|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السالفه في سنة من السنين كان معي فرت موديل 65م عليه طياس برمان ومكحل عيونه
__DEFINE_LIKE_SHARE__
باللون الازرق وشد العلم الموتر لاشفته تقول مبنى سفاره كله اناتل ورايح مع طريق الدمام القديم خريص طبعا مافيه مكيف معنا مهاف شاريهن من حرمه تبيع طواقي ومهاف في سوق الحله شريت ثلاث حاطهن على الطبلون المهم معي رفيقي وخذ من هالسواليف تحت مسمى خذ وخل او خل وخل الغماره انتلت من الارانب وطلعن على الكبوت من كثرهن ماعاد نشوف يالله تلاحقهن وتمسط اضهورهن بعصاء المهفه المهم الونيت مايمسك فيه الاكفر واحد يمين والكفر الايسار الخلفي بس يهدي واثنين من الكفرات مالهن لزوم بالفرامل واذا بغيت اهدي بالفرامل لازم اتمسك بالدركسون بقوة حتى مايروغ ايمين لانه لازم يجنح وحنا ماشين في الطريق الخط ماهو جيد من اثر الشاحنات لاشفته ولاه تقول ردميه قبر مرتفع مع الوسط وهو ماغار يقلبنا يمين ويسار لوتشوفون عضلاتي ايديني ذيك الحين تقول كفر مصعرر زود على ذلك الدركسون يالله تلفه ماهو هواء من ثقله تقول يلف الصدام معه ولكن تعودنا عليه مشينا بالطريق والموتر ماغير يراوغ يمين ويسار ان راح يسار رديته يمين وان راح يمين رديته يسار وعلى هالحال والسرعه 90 كيلو متر عقده بحريه وانا ماشي الا واسمع طقه كانها عندي بالدركسون لعل اذراع الدركسون انطلق من المراوغ وانا اقول لصاحبي تمسك يقول وش فيه قلت له تمسك زين طبعا مايدري وش المشكله ماشاف شي قلت شف وانا افر الدركسون باصبعي الصغير يوم جاك يجول المشكله الفرامل لازم تساعده بالدركسون لايحذف والحين ماممن دركسون لازم اذا هديت او استعملت القير بيطلع يمين او يسار من هالحفره اللي بالطريق من الشاحنات وانا اهدي اشوي يوم ترك الخط واتجاه الى برا الطريق يبي الصحراء وحنا خايفين من القلبه وانا اترك الدركسون واتمسك بالباب مثل خويي والبر وسيع ولكن مقرود ولا ينصى الااكبر لوحه على الطريق وهو يصفق في عموده يوم غبرت الدنيا بس عنك ان صدامه قوي وهو يقشعها ويركبها بالصندوقوهو يوقف فينا في عقم قص العقم نصفين نصف بالارض ونصف فوق الكبوت وهو يوقف هه سلامات قال ابشرك ماجاني شي بس الارانب وين راحت انتهت السالفه وارجوا ان اكون وفقت في سردها واخراجها لكم وقبل الختام سبحانك اللهم وبحمد لا اله الانت استغفرك اللهم واتوب اليك وتقبلو تحياتي |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
راعي العجراء وشبيه جاكي شان | محروم.كوم | منتدى أخبار المواقع والمنتديات العربية والأجنبية | 0 | 09-30-2011 01:30 PM |
عرس راعي العجراء | محروم.كوم | منتدى أخبار المواقع والمنتديات العربية والأجنبية | 0 | 09-26-2011 02:30 PM |
سالفة راعي العجراء والحصني | محروم.كوم | منتدى أخبار المواقع والمنتديات العربية والأجنبية | 0 | 09-23-2011 05:10 PM |
من سواليف راعي راعي العجراء (ثوب العيد والخياط الباسكتاني ) | محروم.كوم | منتدى أخبار المواقع والمنتديات العربية والأجنبية | 0 | 09-16-2011 02:10 PM |
من سواليف راعي العجراء (عزيمة القعوس لراعي العجراء ) | محروم.كوم | منتدى أخبار المواقع والمنتديات العربية والأجنبية | 0 | 09-10-2011 01:40 PM |