|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته
__DEFINE_LIKE_SHARE__
حيالله اخواني واخواتي المكشاتيه ويامرحبا بزوارنا الكرام لاتخلو ذكرياتنا الجميله من المواقف منها المضحك ومنها المبكي والمحرج.... موقف اليوم شي مختلف بالزمان والمكان.. من كم سنه ليست بالقريبه كنا نشتري الخبز من الخباز اللي هو العادي ولابغينا نشخص شرينا من شارع الوزير خبز ابيض مفرود وصامولي وشريك مدور وعليه سمسم وسكر> وتراه هو دوناتنا من اول .. بعدين صار فيه مشروع لخبز صامولي والمصنع تماتيك تجي الصاموليه كنها قطعة ذهب من جمالهاوما لهم محلات لهم اكشاك على زوايا شوارع بكل حي واحيانن كل كم حي فيه كشك واحد ويسمى <font face="Comic Sans MS"> بيوم وحنا راجعين من بيت جدي نص الليل يعني بعد صلاة العشاء مهوب نصنا حق الحين يطلع النور وليلنا مابعد قضى:s وقف الوالد طال عمره بيشري خبز عند كشك وطلبت انا واخوي ننزل ونشري خصوصا والسياره قريبه اربع او خمس امتار بس واخذنا ريالين نبي نشري .. ما أمدانا ناصل للكشك إلا وهاك اللي تقل عماره يناضرنا ويقول بصوت عالي :: تعال .تعال والله لأذبحك اليوم اخوي حط رجله وركض وانا مع أخوي ولا ندري وشفيه هالرجال ونركض ويركض ووراناوابوي حول من السياره ويركض هو بعد وراه لاعادة من خبز!!!!السياره اقرب لنا بس من الخوف دارة الروس.. وشوي ويوقف الرجال جنب برميل زباله كرم الله الجميع ويخلينا انا واخوي ويطل بالبرميل ويطلع< بس او قطوه> ويقول للبس تحسبني بخليك والله لأذبحك على اكلك حمامي واثره يلاحق بس غاثه وحنا نحسبه يعانينا..وانقلبت فرحة تركتنا ضحك وصياح انا واخوي موب مصدقين انفسنا فلتنا من هالعماره.. البياع اللي بكشك خبز العرفج قال لأبوي انه مهوب طبيعي وعليه قل صح ولاعنده حمام ولا شي وهو كذا كل ما شاف بسه اوقطوه.. عقب لين قال ابوي من يحول يجيب خبز ماتسمع ولا نفس بالسياره عقب صجتنا اول يبه الله يعافيك خلنا نحول نشري حنا ..هيهيهي كان زمان تحياتي اختكم ..قوافي.. |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفة:حطب الوالد..قوافي | محروم.كوم | منتدى أخبار المواقع والمنتديات العربية والأجنبية | 0 | 12-03-2011 08:20 PM |
سالفة:عرس حي العطايف..قوافي | محروم.كوم | منتدى أخبار المواقع والمنتديات العربية والأجنبية | 0 | 11-03-2011 09:10 AM |
سالفة:طين جدي.قوافي | محروم.كوم | منتدى أخبار المواقع والمنتديات العربية والأجنبية | 0 | 10-11-2011 08:30 PM |
سالفة:دجيجات.امي...قوافي | محروم.كوم | منتدى أخبار المواقع والمنتديات العربية والأجنبية | 0 | 09-12-2011 12:00 AM |
سالفة:طير المدعى..قوافي | محروم.كوم | منتدى أخبار المواقع والمنتديات العربية والأجنبية | 0 | 09-03-2011 01:10 AM |