|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمه الله وبركاته هذي ابيات للشاعر / حمود الرويعي عندما فقد طيره في مقناص وصادف انه في ايام عيد الاضحى المبارك واسمع هالقصيدة ومانستغني عن ردودكم :. ول يا عصر الخميس اللي مضى قبل الزوالي قبل لا تاصل حدود الشمس حضن الجاذبيّه يومٍ أقشر والشتا برده قوي والحظ مالي روّح النادر ورا ذيك الخريش الشقلبيّه راح في لمحة بصر والطير اعرفه ما يبالي تل سبقه يوم شاف الخارم وخلّا خويّه مرتين يردّها للجو والضلع الموالي خابرٍ حزّه عشاه ولا بعد يشره عليّه الوكاد انه خذا من ريشها ريش ومدالي والخريش معشره وقت الليالي الموسميّه كنّها فالجو طيّاره ويدفعها الشمالي راح ويّاها وعرّضني دروب المهمهيّه صاملٍ وجازم عليها مثل ابو زيد الهلالي اختفى لو كان طارحها بوسط الجرهديّه ضاع واللي ضاع في وقت الهدد فكري وبالي في دقيقه واحده مدري وش اللي صار فيّه شرهتي للصوت والملواح في روس الطوالي وليتني طرّفت صندوق الفشق والبندقيّه الهقاوي والحراوى ضيّقت صدر الشمالي قبل ساعه من ظلام الليل يوم الشمس حيّه وش يفيد اليوم واليومين دام القفر خالي وارد لشبك الحمى والقاع وان قلت محميّه والله ان الطير عندي يا أهل المعروف غالي وكان به عذروب صملاته على البرقا قويّه نادرٍ مغتر أصيلٍ ما كره في ضلع عالي من حرار جبال فارس والهضاب الفارسيّه مير حيل الله قوي واللي كتبه الله جرالي واتباشر دقّة الجوّال في صبح وعشيه أتحلّى بالصبر وارجيه لو ان الليالي لا عطتني من مودتها ولا هي حاتميّه كل ما اذكر ضيعته فالجو يطري ما طرالي البلا.. في يوم عيد.. وثالث اعياد الضحيّه × |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الملك يتبادل التهاني بعيد الأضحى مع عدد من قادة الدول العربية - الرأي | محروم.كوم | منتدى أخبار المواقع والمنتديات العربية والأجنبية | 0 | 11-06-2011 02:00 PM |
إدارة منتديات مكشات تهنئكم بعيد الأضحى المبارك | محروم.كوم | منتدى أخبار المواقع والمنتديات العربية والأجنبية | 0 | 11-05-2011 10:50 PM |
تهنئة بعيد الأضحي المبارك | محروم.كوم | منتدى أخبار المواقع والمنتديات العربية والأجنبية | 0 | 11-04-2011 11:30 AM |
تيار الوفاء الاسلامي :بيان التهنئة بعيد الأضحى المبارك | محروم.كوم | منتدى أخبار المواقع والمنتديات العربية والأجنبية | 0 | 11-28-2009 03:10 AM |
إدارة منتديات مكشات تهنئكم بعيد الأضحى المبارك | محروم.كوم | منتدى أخبار المواقع والمنتديات العربية والأجنبية | 0 | 11-27-2009 07:30 AM |