#poem_4eefb979754c0 td {font-family: Arial, Helvetica, sans-serif;font-size: x-large;font-weight: bold;} مبداي باسم الله له الحمد وله الشكر الجزيل عليه بعقل واتكل وابدع جزيل امثالها وابنشد اللي له مع العربان برهان ودليل يعرف مواجيب العرب والطايله يرقالها عن شايب شفته يعن الخيل ناوي للرحيل يوم نشته غص بالكلمه وعود قالها الله على الدنيا واهلها حسبي ونعم الوكيل ماعاد لي مجلاس بين الناس وهاذي حلها اللي يدسون العسل والسم وسط الزنجبيل راع الفكر يصبرعلى الرمضاءولايلجالها ناس اسرفت في حالها تطرد ورى قالٍ وقيل وناس يحبون الفتن ويعقدون احباله وناس قضى عمره هبا تطرد سراب المستحيل والله هو اللي مطّلع فوق البشر باحوالها تاهو وظلّودربهم ماعاد باقي الاالقليل واللي بقى منهم يعيش بحالة يرثالها واقفى عقب ماقالها من عندي والدمعه تسيل اهبي يالدنيا لعب بالناس كثر اهوالها بالله ذا معقول ياهل العرف من جاب الدليل قولو لذا العالم تهود لايزيد هبالها الشجره اللي ظلها وافر ولي فيها مقيل اجي لها عاني واقيل في براد ظلالها مبعد عن اللي لاحكو هذا قصيروذاطويل وتقطيع بالحوم البشر بقفايها واقبالها كم من بريٍ بالحكي طشوه في جمر المليل وجته المصايب تزدحم مثل ازدحام خيالها يعني على قول المثل جمره وطاحت بالشليل وام الشهيد ان ولولت ماحدٍسمع ولوالها ياعاذلي وقف ترى وقت اللقا ماني قليل المرجله واناطفل متقهوياٍفنجالها وقصيدتي مضمونها واضح ومثبت بالدليل واللي يبي يزعل يطق الراس باعلى جبالها عممتها واللي في بطنه ريح يلقى له زميل يجمع شتات السالفه ويشدها باقفالها واللي يبي طب العلل من عند دكتورٍعليل يصبر على جرحه لما بقعا يشوف اطلالها تجمعت ناقص عقل واخبيل والثالث هبيل لاكن صحيح ان الطيور تلتم حسب اشكالها ومن يتخذ فيها خليل يبقى على دين الخليل واللي يبي حل العقد يحلها حلالها والدنيا مهما طولت تذهب ولامنها حصيل والناس في يوم الحشر تجزا بقدر اعمالها تذكرو يوم الحشر والشمس به مقدار ميل وتعرض موازين العمل بخفافها وثقالها احدٍ مآله جنةٍ يشرب بها من السلسبيل واحد بجحيمٍ تصطلي ماله مآل الالها وانا بشر مثل البشر ولربي الخالق ذليل والرابح اللي سالمٍ من دقها واجلالها وصلاة ربي عد مايجنى من ثمار النخيل عللى النبي المصطفى عداد حب ارمالها