#poem_4f08be535c9bd td {font-family: Tahoma, Verdana, Arial, Helvetica, sans-serif;font-size: x-large;font-weight: bold;} سلمان شخص انسان عايش حياته متزوج ويعمل على بنك حراس بسيط جدا خاشعا في صلاته يحب فعل الخير ويساعد الناس ومره وهو بالسوق هو وبناته فجأه لقى حوله من الناس حراس وتمسكن كل البنات بعباته ثم(ن) سألهم قال وش فيه لاباس ومن الهلع نشب اللسان بلهاته في لحظة تحولت دنيته ياس مايذكر انه ضر شخص بحياته وعلى الردى ماراوده لو هوجاس ثم كلبشوه وقالو العلم هاته وجابو لهم كيس(ن) وغطو به الراس وشالوه وقفو ماعرف وش سواته يدور في باله ثمانين هوجاس وجابوه للتحقيق بابشع حلاته مع عسكري ماكن في قلبه احساس وجا ضابط التحقيق يضحك شماته وفي محضر التحقيق فتح له اقواس قال انت قاتل شخص هاذي صفاته واسمه محمد ولد محمود عباس والطب اكد بصمتك في ذكاته لك بصمة بالدم واخرى على لباس ثم جاب صوط وكل ماصد ساته يقول وشهو فيه ساطوراوفاس ودانوه وجابو كل مستلزماته ثم(ن) رموه بشبك ياليل الاتعاس وصدر حكم قتله وقربة وفاته وقيل القصاص اليوم ودقن الاجراس قالو مسكنا اللي يطابق صفاته جا واعترف جاك الفرج من عقب ياس ورجع لبيته بعد ثبتت براته ولقاه متهدم من الراس للساس هدوه يالبكلين ومجنزراته يدورون اسلاح والخاتمه ياس وصارن بناته وامهن حاقراته في ظنهم ممسوك مخمور من كاس واقفى وضفى فوق راسه عباته ثم(ن) صحى سلمان من حلم حساس وقام وتوضى وابتدى في صلاته بعد صحى من حلم في حزة انعاس يوم(ن) خلص علم بحلمه خواته وقالن اكيد انك دخل فيك وسواس قال الحكايه حلم وش فاهماته ثم صدقنه ونشرنه مع الناس وسلام ربي ورحمته وبركاته بختام قصه كلها نسج هالراس وسلامة الجميع آمل ان تحوز على استحسانكم وتقبلو خالص تحياتي