|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
بسم الله الرحمن الرحيم
__DEFINE_LIKE_SHARE__
السلام عليكم ورحمة الله وبركاته اخواني واخواتي المكشاتيه حياكم الله الصخنه ( أم الرخوم ) متعودين عليه كل سنه تجي بالخريف لكن صخنتن جتن قبل سبع سنين مامرت علي لا باول عمري ولا بتاليه وعساه ماتمر عليكم ولا على كل مسلم وبليله هالصخنه اشتدت علي من اول الليل وقالو لي خذ علاج من هالمضادات الحيويه قلت اعرف الصخنه ماينفع معه شي لا مضاد ولا غيره معروفه تقعد اسبوع من غير علاج وسبعة ايام مع العلاج مير حطو لي فراش بالصاله لاني حاس ان الدعوه فيها 00 وان هالليله به بلا 00 وعسى الله يعديها على خير ويوم انتصف الليل وكلن نام 00 هالصخنه اشتدت علي زياده وجت الهلوسه 000وانا منسدح اشوف بطني صار ارض للمعركه واشوف الدبابات المضاده للطيارات تضرب وراجمات صواريخ تطلق صواريخ حرب طاحنه أبي اتحرك ماقدرت من المعدات الثقيله ونيران الذخيره الحيه ويالله بالملعونه واخته تحركت ويوم قمت وكلش يختفي ما ادري وين راحت هالدنيا اللي قبل شوي أظن ان العقل الباطني برمج كلمة المضادات الحيويه واختلط عليه الأمر المهم قمت وفيه بالبيت قاطع عرضه متر ونص وطوله مترين وصلته ومشيت فيه خطوه ونص واشوفه تقل سرداب طويل ماله آخر وانا اهون وانكس وارجع للفراش على اني خايف من هالدنيا اللي تخترش قبل شوي وانا كلي حوسه متدوكر وما أدري وين الله حاطن الديره عندنا كل اللي حوله مزارع ويوم جاء قبل الفجر وتقوم هالديكه تذن واسمع لجلجة صدى صوتهن براسي وهكالليله مابه ديك بالديره الا سمعت اذانه وتقل يذن على كتفي عند اذني يوم اصبحت وانا على هالحاله اللي ماتسر العدو قبل الصديق واروح للصيدليه وطقيت ابره فولترين او مادري وشي وعقبه بنصف ساعه كني فتحت شوي ورجعت الصخنه من حاله فوق العاده الى صخنه عاديه اللي اعرفه والحمدلله على كل حال وعساكم ماتشوفون شر ولا كل مسلم هذا بعض ماحدث في تلك الليه وتم توثيقه وان شاء الله مازليت عليكم بكلمه وتقبلوا تحيات محبكم النبهاني |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفتي مع السعودين .. حياااكم | محروم.كوم | منتدى أخبار المواقع والمنتديات العربية والأجنبية | 0 | 09-10-2011 12:10 AM |
سالفتي والمطاروالطياره | محروم.كوم | منتدى أخبار المواقع والمنتديات العربية والأجنبية | 0 | 09-07-2011 02:10 PM |
سالفتي مع شراء السلق | محروم.كوم | منتدى أخبار المواقع والمنتديات العربية والأجنبية | 0 | 02-19-2010 01:10 AM |
سالفتي بالزواج [ اقتراحاتكم ] | محروم.كوم | منتدى أخبار المواقع والمنتديات العربية والأجنبية | 0 | 05-27-2009 03:10 AM |
سالفتي بالزواج [ اقتراحاتكم ] | محروم.كوم | منتدى أخبار المواقع والمنتديات العربية والأجنبية | 0 | 05-27-2009 03:00 AM |