حليب الدجـآج والضيف . . ؟ ؟ ؟

محروم.كوم · #1 11-11-2011, 10:30 PM

بسم الله الرحمن الرحيــم ..

السلام عليكم ورحمة الله وبركــآته

حيـآلله "مشرفين .. واعضاء .. وقرّاء خيمة السوالف الشعبيه ..

بذكر لكم سالفة جرت على واحد من الشباب القريبين وبذكرها لكم بـآختصــآر :

من حوالي " 25 " سنه كان مدرس ومعه مجموعه من زملاه طبعا مدرسين عددهم 5 او 6 .. متوافقين في الطبـوع وشفرتهم وحـده .
المهم
اتفقو انهم يطلعون للبــر وكانت ايام ربيع والجو عليل والواحد يطمع انه يطلع في مثل هالوقت ..
اتفقو على يوم محدد يطلعون فيه .. وشالو عزبهم وفرشهم وهم بالعاده اذا راحو راحو 5 او 4 ايام متواصله في البر .. وكلهم ماهم اهل قنص ولا معهم ولا بندق صتمه بندق الهواء ام حبه .

ايدامهم ياخذونه بالعاده .. ياخذون من هالدجاج الحي حق المزارع مع علفه .. ويحطونهم في شبك حوالي 10 -12 دجاجه .. واذا وصلو مكـآنهم نثروهم في الصبح وجمعوهم المغربية في شبكهم ورفعوهم عن الحصني وهذا شغلهم ..

ومره من المرات وهم رايحين ومسوين نفس الطريقه ونفس النظام من اصبحوا وهو مصبحهم بدوي !!
سلآم علآكم !!
قالو: عليكم السلام
البدوي : مـآعينتو الخلفة الفلانيه اللي صفتها من صفتها !!!
>> وهم عارفين وش مقصده .. يبي القهوه والجلسـه
وهم مايبون احد معهم مايبون الا ربعهم .. لانهم ( يتّتنون ) يعني يشربون الدخـآن !
والشبـآب صغار ومقدّرين الشـآيب
قالو له : اقلط تفضل

وقلط الرجــآل وصبو له فنجال قهوه والقدوع
وصبّو له بيالة شاهي
وتقهوا الرجال كم بيـآله
وقدمو له من هالبساكيت والاقط

والرجاجيــل انكتمو من هالضيف ! وكلهم عيايره وفسقانين ويفهمونها وهي طـآيره

والرجـآل مـاكتفى بالشاهي والقهوه .. طمع بالغدآ

وااحد غمز لـواحد عقب ماتقهوو حوالي بسـآعه ..
وقال العيّــآر: (الخلفـآت العفُر مـآسرّحتهن يـآبو فلان )
قـآل : لا ولله مـآسرّحتهن
قال : لا تسرّحهن نبا نحلب منهــآ ونصطبح حنا وضيفنـآ

قال رح جبهـآ .. يقول يوم راح للشبك ويهل الدجـآج ويسمعون المقاقا وصوت الدجاج له لجّه
وهو اللي يحدهن لم ربعه والضيف ويوم جـن على جال البساط .. ويقول العيـّـآر لخويّه اللي جاب الدجاج : هات هات سحلة المعدن وحد حيرانها علآهـآ عشان تدر

البدوي طــآرت عيونه !!
هذولي مجنن ولا مهبّل ولا سكــآرى ولا مهب صـآحيين !!!

حط بيــآلته وقــآل : ســلآم علاكم

وهو يركب الددسن ولا يعاينون الا عجّته . .

وبهالطريقه افتكو من الضيف هالفسقانين العيّـآره ..
7

7

7

ملاحظه : في الحقيقه هم شباب صغار سن ومعذورين
ولا الضيف في بر ولا بيت ولا مراح له حق كبيــر لكن صغر السن والجهــل واللا مبالاه ..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
" كـآسـآت الدجـآج " .. و لا ألذّ ..!	M w a 6 n a h	تجارب طبخات الاعضاء	32	09-16-2012 07:35 PM
حليب الابل	محروم.كوم	منتدى أخبار المواقع والمنتديات العربية والأجنبية	0	10-28-2011 06:11 AM
حليب ابل	محروم.كوم	منتدى أخبار المواقع والمنتديات العربية والأجنبية	0	08-14-2010 09:08 PM
حصريا الحلقة الثانيه عشر من برنامج المقناص والضيف سمو الشيخ حمدان بن زايد آل نهيان فيديو	محروم	برنامج المقناص الاول 1 لعام 2008	11	08-04-2010 02:11 PM
ضيف جديد والضيف في حكمة المعزب	محروم.كوم	منتدى أخبار المواقع والمنتديات العربية والأجنبية	0	04-10-2010 12:21 AM