|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته
__DEFINE_LIKE_SHARE__
اليكم هذه السالفه القديمه فوال الافراح بشارع العطايف اعتقد في عام 89-90 هـــ في يوم من الايام دخلت فواال الافراح اباخذ صحن فول بالسمن البري انا وزميلي نبا نتعشى على صحن فول والخبز العايدي اللي انقطع من السوق ماعاد فيه الا خبز تميس يالله تقطعه كود بساطور المهم دخلت المحل وجلسنا على الطاوله علي شماغ ومشخص داق بنت البكار والطاوله رفيعه علي عند رقبتي وخويي حد الطاوله عند عيونه المهم جانا الطلب فول جره مع هالخبز الحار وعند مابديت اكل الاوشماغي فيه سلك من سحب منه شماغ متقطع لابسينه خوالي واخواني كلهم قبلي حتى بعد عيال الجيران لاصار فيه عرس اخذوه عاريه ولاخلص العرس رجعوه وطاح على جبهتي هذا السلك ماشوفه ولكن احس فيه وانا ارفع عيوني له انا احسبه عزكم الله ذباب وارفع ايدي له ابيه ينقلع (اكشه بالعاميه) وعلى سرعه مع تركيزي على موقع السلك (الذباب ) وانا الوح بيدي عليه اثر اليد راحت لصحن الفول وانا اصفقه بقوه ولاه ناقز الصحن على الطاوله الثانيه عليها ثلاثه اشخاص ياكلون فول وهو يصفق في شطه مفتوح وينثرها على واحد منهم ويواصل الصحن الطائر مسيره على رجول الرجل المقابل وهو يطمر مايحتاج لعبة بولنق بحرفنه بس واحد منهم سلم ماجاه شي وهم يطمرون بس وش عقبه واحد انتثر عليه الفول وواحد الشطه وهويجي منهم واحد بيصفقني ويطمر خويه ويمسكه وهو يضحك على هذا الموقف بس مايدري عن السباب وشلون جاء صحن الفول الظاهر انهم يحسبونه جاي نزل وانا اخذ خويي والفركه ولا نوقف الا بالبيت وراحت الفلوس وماتعشيناء فول طعم الفول ورئحته الى الحين ماراحت عني بس سلمنا من الدبجه مسكين راعي العجراء يطلع من شي ويطيح باشيا كثيره ومن كثر ماطحت بمثل هذا الاشياء والمواقف ماعمري طحت بكنز يعوض هذه البهاذيل انتهت السالفه والله يحفظ الجميع وقبل الختام سبحانك الله وبحمدك لا اله الا انت استغفرك واتوب اليك تحياتي لكم اخيكم راعي العجراء منتدى مكشات |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
راعي العجراء والموقف المحرج | محروم.كوم | منتدى أخبار المواقع والمنتديات العربية والأجنبية | 0 | 11-04-2011 01:40 PM |
راعي العجراء في سوق السمك | محروم.كوم | منتدى أخبار المواقع والمنتديات العربية والأجنبية | 0 | 10-31-2011 12:50 PM |
سالفة راعي العجراء والهلوكبتر | محروم.كوم | منتدى أخبار المواقع والمنتديات العربية والأجنبية | 0 | 10-16-2011 02:20 PM |
عرس راعي العجراء | محروم.كوم | منتدى أخبار المواقع والمنتديات العربية والأجنبية | 0 | 09-26-2011 02:30 PM |
من سواليف راعي العجراء (عزيمة القعوس لراعي العجراء ) | محروم.كوم | منتدى أخبار المواقع والمنتديات العربية والأجنبية | 0 | 09-10-2011 01:40 PM |