ــــ مواقع حباري في شـعـر

محروم.كوم · #1 12-26-2011, 03:40 AM

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
لايدري شاعرنا وصقارنا المحبوب حمد السعيد هم يعاقبني عقوبةٍ بينه
.
اخوكم الفيتو عنده محاولات شعريه . ذكر فيها بعض مواقع تلفيها وتربها الحباري
اغلبكم بيعرفها . حبيت أطلعكم على مقتطفات من محاولاتي
وأجدد ذاكرتكم .
المواقع مكتوبه بالحمر وش رايكم نبدا وعليكم تحديد الموقع وين يكون
.

ماكفت الحره وحـزم الـجـلامـيــد ** ومن الصــداوي لـيـــن ريع المغني
كم جا بـهـا من سجة ٍ للأجـاويـد ** سنين مـضــت ياليـتـهــن مامضني
اليا طرالي مامضى لي ونا وحِيد ** ناديت بأعلى الصوت يامعين أعني
عساني انسى مامضى بالجراهيد ** مــع شلــة ٍ بـعـدهــم الوقـــت عني
.

أفجح ٍمابــه عــــلـــى البرقا مروفه **مـنـوة اللي فــي هشم هباس سير
طير صقار ٍ محــقــقـت شفـــــوفـه **ما تحرى ف آخر الشــهــر المسير
كل يـــــوم ٍ يم تـنـــدوف إوحروفه ** كان ما طيــــــر عشر ماقــــال طير
.

ويش اسوي ليا بردت هـــبوب الرياح ** وقالوا اللي للوقه و الدويد إرحلوا
لين خضراء ولينه صادق الوسم طاح ** راعـــي المال مايحتاج شـيل الدلو
.

فتحت بيبان السرور الــمـغــاليق ** قبلة من اللآنـــــــوف غرب البريقه
واخذت من عندي عهود إمواثيق ** إني ما افـــرط فــيــك بــأيـة طريقه
إلا لبو محسن عشير المطــالـيق ** واللي مهو شروى البطل في حريقه
.

من جاك ينشد عن معزبك ياسرور ** يقول وينه ؟ قول ياهملالي
عمي يذكر يم الأمغـــر وابا الـقــور ** ومر ٍ يذكر فالفليج الشمالي

ومر ٍ يذكر يم عــذفـــــا ومـنـظــور ** إمتيهن ريمان ذرب الفعالي
.

مقيالنا في جرف ماهو مثل باقية الجـروف ** فيه النسب مابين خوف وسجة ٍ متقاربه
ياطير لله العجب كيف اجتمع سجه وخوف ** مـر ٍ مواترنا هـــريـــب ومر نطرد هاربه
ولا لاي هاقي فيك هقوه ماتحديت الظروف ** ومادجت في سوفالجين وديرة المغــاربه
.

ياكثر صبرك مع هذيك المساليك ** تاطى جلاعـبها وتبدي حدبها
غربي حباطه والتكاتك حـوالـيـك ** كم فكك الله عقب ويلك قربها
.

يا أيوه الاحــظ كــل مـافــرعتك ** ميزات تومي بي على امصيونه
ولولا لــزومــي فـيك مابرقعتك ** يابــو عــيــون ٍ كـنـهـن إعـيونه
بس إبه ميزه ماهي إبمزرعتك ** إنتا شرس والــزيــن فـيه إليونه
وإنت لو أغليتك ولو طبعــتـك ** لاتاح لك فــرصـــه نويت الخونه
لك رابعه من عقب ما شبعتـك ** ماتمرح الا عاقـــب ٍ تـــرهــونـه
والزين مارابعته إب رابعـــتك ** مايمرح إلاعاقــبـتــنــي قــــرونه
.

اليا طرى الممشى على شقت النور ** مع خط فاجوره ومع خط دقـنـيش
ارض قــفـــر مــاهـي منيفه وقنور ** لوك تمنى شوفة الويل مـامـيــش
نتبع هوى طير على الربد مسعور ** فالمزن يشنق عقب ماياخذ الريش
.
الرجاء عدم الرد
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كـم سـعـر ( جيب لكزس ار اكس 300) موديل 2002	محروم.كوم	منتدى أخبار المواقع والمنتديات العربية والأجنبية	0	12-25-2011 05:50 PM
ــــ شاشة سوبرسفاري 2009 ــــ	محروم.كوم	منتدى أخبار المواقع والمنتديات العربية والأجنبية	0	07-25-2010 05:20 PM
للـبـيـع .. لأعلـــى سـعـر .. بـقـي v8	محروم.كوم	منتدى أخبار المواقع والمنتديات العربية والأجنبية	0	01-11-2010 09:00 AM
عــــ ـ ـ ـ ــــ ــــ ــــــ ونك ياوطـــــ ــ ــ ــ ـ ـــ ـــ ن	الـــرزيـــن	تصاميم الاعضاء	25	02-20-2009 02:52 PM
ـــــــــ أعطيتني أبتسامة فسمحلي أن أشكرك ـــــــــــ....أرجو التثبيت	وزيرة الحب	الحوار والنقاش - الرأي والرأي الآخر	26	03-11-2008 01:35 PM