه ديم

وسميةً باول حلول الوسمي ***** مافاتها لو يوم بالتقويم

احبها من حب تركي وجوري ***** واحبها من حب بنتي ريم

ون جيت اسميها وابين حدودها ***** قفرن خلا ما طبها الترسيم

من الشيخ لام ارميث ليا سد سراّ ***** ومن صيخ لصعيبه ليا ام هشيم

دشه لياجا القيظ نارن كبرى ***** مربى الوعول الحايزه والريم

ومن دون ابو حلفا لسد الجامل ***** ومن الضباع ليا طويل دغيم

ومن الثنيه لطلحات النجمه ***** بالجعفريه ماردن قديم

وعلى عشيرات المنازل واجد ***** اليا الغوال اللي براسه هيم

حمرا هواها للصدور يداوي ***** ليا جيتها عقب البطا تنعيم

وخوة خويً مايمل الخوه ***** هاوي ماهو قناص بترهيم

يومن بعض اصحابنا خاوونا ***** عدنا النظر فيهم مع التقييم

اما مشى معنا ويشمت حظه ***** والا مشى عنا بلا تعليم

ما سبهم لاكن خطاهم بينً ***** والحر مايحتاجله تفهيم

وانا لو اني مالقيت مخاوي ***** ما اخاوي اللي خوته توهيم

خمسة عشر ليله تبي تكفيني ***** متنقلن فيها بلا تخييم

هذا هوى بالي وهذا مرادي ***** وهذا هوى اللي في هواها يهيم

تمت وصلا الله على محمد ***** وعليه من رب الملا تسليم

ورد اسم الغازي وهو الاسم المستعار للشاعر / نواش الوصيص الشملاني وفي اجهزة

الايكوم وانا اسمي العساس في الاجهزه ورد على الشاعر وان شالله اكتب قصيدته كامله

بعد الاستئذان منه لكم شكري وتقديري والاراء والانتقادات على العين والراس... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تصوير غوص ليلي -اول مشاركه في المنتدي عطوني رايكم	محروم.كوم	منتدى أخبار المواقع والمنتديات العربية والأجنبية	0	10-01-2011 09:30 PM
السلام عليكم .......اول مشاركه لي في المنتدى.........	محروم.كوم	منتدى أخبار المواقع والمنتديات العربية والأجنبية	0	09-17-2011 11:20 PM
برنامج يزيد مشاركاتك في المنتدى الــى 1000 مشاركه ....!!!	محروم.كوم	منتدى أخبار المواقع والمنتديات العربية والأجنبية	0	05-23-2010 09:50 PM
اول مشاركه في المنتدي دعاء؟	محروم.كوم	منتدى أخبار المواقع والمنتديات العربية والأجنبية	0	04-18-2010 06:30 PM
اول مشاركه في هاذا المنتدى وحابين ان ناخذ رايكم ؟؟؟؟؟؟؟؟؟	محروم.كوم	منتدى أخبار المواقع والمنتديات العربية والأجنبية	0	02-17-2010 04:50 PM