بسم الله الرحمن الرحيم

مساكم الله بالخير يالربع

أخوكم في الله يحب الصيد ويستانس فيه ويلقى فيه راحة وسعة صدر

واليوم العصر كنت في شعيب ولقيت طيرين تشبه السمان ( الفري ) في الشكل. فزت من شجرة قريبة مني ولا راحت بعيد يمكن نص متر أو أقل وربضت بين الحصى وحجمها في حجم السمان وأسمع بداية طلايع السمان هاليومين قلت مافيها كلام أجل وأسمي بالله وأطرح الأول ويطير الثاني ولا راح بعيد عنه وأرميه وأخطيه ولا طار وأرميه مرة ثانية وأخطيه ( غشييييم صح ) المهم قلت بمسكه بيدي حي وخفت يطير ويروح بعيد وأرميه بالثالثة ويطيح. واروح لها وأتفاجاء والله بها راسه مثل راس الجربوع ماهو طبق الأصل لكن يشبهه لأن ريش الراس منفوخ ومعطي نفس الشكل ولها شنب وعيون كبار سود مثل عيون الجربوع ومنقارة مثل الطيور لكن فكه عريض بالحيل .

أنا مالي عرف كثير بأنواع الطيور يادوب القمري والسمان والحجل وما أشتهر في المنطقة .

الشايب الله يطول بعمره شافه وقالي فيدك بومه يالخبل طبعاً من باب المزح لأنه ماعرف الطير بعد.

قلت مالها إلا المكشاتيه الشقردية ومن كثر ما أشغلني هالطير سجلت والله عشان أعرف عنه أي شي.

الصــــــــــــور