من صوب حمود في المدرسة

في حصة الكيميا
كانت الحصة عن انواع التفاعلات الكيميائية و كانو الطلاب كلهم في المختبر
استاذ مازن: هلئ راح أأول لكم ازاي بتعملو هاي التقربة و راح تحصلون عليها درقات < مصري لاه
الطلاب: ان شاء الله استاذ

حمود: خلود شو رايك نسوي جو شوي بالحصة!
خلود: فوقه والله ملل ها الشيبه يهذرب فوق راسنا من متى
حمود: انا اشوف بودرة اشكال و انواع و بعد شي كبرييت و هاذا ورق
خلود: يالله عيل فووقه
حمود: اقول اتريا بنشوف الاستاذ شو بيسوي عسب لو بيسوي شي قو يعني بنسوي شراته و بنزيد شوي بهارات و بنسوي كرنفال

الاستاذ سوا التجربة جدامهم و حمود وخلود مركزين اقوى شي
و بعد فترة بسيطة
طآآآآآآآآآآآآآآآآآآآآآآآآآآآآآآآآآآآآآآآآآآآخ
الكل التفت صوب حمود و خلود
حمود:و عله ان شاء الله وش صار ماكنت متوقع جيه بيصير
خلود: الله يخسك ياحمود عيوني تحرقني
خلود راح للاستاذ و على طول وداه عند الدكتور اللي في المدرسة حط له قطرات بعيونه منضف و بعدها حط عليها ماي بارد


و من صوب حمودكان متوهق وايد و خاصة الكل يطالعه و هو مالاحظ الا منصور):اممم استاذ شو صار انا سويت كل شي صح
ا.مازن: يا محمد شو اللي عملتو انته .. انته غبي مابتفهم حااجه! اطلع برع هلأ بشووف.
حمود: استاذ صدقني ماكان قصدي و بعدين انته ماتشرح عدل.
ا.مازن: اطلع برع الصف و بتشوف كيف راح تكون درقاتك هايدا الفصل
حمود طلع برع الصف و هو منقهر من منصور لانه كان يضحك عليه
و هو طالع شاف خلود و سار صوبه
حمود: ها شو فيها عينك.
خلود: لا ماشي
حمود: ياخي انطردت من الصف
خلود: ويو تستااهل .
حمود: هيه اضحك انته الله يعين ياخي اخاف ها الشيبه يرسبني!
خلود: لا ماعلييك
خلود يمشي يبا يدخل المختتبر
حمو: ايه وين رايح
خلود:بروح المختبر لاه
حمود: لا والله بتخليني بروحي!
خلود: مشكلتك
حمود: حرام عليك شو شكلي ما اكسر الخاطر!!
خلود: تصدق امبلا كله ولا ها الاسود الي ع يبهتك
حمود طلع كلينيكس من جيبه و مسح ويهه
و تمو يتمشون فـ الساحه لين ماشافهم المدير و هزبهم و قال لهم ادخلو شعبه 3 فاضية الطلاب بالملعب و تمو هناك لين تخلص الحصة
و لو عدتها انته وياه ياويلكم
حمود+خلود:ان شاء الله استاذ

و بالفسحة اساتذة الرياضة كانو منضمين انشطة في الساحة يعني مباريات
كان عندهم تنس طاولة و كرة السرعة و كم لعبة بسيطة كانو شباب مسجلين في هاا الانشطة و مسويين نفس الدوري في المدرسة
كل يوم 2 يتبارون و الي يفوز ينتقل للنهائي و كذا لين ما يتمو اخر اثنينه
صادف حظ حمود انه بيتبارا ويا منصور بكرة السرعة
كرة السرعة( عبارة عن عامود مثبت مربوطة فيه كورة و في شخصين مجابلين بعض الاول يضرب الكورة و الثاني لازم يردها لو كملت دورة كامل
و ماضربها تنحسب نقطة للخصم
و حمود شد حييله و كان متوتر و معصب يسوي المستحيل عشان منصور مايفوز عليه
و اخيرا تمكن من انه يفوز ع منصور

و كان هناك طالب اسمه حمد يصور كل الفعاليات اللي تصير في المدرسة و ينزلهم بموقع المدرسة

حمود و هو يمشي شاف المدير قاد يتمشى بالساحة
سار صوبه هو و خلود و تمو يسولفو وياه
مديرهم كان واايد كول ويا الطلاب يعني يسولف وياهم ياخذ و يعطي معاهم و حتى يتمصخر عليهم و يتمصخرون علييه
بس بع بحدود الاحترام و الادب
و نفس الشي بالنسبة للأساتذة

اما من صوب العنود و رويض

بـ الفسحة روضة كانت تتمش ويا ربيعاتها

روضة: ريموه اقولج شو عليناا الحصة الثالثه
ريم: اممم هيه انجليزي
روضة: اها زين عيل خلينا نروح نشتري من الحين لأنو لو اتأخرنا بتحتشر علينا الابلة
ريم: يالله عيل

و هم يمشون روضة شافت اختها العنود قاعدة ويا ربعها بنص الساحة متربعين و ياكلون و يسولفون
روضة\ ياخي شو ها الاخت فضحتني بكل مكاان

العنود: اقول ندووه احمدوه اخووج شحاله
نادية:لا والله انا ولا انتي حبيبته!
العنود: ايه عن العبط انا متضاربه وياه
نادية: ليش ان شاء الله
العنود: كان يستهبل علي يقولي اونه هو اسمه خليفة
نادية: كيف يعني
العنود: انا اتصلت له من رقمي اليديد و هو مب مثبت صوتي و اوني ابا اتعرف عليه و هو كان عادي عنده بس عقب قلت له اني انا العنود و عقب عصبت منه و سكرت
تم يتصل لي و انا ماكنت ارد عليه
نادية\ويعه يا احمدوه كنت بتخرب خطتي و بتفضحني
العنود: ندووي وينج
نادية: هاه وياااج
العنود: هيه مبين

و رن الجرس و دخلو صفوفهم..

و في بيت بو عبد الله
عبد الله كان توه نازل هو و جوليا
شافو ام عبد الله تحت

عبد الله من شافها ركض صوب امه و حظنها و تم يصيح
عبد الله: امااااه حااامد راح منا يا امييه حاامد ولدي راااح
جوليا تشوف ريلها و نزلت دمعتها ع خدهاا
ام عبد الله: خلاص ياولديي هاذا قضاء و قدر و انته ماتدري شو المكتوب ياولديي يمكن خيره
و ترا هاذا يومه و مكتوب له
عبد الله: بس يا امي والله الظناا غالي يا اميي حرام يستوي فيني جييه
انا كنت احبه والله و ماكنت مقصر عليه بشي كل شي يباه عطيته له و عيشته عيشة شيوخ و فجأة رااح يا اميي
بس انا الغبي اللي ماا انتبهت علييه ولا ماصار اللي صاار

عبد الله طاح على ركبته و غطا وييه بإيدينه

نزلت ام عبد الله لمستوااه و تمت تواسيه و تخفف عنه

ام عبد الله: ياولدي حرام لاتسوي جيه بعمرك هاذا قضاء و قدر
و هاذا يومه مكتوب و مقدر له و ان شاء الله بيشفع لك يوم القيامه
و هو الحين طير من طيور الجنة

سمية و سعيد كانو قاعدين يطالعون ابوهم و هم على الدري و تمو يصيحون
انتبهت عليهم جوليا و ربعت صوبهم شان ماتخليهم يشوفون ابوهم و هو جييه
سبحتهم و لبستهم و بعد نص ساعة نزلو تحت جوليا سلمت على ام عبد الله لأنها ماسلمت عليها او ما نزلت
و خلت عيالهاا يسلمون على يدتهم و ام عبد الله حظنتهم و مافجتهم تمت تشمهم و تصييح .
اول مرة تشوف سموي و اول مرة تشوف سعيد من كم سنة .

جوليا كانت وايد مستانسه ع الوضع حست انه في حد شايل عنها شوي من الثقل اللي كان عليها

عبد الله: امييه ابويه وين
ام عبد الله و هي تتذكر اللي شافته: ابوك مسافر ياولدي
عبد الله: وين مسافر
ام عبد الله: ساير السعودية يعابل الشغل.!
عبد الله: اها الله يقوييه ان شاء الله
امييه انا خلاص قررت استقر هنيي
جوليا اللي فجت عينها ع وسعهن: لييييييش
ام عبد الله: زين ماقررت ياولديي شو تبا بالغربة .
جوليا: بس عبد الله انا اهلي هناك و حياتي كلها هنااك انته ليش تبا تتم هني!
عبد الله: شو تبين بالغربة انتيي هني عندي امي و ابوي احسن من لا شي
و بعدين ابوج و امج بترومين تزورينهم وقت ماتبين
جوليا قامت من عندهم و سارت فوق

ام عبد الله : بلاها حرمتك جنها مب عايبتنها رمستك
عبد الله: والله ما ادري يا امي ..
ام عبد الله: الله يعيينك ياولدي والله لو مخليني انقي لك الحرمة و متزوج وحدة من بنات البلاد جان اخير لك جان ماصار اللي صار
عبد الله تنهد و وقف.
ام عبد الله: ويدييه ولدي وين ساير
عبد الله: اميه بطلع اغير جو شوي خلي سموي و سعود عندج لاتطرشيهم صوب امهم.
ام عبد الله: امرك ياولدي



في لندن

هاشم يدخل مكان شرات قراج السيايير فيه يهال وايد اعمارهم من 7 لين 11 سنة
اولاد و بنات
هاشم يدخل يوعييهم الساعة6 الصبح بحيث انه يصرخ عليهم واللي مايقوم يعاقبه
اغلب هاا اليهال يتامى او غريبين عن البلاد
هاشم يعطي كل واحد منهم جرايد و الي يعطيه ورد و الي يعطيه عطور و من ها الاشياء الخفيفة و يخليهم يبيعونها
بحيث انهم يمشون في الشوارع و يبيعون
كان معلمنهم و كل ما اييب حد يديد يخليه ويا واحد متمرس بها الشي ليش يفهم الشغل و عقب يبدا يشتغل
كان حامد عند واحد اسمه زياد و طلعو هاك اليوم ويا بعض طبعا زياد كان يبيع ورد في الشارع بين السيايير
زياد كان عمره 11 سنة و يعرف يرمس انجليزي بس الكلام الاساسي يعني مب لذاك الزود
و كان هاشم يهددهم انه اللي ايي و ما بايع كل شي انعطى له ينحرم من الغدا و ينام ع الارض
طبعا زياد كان مفهم حامد انه مايصيح جدامهم ولا يخالف اللي يقولوونه لأنه لو سوا اي شي من ها القبيلا بيعاقبونه


طلع حامد و زياد يبدون يومهم

اول شي بدو من اقرب محطة قطار صوبهم و تمو يتمشو و يبيعو
و في الدرب
حامد: زياد الحين انته ليش ماتشرد من هاذيلا احنا ليش نعيش عندهم انا مابا اتم مني انا اباا اسير لين امي و ابوي
مابا اتم منيي
زياد: انته تعرف مكانهم؟
حامد: لا
زياد:تعرف هم وين عايشين تعرف اسم المكان الي كنتو عايشين فيه
حامد: لا اصلا احنا كنا ساكنين بعيد انا تميت وياهم بالسيارة واايد لين يابوني لين منااا.
زياد: عيل خلاص الحين مافي حل و ماتقدر تسوي اي شي
و هم في نص السالفة زخ زياد ايد حامد و ركض بسرعة ينخش فـ مكاان كان اشبه بـ سكة صغيرة بس كانت وصخه
حامد: ليش ركضت انته
زياد: هناك شفت شرطي و لو الشرطي شافنا بيزخنا و بعدين هاشم و عاطف بيضربونا

حامد: انزين خلاني بسير بقول ليه عشان يوديني عند امي
زياد: انته ماتعرف هاذا هاشم يعرف الشرطيين مني و يقدر يعطيهم فلوس و يخلوك ترد مرة ثانيه عندو و بعدين هو بيضربك
حامد: انزين شوف الحين الساعة كم و احنا وايد عندنا عشان نبيعو
زياد: تعال بنسير عند البحر هناك المكان وايد و حلو و في ناس يمكن يشترو
و هم يمشون سايرين صوب البحر كان مكان جدا جميل
كان المكان عبارة عن بحيرة كبيرة و المكان اللي حواليها كاامل عشب كانت هناك شجرة كبيرة تحتها كرسي و كانت هناك حرمة كبيرة في السن قاعدة
تقرب منها حامد و زيااد و هي شافتهم بس ماكانت تبي تبين لهم انها لاحظتهم
حامد كان شوي و بيصيح خايف من شكلها
و زياد قاله انته خلك هني انا بروح ابيع لها ورود و بيي
قام زياد و قرب من الحرمة و قالها لو بتشتري او لا
الحرمة كانت ما تفهم عربي
زياد حاول يفهمها انه يبي يبايعها و اشترت منه كل الورد بس لاكن ماخذتهم خلت الورد عند زياد و خذت وردة وحدة و قامت تقربت من حامد و حامد زاد خوفه
قال بردة فعل سريعة لاا انتي ينيه لاكن الحرمة حظنته و باسته ع راسه عطته الوردة و اختفت
حامد: هاذي ليش باستني ..
زياد ماعرف بس تدري هي اشترت كل الورد الي عمدي
حامد: عيل انته عندك الورد كيف هي تشتريه و انته ماعطيتها له
زياد: قالت لي اوزع هاذا الورد يوم اشوف 2 مع بعض قاعدين هنا في هاذي المنطقة

في السعودية الساعة 8 الصبح

بو عبد الله: السلام عليكم
مدير المدرسة: وعليكم السلام و رحمة الله وبركاته
بو عبد الله: شحالك استاذ ا......
المدير:معاك مدير المدرسة استاذ عبيد
بو عبد الله:و النعم والله استاذ عبيد شحالك
ا.عبيد: الحمد لله تمام انته شحالك يا...
بو عبد الله: بو عبد الله .. الحمد لله تمام
ا.عبيد:خير اخوي بإيش اقدر اخدمك
بو عبد الله: انا ياي اسأل عن ولدي عندكم بها المدرسة
ا.عبيد:انزين ولدك شعبة كم و وصف كم و شو اسمه
بو عبد الله: والله مادري بس هو اسمه مسعود سعيد ال....
ا.عبد و كأنه منصدم: هاذا ولدك
بو عبد الله استغرب منه: هيه ليش خير الولد مسوي شي
ا.عبيد: الصراحه الولد قمة في الاخلاق و قمة في الذكاء و ماشاء الله عليه من الاوائل في المدرسة و من المتميزين
بس دايم لما كنا نسأله عن ابوه عشان نرسل له دعوات اخر العام لـ حفل التخريج كان دايم يقول لنا انو ابوه مايقدر يجي و كان يحزن
كل الطلاب اولياء امورهم يكونو موجودين الا اهو.
بو عبد الله: طيب ممكن اشوفه و اشوف اساتذته

في صف مسعود دخل المدير و معاه بو عبد الله
بنفس الوقت مسعود كان قاعد يحل مسألة و عاطي ظهره للباب و بعد ماخلص صفق له الاستاذ لأنه المسألة كانت صعبه شوي
وكان يبالها ذكاء و مسعود للحين ما انتبه على ابوه
و يوم راح يبا يقعد على كرسيه التف صوب الباب و شاف ابوه
استانس واايد من خاااطرة
مسعود: ابووي!!(راح صوبه و باسه ع راسه)
بو عبد الله: تبوس الكعبة ان شاء الله ياولدي

بو عبد الله يكلم استاذ الرياضيات: ها شو مسعود وياك
الاستاذ:ماشاء الله عيني عليه بارده واايد شاطر و ماشاء الله ذكي و دوم يحل واجباته و دايم اغراضه معاه كل حصة من هندسة و لا آلة حاسبة و حتى
الدفتر و الملف.

المهم بو عبد الله تم يسأل عن عبد الله عند كذا استاذ

بو عبد الله يكلم مسعود: مسعود ولدي اليوم ان شاء الله بعد الدوام اطلع من المدرسة بتحصل سيارة لكسز سودة فيها دريول
اركب وياه هاذا ان شاء الله السواق اليديد مالك و هو مابيوديك البيت بييبك معاي هناك الشركة ابيك تتعلم ع الشغل شوي
مسعود وايد استانس ع الشي و حبه


و الساعة 3 العصر في بيت بو عبد الله
كان حمود و خواته توهم رادين من اللسكول<<يخلصون بنفس الوقت.

اول مادخلو البيت كلهم: السلام عليكم
ام عبد الله و جوليا: وعليكم السلام و الرحمة
حمود يساسر العنود: اقوول شوفي هاييك الحرمة صاروخ والله انهاا و امي شو تبا تعزم حرمات اصغر عنها !
العنود: حمود عن الغباء هاي جوليا حرمة عبد الله اخوك
حمود: صدق!!
روضة:انته عن الخبال اسكت شوي

روضة:هلا جوليا (راحت و سلمت عليها) شحآلج و شخبارج وين مالج شوف من 3 سنين ماشفنااج!
جوليا:والله السموحه منج روااضي لاه ابشرج بعد شكلنا بنستقر هني
روضة:الله ونااسه حد بيكون وياي اسولف وياه .
جوليا:لا والله و ليش عنودي وين عنج!
روضة:لا يعني واحد يديد مايعرف سوالفي ههه كل السوالف قلتها للعنود الحين ماشي سوالف اقولها لها و اتم ملاان

ام عبد الله تصرخ : حمود يا الهرم تعال سلم على حرمة اخوك و انتي عنود بعد تعالي سلمي صدق مافيكم مذهب.
العنود و حمود سلمو على جوليا.
حمود: زين شو الغدا اليوم امييه!!
ام عبد الله: الغدا شي سمج و شي دياي .
حمود:زين انا بروح ابدل و بنزل اتغدي يوعاان اويع شي
روضة:ايه شو ها المصطلحات الي تطلعها انته بعد!
حمود:كيفي كيفي ..
روضة:انزين مامااه انا بعاد بروح فوق ابدل و بنزل
العنود: امييه انا بعد بروح فوق ابدل و بنزل
ام عبد الله: انزين دهدييه و بخلي الشغاله تزهب لكم الغداا.
جوليا:عموه عبد الله ماقالج وين بيسير للحين مارد و انا اتصل فييه مايرد عليي.
ام عبد الله: لا والله يابنتي مادريبه وين.(قامت و راحت المطبخ)

جوليا\\ اخييه الحين هاي امه مب طايقتني و بيتهم فاضي مافيه غير العنود و روضة مع منو بسولف الحين!! اووووووف

شوي و نزلت حمد حرمة اخوهم راشد

حمده:السلام عليكم
جوليا الي صدت تطالع مصدر الصوت:وعلييكم السلام و الرحمة
حمده بينها و بين نفسها:وييه حد ايي ها الوقت يزور حد!!
حمده: خير اختييه تبين ازقر لج العنود ولا روضة ولا عموه!
جوليا: انتي اكيد حمده صح!
حمده: بسم الله شو عرفج فيني!
جوليا: انا جوليا حرمة عبد الله اخو ريلج
حمده: اوييه سوري ماعرفتج السموحه منج( سارت و سلمت عليها)متى الوصول ماشاء الله
جوليا:امس باليل
حمده:الحمد لله ع السلامة..عيل عموه وين!!
جوليا:سارت تزهب الغداا ويا البشاكير الحين بتيي.
حمده: اهااا .. قامت و شغلت التلفزيون.
و بعدها بشوي دخل عبد الله.
عبد الله: السلام عليكم
حمده : وعليكم السلام اوه هلا عبد الله .
عبد الله: اهلين مرة اخوي شحالج عساج الا بخير
حمده: و انته شعرفك اني حرمة اخوك.
عبد الله: لا يعني خمنت و طلع صح عندي و بعدين لو كنتي حرمة غريبه ماعتقد حدي ايي يزورنا بها الوقت الظهر هه
حمده تطالع ججوليا :زين عيل ريلج طلع ذكي
عبد الله: زين و انتي شدراج اني انا عبد الله.
حمده:بعد خمنت و بعد يعني ماحد بيي و بيدخل الصالة و هو مب من اهل البيت

عبدالله:زين انتي بعد طلعتي ذكية
عبد الله و هو يطالع جوليا و هي عاطتنه طاف:اوف اوف اشم ريحة حريجة انا
جوليا تزاعق:لا والله وينك من الصبح و ليش ماترد علي و حاقرني ولا قلت لي وين انته رايح!
عبد الله: اييه احترمي نفسج ولاتميين تصارخيين علي انا مب اصغر عيالج و بعدين انا الريال هني مب انتي
جوليا: لا والله من متى ان شاء الله ولا يعني خلاص الحين صرت بين اهلك و اونك مستقوي عليي!!
عبد الله: ايه شو مستقوي و مامستقوي انتي بعد والله مامتفيج لج .( سار فوق)
جوليا\والله حقييييير

و من صوب بيت بو زايد

عواش بعد توها واصلة من المدرسة دخلت الصالة مالقت حد و سارت فوق
و بعد نص ساعة نزلت لقت موزة و امها قاعدين ع طاولة الطعام و شوي بيبدو بالاكل
عواش:ايييه صدق ماتستحون تاكلون و ماتتريوني(تطالع موزة) و انتي ليش ماطفتي علي المدرسة مطرشين اللدريول حقي! تدرون ماحب اركب وياه مايرضى يطوفني الشيشة!!
موزة:لاني رادة من وقت من الدوام
و راحت عواش تتغدى ويااهم
شوي و نزل زايد
زايد:السلام عليكم
الكل: و عليكم السلام
ام زايد: صباح الخير ولدي شحالك
زايد يبوس راس امه:بخير الحمد لله شحالج انتي
ام زايد: تمام فدييتك
و قعد زايد يتغدى وياهم
موزة:ايه زيود مب زوين تقوم من النوم و على طول تاكل عيش و دياي ها كله دهون عقب بتستوي متيين و بعديين ولا وحدة بتعيبها كرشتك
زايد:يالله يالله يا بختها اللي باخذها تحلم اصلا تلاقي واحد شراتي
عواش: عداال يا توم كروز
زايد:انا احلى عنه انزيين .
(زاايد ولد مزنة طويل و مجسم حليو و ابيضاني عيونه خضر و شعره لين جتوفه و هو احلى واحد بعايلة بو زايد)
شوي و يدخل عليهم علي
السلام عليكم.
الكل:وعليكم السلام و الرحمة
ام زايد: يالله روح فوق بدل و بعد ماتخلص انزل تغدى وياناا
علي:خيبه تروغيني امييه خليني بسلم ع اخواني
عواش:حستني انك مول ما تشوفناا يعنيي لاحق علينا بتشبع و بتمل روح قبل لا يخلص الغدا والله بيفوتك
علي اونه يركض:زين زين ( سار فوق)
زايد:اقول برمسكم شوييه لين ايي علوي
ام زايد:خير ولدي قول شو صاير!
زايد:امي تشوفين اللي يسوييه علوي صح!
ام زايد: والله ياولدي هو يبغي ها الشي شو نسويله يعني نخليه يدرس شي اهو مايباه!
زايد:لا مب جييه بس بعد يعني اميه نحن مجتمعنا متحفظ و مايحب ها الشغلات و بعدين امي الشي اللي بيسويه ممكن يضره اكثر مما ينفعه!
عواش:لا بالعكس احس الشي حلو والله لو اقدر بتخصص شراته بعد!
موزة:زايد هاذا اخوك و انته لازم تشجعه مب توقف ضده و بعدين شدراك يمكن تكون خيره له ها الشغله اللي يشتغلها و بعد ترا لها مستقبلها في الوقت الحالي
زايد:والله ماادري ماقول غير الله يوفقه
عواش:وناسه يعني يومك بطلع المول ولا مكان وياه الناس بيأشرون علياا و يقولون شوفو منو هنااك
علوي و هو نازل: هه تحلميين انتي انا مابطلع الا حرمتيي ..
عواش: مالت صدق!!

( علي طالب مخلص مدرسة من سنتين و الحين يكمل جامعه متخصص اعلام تخرج من الثانوية بنسبة 94 صح تأهله يدخل مجالات وايد بس هو مب راضي الا بـ الاعلام و يطمح يكون مذيع
بس اهله اغلبهم رافض و بالاخص زايد لاكنه ماوقف بطريجه و خلاه يختار اللي يباه بس حاول ينصحه)


في السعودية.
بو عبد الله يدخل البيت و بإيده كيس
بو عبد الله:السلام عليكم
منال+العيال:وعليكم السلام
قام مسعود و اخته شوق و باسو ابوهم ع راسه.
بو عبد الله: شحالكم عيالي..و شحالها ام عياالي !
شوق :الحمد لله بخير ابويه
مسعود: من بعد اللي صار اليوم اكييد انا بأحسن حال
منال: ليش شسو اللي صار
مسعود: ابوي يا و سأل عني بـالمدرسة وياب لنا دريول و بعد سلمني شويه من الشغل
منال:اصلا هاذا اللي كان لازم يستوي من زماا
بو عبد الله يقعد مجابل عياله: سمعوني ياعياالي انا صح اني ما اييكم الا كل كم شهر مرة و اتم وياكم اسبوع بس والله صدقوني تراكم انتو عياالي و حشاشة يوفي
و غلاتكم من غلات امكم و من غلات عيالي عيال ام عبد الله و ان شاء الله ما اكون مقصر عليكم بشي .
شوق: تسلم باباتي و الله يخليك لنا ان شاء الله و الله يطول بعمرك ولايحرمنا منك ان شاء الله .
بو عبد الله: و انا واثق فيكم يا عيالي و لو مو واثق ماكان خليت امكم تربيكم بروحها و انا متأكد انه منال بتربيكم احسن تربية (طالع شوق)شوقو اليوم اناا بودييج السوق ذهبي عمرج بخليج تاخذين اللي في خاطرج
مسعود: هيه ابوي بس لين شوقوه لاه
بوعبد الله: ياولدي و انا اللدريول لين منو حاطنه !
مسعود: لا بس بعد غير السيرة وياك لاه
بو عبد الله:خلاص ولا يهمك و انته بعد تزهب جان بتروح.
مسعود:خلاص تمام انا لازم اخرب ع شوقوه ههاي.
شوق:مالت انزيين!
بوعبد الله : عيب شوقي لاتقولين جيه لين اخوج.
شوق: ان شاء الله ابوي .
مسعود:الاا ابوي ماقلت لناا شو يبت لنا من الامارات
منال:ماياب لكم الا كل خير.
بو عبد الله يساسرها: انزين انا نسيت ماشريت لهم شي من هني اليوم و صوغتهم نسيتها فالامارات!
منال: كنت ادري عسب جيه انا شريت لهم كم غرض اليوم الصبح بعد ما وصل اللدريول مسعود صوبك
منال:شوقي روحي ييبي هاذيج الكيسة!
شوق:ان شاء الله امييه(راحت ويابتها)
شوق:ألله هاذي اكيد ليي( كانت الهدية عقد و خاتم حلويين و آيفون اس 4 )
مسعود: ياسلام عليي اناا طلع الكيسة(ها اللاب اكيد حقي و ها الفون بعاد)
بو عبد الله: كلي فدااكم يا عياالي و سمعوني انا بعد يومين ان شاء الله برد الامارات و مثل ماقلت لكم الله الله بعماركم و بأمكم
مسعود: انزين باباه انته بعد يومين بتسافر ليش تنصحنا الحين!
بو عبد الله: حبيبي لأني اليسومين اليايين بكون مشغول وايد انا يالله يالله فضيت عمري لكم ها الكم يوم.
مسعود: ان شاء الله ابوي الله يعطيك القوة.

في لندن..

زياد و حامد تمو يتمشوون في المكاان و يحوطون بنفس مكان البحيرة و كل ماشافو اثنين ويا بعض عطوهم وردة و هم يبتسمو و يروحو..
حامد:يالله انا تعبت خلص الورد اللي عندناا الحين بنرد هناك عند هاشم.
زياد:والله تدري اصلا انا دوم كنت ارجع متأخر ماا ارجع الا لين ابيع الورد
بس الحمد لله اليوم الورد بعته بسرعة خلنا نتمشى شوي و بعدين بنرد لين الملعون هاشم.
حامد: اوكييه
زياد: اقولك حامد كلمني عن امك و ابوك شوي انا ماعرف عنك شي!
حامد: شو تباني اقولك انا عندي ام و ابو و عندي اخوان اثنينه اختي سمية و اخوي سعييد كنا ساكنين هناا .
حامد و الدموع تنزل ع خده:بعدين في مرة طلعنا السوق و ابوي شرالنا كلنا آيباد و اشترا ليي انا واحد بعد نفس اخواني
شفت هاذيلا الملعونين هاشم و عاطف و بعدين هم زخوني و سكرو على حلجي و خطوني بالسيارة معاهم و انا كنت اصرخ و اضربهم و هم ماسكيني بقوو
بعدين حطو لزقة على حلقي و انا تميت اصارخ بس ماكان يطلع صوت و بعدين نمت و نشيت كان افتح عيوني و شفت انا فالمكان هاذاك <<كان يغمى عليه يوم خطفوه
زياد: خيبه كل هاذا صاار فيك الله يعينك
حامد وهو منهار صياح: انا وش سوييت لييهم انا ابا امي و ابوي و اخواني انا مابا شي والله مابا شي حتى انا احبهم وايد واايد بس ابوي خلاني و راح المحل
لو هو كان ماسك ايديين كان ماصار فيني كذاا
زياد:بس حامد لاتصيح الرياييل مايصيحوون انته لييش تصييح.
حامد يمسح دموعه:انزين خلاص انا ما ابكيي ..
زياد: تدري اناا وصلت هاذا المكان عشان امي و ابوي ماتو و انا ماعندي اخوان ثانيين هنااا و هاشم كان ربيع ابوي و اول ماعرف انه ابوي و امي ماتو بحادث
يا حقي و خلاني عنده و انا الحين وياه من 4 سنواات ..
تراني تعودت على الضرب و عادي عندي و انته لو ضربك لاتم تصيح جدامه ولا بيزيدك اكثر..
حامد: خلاص زين يالله بنررد هناااك ..
وردو من وين ماطلعو ..


جوليا في غرفتها تصيح و تكلم عمرها في المنظرة

::اناا لييش يستوي فيني جييه ياخي هو دفش و مايعاملني عدل ترا مثل ما حامد ولده تراه بعد هو ولديي انا تعبت عليه 9 شهور كبرته و ربيته و ماقصرت عليها بشي
هو من يا بيت اهله دوم يصارخ علي و يرفع صوته علي يعاملني كأني خدامه عنده و عند عياله ( قامت وقعدت ع الطرف الكرفاية و ظهرها للباب)
روضة و هي تدخل غرفة جوليا..
جوليا من سمعت صوت الباب وقفت و بعدها عاطيه ظهرها للباب
جوليا: انته ليش تيي هني ماتقدر تخليني بروحي تدري اني متضايقة ياي تتضحك علي يعني روح الله ياخذك انا مابااك ولا ابا هاي العيشة اللي معيشنها لي
ترا مثل ماحاامد ولدك تراه بعد ولديي و انا ربيته و كبرته وتعبت عليه مب بس انته انته متضايق و معصب و تحس انه الذنب ذنبك انته و قاعد تطلع حرتك فيني
قولي انا هني بتم ويا منو العنود و ماتدانيني و امك ماتباني و روضة دوم في غرفتها تذاكر ولا تقعد مع عموه تحت و حمده دوم تطلع مع راشدد اخووك
انا خلااص تعبت انته مب ع كيفك تتخذ قرارات و تخلينا نتم هني انا ابا ارد وياا اهلي لندن و جان تبا تم انته هني بروحك (( قعدت ع الكرفايه و بعدها ماطالعت من اللي عالباب))
روضةبلعت ريجها: انا روضة
جوليا من الصدمة لفت تطالع صوب الباب: |:
روضة:سوري حبيبيتي ماقصدي بس كنت اباج تطلعي اللي فخااطرج
جوليا قامت و حضنتها و تمت تصيح
روضة تبعد راسها و خلتها تطالعها و قعدو ع الكرفاية
روضة:حبيبي بلااج شو اللي صاير ليش معصبة جيه
جوليا:ماشفتي عبد الله اخوج كيف كان يعاملنيي اناا والله احبه بس هو مايحس من توفى حامد و هو دوومه معصب .
روضة:حبيبي بس خلاص انتي حاولي تراعين ضروفه ترا هو الحين وايد تعباان و انتي لازم تتحمليينه و لو حتى شوي
و بعد ماينفع كذا تتفاهمون ع قراراتكم بعصبية عبد الله لو يبا يتم هني اكيد له وجهة نظر و انتي لو ماتبين اتمين هني بعد لج وجهة نظرج.
جوليا:خلااص والله انا ماقدر استحمل انا بعد هاذا ولدي انا اللي تعبت عليه و ربيته هو بعد لازم ياعي ضروفي مب انا بس!!
عبد الله: انزين آسفين و حقج علينا
جوليا و روضة يطالعون صوب مصدر الصوت
عبد الله كان لابس وزار و فالينه و شكله توه طالع من الحمام
عبد الله: بلاكم تراني سمعت كل شي تصدقين اول مرة ادري انه حرمتي خبيله تكلم عمرها بالمنضرة
جوليا: حيواااااااااااااااااان واااحد
عبد الله يطالع روضة:ممكن تخلينا شوي
روضة:ان شاء الله اخوي و طلعت .
عبد الله: انزين ايف
جوليا:انته كيف سمعتنا .
عبد الله:كنت واقف هني و يأشر ( الحمام له قسم خاص ف الغرفة و جدام الحمام في نفس الباب بس بدون باب و هناك كانت الكبتات و هو كان منخش هناك))
جوليا:لا والله
عبد الله: ياني فضول و كنت ابا اشوفج شو بتسوين ولا شو بتقولين.
جوليا سااكته
عبد الله: حبيبي والله خلاص(يبوسها ع راسها) والله مب قصدي بس تدري انا طلعت الصبح رحت شركة ابوي ابي اتعلم هنااك ع الشغل مابي ارد لندن
انتي شوفي والله هني احسن عند امي و ابوي و انتي ماتبين راحتي
جوليا: امبلا ابا راحتك بس بعد انته لازم تهمك راحتي
عبد الله:انا راحتي هني فبيت ابووي .
جوليا : انزين خلاص اسفيين
عبدالله:يالله قومي بننزل غدا انا يوعان من الصبح مب ماكل شي.
و نزلو تحت

و بعد 3 شهور تمو ابطالنا على حالهم
بو عبد الله رجع من السفر و ام عبد الله واجهته باللي شافته اسم شوق و مسعود و بالهدايا الي كانو بالغرفة و كذب عليها و هي صدقته
حمده : ماتدري باللي يسويه راشد من وراها و حياتها ماشيه عادي
راشد:دوم ويا ربيعه فادي في الشقه و يسهر هناك و يقول ل حمده انه مسافر و يقعد اكثر من يوم طبعا هناك بنات و رقص و خرابيط
حمود الاهبل: بعده يتضارب ويا منصور و يسوي فيه مقالب .
خلود ربيع حمود: ع قولتهم زي الاطرش بالزفه كل شي يقوله حمود يسويه بدون لا يتردد
عاشه:للحين تكلم خليفة (اللي هو احمد اخو نادية)وكم مرة طلعت وياه
العنود: نفس روضة للحين تكلم احمد اخو نادية و كم مرة طلعت وياه
علوي:قريب بيتخرج من الجامعه
جوليا و عبد الله: حياتهم عادية قررو انهم يستقرو في الاماراات
منال و عيالها : قررو انهم اييوب و يعيشون في الامارات