بسم الله الرحمن الرحيم

ثَنَا أَبُو بَكْرٍ أَحْمَدُ بْنُ مُحَمَّدِ بْنِ الْعَبَّاسِ ، ثَنَا أَبُو خَلِيفَةَ الْفَضْلُ بْنُ الْحُبَابِ بْنِ مُحَمَّدٍ الْجُمَحِيُّ ، حَدَّثَنَا عُثْمَانُ بْنُ الْهَيْثَمِ الْمُؤَذِّنُ ، ثَنَا أَبِي ، عَنْ عَاصِمٍ ، عَنْ زِرٍّ ، عَنْ عَبْدِ اللَّهِ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ غَشَّنَا فَلَيْسَ مِنَّا ، وَالْمَكْرُ وَالْخِدَاعُ فِي النَّارِ " .
لوحض في السنوات الاخير من تجار الطيور الذين يعرضونها
كلام درج وسمعه الاف الصقاقير
الطيور اصيله وهي تفاريخ
يارجل ياتاجر يامترزق الله ليش الغش والخداع والمكر على اخوان لك في الله
وشهو عشانه
قل تفاريخ وخل راسك فوق
مافيه شي الصدق ماعاد يمشي قولت الطير وحش وهو تفريخ
لا متبعين مثل شين وقوي عين
من حركات التشميش بالاكباس ووضع الطيور في رمل ابيض

وحراق الطير باليزر وغيرها من اساليب الغش
يارجل ماتخاف من الله
المشكله انك اذا حاججته وغلبت حجتك عليه
شف عذره
انا شريتها على انها وحوش مهيب تفاريخ
تبي تشتري حياك منت شاري الي يريحك
كلامه بنقول عنه سليم بعض الشيء
لاكن ان حديته على الحلف بالله
سبحانه حتى وهو يحلف يبين الله في وجه انه كاذب
لاكن ما اقول الى اتق الله ارجع عن درب الشيطان
لاتعبد الدينار

اخواني تبي تعرف الطير الي تقلبه هو تفريخ او وحش
شف زراق كفه اذا هو فرخ هو غامق او فاتح اذا هو غامق ومائل الزراق لشهاب قليلن
فهو وحش باذن الله
شف لمعة الريش ونتبه بيجيك في نصف بعض ريش الطير كانه حرق هذا اثار الكبس
الوحش محرقن الله ريشته بتوازن
شف صدفة البوز اذا مهيب سودا وخص شوارب البوز انحش
شف اخر ريش الذنيبا اذا الزهرة موجوده يعني اللون الابيض الذي ياتي في اخر ريش الذنب
اذا موجوده وحطيت يدك ولم تجد انها مثل الابر وناعمه الملمس انحش تفريخ
شف عرقوب الطير من فوق اللفحاح تحسسه بيده اذا خشن ولا ناعم كانه خشن وحش باذن الله
حط البرقع فوق راسه بقرابت شبر قلب البرقع يمين ويسار اذا الطير رص عمره ورفع بوزع عليك بالتساوي وكانه يناظر البرقع بعيونه الثنتين انحش تفريخ الوحش يتجزع من يمين ومن يسار يقلب بعين وحده
شف ريش داغر الطير اذا هو املس مره ولا يوجد في حضات الريش صفق الهوا انحش يعني مثل التثلم البسيط الي يالله تشوفه
اقلب الكف حاول تحسسه بيدك ناعم ولا خشن الخشن دايم يكون اقرب للوحش
زراق الجفن المائل لسواد في الوحوش غالب في التفريخ يجيك ابيض
هذا ماعندي واسال الله ان ينفع به
تحياتي لكم طير الهقاوي