مِنْ يقُـــــــولْ إنَّ الأمَـــــــــــــاكِنْ " مَا تسُــــــــــــــــــــولِفْ "

محروم.كوم · #1 04-13-2009, 09:10 PM

ليه كلٍّ ماتذكّر ذكرياته
............يشعر إنها أحلى أيام بحياته !
بس يتنهـّد وهو يحكي .. ويذكر
..........حلوها مع مرّها وشلون جاته
يتذكّر بعض الأشيا .. ويتبسّم
........من يصدّق إنها من ذكرياته ؟
هالمواقف بعضها كانت كبيره
.......بعضها خلاّه يتمنّى مماته !
وبعضها للحين لاتذكّره يضحك !
........كيف "ذاك الشي" / "ذاك اليوم" فاته !
وبعضها للحين لاتذكّره يسرح
........ويتسائل .. وين راحت أمنياته ؟!
آه ياذا العمر .. ياسرعك علينا
.......وااجد اللي مايحسّون بـ فواته
وآه يالإنسان وشلون يتغيّـر
.......كل شيٍّ فيه .. حتى ( تضحياته ) ... !
يتغيـّر غصب عنّه , بسّ يبقى
...........طينه يأثر على طيبة نباته ..
وان بغيت تعرف -اي انسان- وش هو؟
.............طالعه لاقام يسرد
ذكرياته ..!

لا تخاف
\ماوراك إلا خطاك
وما قبالك غير فالك
..
.
لا تخاف !

فكرت اقرب مسافاتي
واجـي يمـي
وأكتب مشاوير حزني
واكتب الساقي
\

.لقيت نصف الشوارع
مهدره دمـي
والنصف الاخر هلك
مالامس اعماقي
\.
والطفله اللي تسنيني
طـرف كمـي
ماتت وخلت بعينـي
حزنهـا باقـي
\.
ليت المنايا تناشد
وانتخـي همـي
وأموت معها وفيها
واجمع اشواقـي

ياللي بَنِيْت من الأَمَانِي
مَدِينَة ..
شِفْنِي طَلَعْت منَ الحيَاة
ْ بـ وَلا شَيْ

الا ياطير
وش جابك تخلـي منزلـك
ياطيـر
عسى ماشر ياطيـرٍ يحـوم
وينكسـر فوقـي
ترى ماعاد لك عندي سوى جرح
وسحابة خير
الا من جرهدت بيد القصائـد
لاحـت بروقـي

ياآلهي وش بلا هذا المساء
عيّا يعدّي
لاهو اللي محتويني ولاني
اللي محتويه ..
كل مافكرت أبفتح نافذه
للحـزن قـدّي
\
امتلا صدري نوافذ وامتلت
عيني وجيه...!

أحس إني مضيعني !!
....... يارب ألقاك وألقاني !
وأحس إني مودعني
......ورحت بعيييييد .. وحداني !
ولابه شي يسمعني ..!
ولابه شي يبغاني !
!
قعدت أصررررخ وأسمعني
......كذا -وأسكّر آذاني

ياخي شفني
في غيابك شرشف
الهم إلتحفني :|
حتى جفني..
من رحل إصبعك عنه
.. ما عرفني!
حتى كف الضيق من غصنك
.. قطفني!
صارت أنفاسي حرايق..
كلها يومين وأفني
ياخي إرحمني وشفني!

من يقول ..
......ان الاماكن
ماتسولف ماتعاتب:|
من يقول ....؟؟
الاماكن ياعزيزي ...
الاماكن ..
لا تهج البوح لا حساس الاماكن
يمتلي صدر الورق حزن وكآبه
الموانئ خامله والموج راكن
يلفظ انفاسه على شط الكتابه
والشوارع مظلمه والبيت داكن
والنوافذ كلها صمت وغرابه !!
..جيت \.....
....... جيت
...............جيت
اعشم بردها بالصيف لكن ...
......الفصول الاربعه برد ورتابه !!
اه لا صار الغلا بالجرح ساكن !!!
......والخناجر كلها ربع وقرابه
مايطيب الحال دام الحب ماكن
.....من عروق ومن فياض ومن سحابه
لو نشدني عن سبب حزن الاماكن ؟
..... جف صوتي مت
ماشاف الاجابه !

لا حشى ما ني بميّت !
الا حيّ !
حي لكن ..
ما أحس بأي شي !
يعني ميّت !
... والله ماادري
تكفى لا تسأل علي !
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
"سيتي" يصدر تصنيفات إيجابية لـ "إعمار" و"الدار" و"العربية" و"الخليج الأول"	محروم.كوم	منتدى أخبار المواقع والمنتديات العربية والأجنبية	0	09-29-2009 01:20 PM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM
!.. مِنْ يقُولْ إنَّ الأمَاكِنْ " مَا تسُولِفْ " ..!	أمـيـرة الحــرف	الإستراحه العامة	16	10-19-2008 10:52 AM