#poem_4ebef5dfe884d td {font-family: Tahoma, Verdana, Arial, Helvetica, sans-serif;font-size: x-large;font-weight: bold;} ياذيب من مزعلك ارتاح ياذيب ان كان حاجه أبشر بألف حاجه واذا خساره عندنا لك مكاسيب والبحر يصبح لك قراحن هماجه لك الوفا مشهود والدين والطيب وبيتك منور بالكرم من سراجه ياما لجل غالي لزمت المراقيب وبين الحرار السود لك التواجه الصيد جبته باليدين المخاضيب كريم ماتعرف دروب السماجه ان كان جاتك من عدوك عذاريب هم عوج وانته ماتعرف العواجه شق العوى يمسي عليهم تراهيب يسري مع الوادي ويتبع فجاجه ياذيب ماحنا بدار الاجانيب حنا لنا في كل وادي عجاجه حنا لنا روس الجبال المشاهيب كلن مسك له ضلع واصبح مواجه من حافهن يلقا صنوف التعاذيب وياويله اللي له عليهن دراجه ابشر بعزك والسعد والتراحيب ياذيب من يزعلك نكسر حجاجه