(نعم) بَعْدِكْ وحيد(وطبع عيني) ماتشوف النـاس ..!!

Tabroosh · #1 01-08-2012, 02:40 AM

رحل حلو المنام وما طرق باب الجفـون انعـاس
نسيت النوم بعدك والسهـر يستوطـن اجفانـي

وحَكَتْ عين الغرام وسال دمع الحبر بالقرطـاس
يسولف عن غيابـك يالخفـوق اللـي تناسانـي

أقول امحاك يكتبك الشعـور بدفتـر الإحسـاس
واقول انساك لكن مايغيب اسمك من الـ سانـي

رحلتي ليه وانتي للجسـد روح(ن) تفيـض انفـاس
رحلتي ليـه وانتـي ربعـي وناسـي وخلاّنـي

وحشتيني كثير وذبت شوق الـ سودك الـ نعّاس
وانا من يوم غبتـي ماسقـى الهتّـان ريضانـي

تهيجن لك جروحي والشعور المغتـرب عسّـاس
وَلاَ بان الربيع وماتـت مـن الجـدب قطعانـي

وربي من رحلتي وانقطع جذر الوصـل بالفـاس
هرج ليل العذاب وصاحبـي ضيقـي وحرمانـي

(نعم) بَعْدِكْ وحيد(وطبع عيني) ماتشوف النـاس
(نَعَمْ)(بَعْدِكْ) غريب وموطنـي ترسانـة احزانـي

(نعم) بعدك جريح (تَعْبَثْ) بـ فكري يَدْ الواسواس
بليـل(ن) فيـه همّـي يفتـرش طراحـة اشجانـي

يِسَرِّيْنـي لِوَجْهـك والـدروب الهـمّ الهوجـاس
وفيها اطرد خيالك والوهـم لـه صـوت نادانـي

تسافر بي عيونك يوم تسرقنـي مـن الجـلاّس
وتكتبني غرام وترجـع مـن الشـوق تقرانـي

وانا الطفل الفقير اللي رسم وجهك على الكـراس
رصيدي صدق حب(ن) يجري ابْـ دمـي وشريانـي

فقير المال (لكن ) كُنْت / مُرهف/عاطفي/حَسّاس
ثري جـداً بمخـزون الشعـور وقلبـي الحانـي

عطيتك مـن كنـوزي دون تحديـد وبلامقيـاس
من البحـر الغزيـز وقلـت ذا درّي ومرجانـي

زرعتك من صباي وكنتي النبتـه وانـا الغـرّاس
أساقيك الغـرام وينهمـر لـك مـزن وجدانـي

وكُبَرْتي بالفؤاد وما افترق غصنك عن النسنـاس
وِمشت معنا الظروف ونَسْمِتِكْ تستعذب اغصانـي

وبِدَتْ وردة جمالك تَزْدِهِرْ ويِغِيْـر عقـد المـاس
من الخصر الرهيف ان ميلته الريـح واغرانـي

معي كنتي قريبـه مثـل عينيـنٍ بهـذا الـراس
وانا استوطن عيونك مامعاي من البشـر ثانـي

كذا كنت الْمُرَفّه قبل ما اشرب لوعتـي بالكـاس
قبل (جُرْم) الوداع وقصّة المجنـي مـع الجانـي

لو ايعوّض غيابك ياذهب بيض السنيـن انحـاس
ماكان الورد ماتت بسمتـه فـي ثغـر بستانـي

(تركتي لي غلاك)( وجرح فرقاك) وخيوط الياس
وتركتينـي شماتـه تتضـح بعيـون عـدوانـي

.
.
__DEFINE_LIKE_SHARE__

» άпfสṡ « · 01-12-2012, 09:33 PM

هلاا أخــووي ..
صح لساان كااتبهــاا ..
مشكوور ع الطــرح الطيــب ..
الله يعطيكـ العاافيــه ..
لاا تحرمناا من يديدكـ ..
تقبل مروري ..
__DEFINE_LIKE_SHARE__

Uaeyh · 01-31-2012, 03:36 PM

صحً لسآن كآتبهآ
وسلمتً يد نآقلهآ

سلمتً على هآلطرحً ~ __DEFINE_LIKE_SHARE__

كشوخيه تفجير · 03-23-2012, 12:44 PM

••••

الســلآآمـ عليكمـ و رحمـه اللـه و بركـآآتـه

يـآلبي قلبـي ع هييكـ كلمـآآت

وربي كلمـآآت ولآآ آروووع

صحـ لسـآآن قآيلهـآ و سلمت آيدين نآقلتهـآ

كثـر من هييك موآضيــع

يسلملي هـآلذووق آنآ

تسلمـ Tabrooshع الطرحـ آلغـآوي

و لآ تحرمنـآ من يديدكـ

••••

تقبل مروري ×× »• گشوخيه تفجير •« ××

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مالقيت مفك او مفتاح تعال نطبع لك مثله بالتمام ( شوفوا لاي حد وصلوا) الرجاء كتم الصوت	محروم.كوم	منتدى أخبار المواقع والمنتديات العربية والأجنبية	0	09-20-2011 01:40 AM
مجهـــم من خياااااااار المجاهيم حليب وطبع للبيع	محروم.كوم	منتدى أخبار المواقع والمنتديات العربية والأجنبية	0	11-23-2010 01:57 AM
اِلْـفَـرَحْ \|~ غَايِبْ فِيْ بُعْدِكْ يَا ( غَـنـَاتِـيْ )! ..	ريم الشمالي	هواتف , مسجات , وسائط , برامج , ثيمات , نغمات , بلوتوث	7	11-09-2009 12:47 PM
اِلْـفَـرَحْ \|~ غَايِبْ فِيْ بُعْدِكْ يَا ( غَـنـَاتِـيْ )! ..	Grshoob Albdoo	هواتف , مسجات , وسائط , برامج , ثيمات , نغمات , بلوتوث	62	10-07-2009 01:34 AM
لاوهني النـاس تدلـه مـع النـاس	راعي النيسان 97	شعر و خواطر	2	07-22-2009 05:05 PM