نصيحة جدي الشاعر سند بن قاعد الخمشي يرحمه الله سـنــة 1369هـ
قال هذه النصيحه , بعد وفاة أخيه دهيسان الخمشي يرحمه الله , وكان ابنه فهد بن دهيسان يرحمه الله , صغير السن .

#poem_4e7c76f7951e7 td {font-family: Arial;font-size: x-large;font-weight: bold;} مبداي في ربٍ يدير الأفاليك المعتلي معطي العطايا الجزيله يالعبد لا تزمل وربك معافيك لا عاد رزقك معتننبه كفيله لا يا فهد وا فهم لعم موصيك برق عقب مفلاك لا تستخيله ورزق كتب لك حاضر النفع ياتيك ما ينهبه متنفذٍ في شليله ومن ابغضك ماضرك ولوهومعاديك والله لا ضرك فلا فيه حيله لو تجتمع ناس بلا امر واليك طفو كما في الديم راع الفتيله وترى الله اللي يامر الناس تغليك من حسن خلقه ما بغى يستويله والله مخيرنا وحنا مماليك من زين ولا شين حملك تشيله واحدٍ ليا حبك من المال يعطيك ما له هوى كود الفعول الجميله واحدٍ ليا اعطاك ربك شقى فيك عينه بمالك تقل راعي عديله لوهو قريبٍ لك يغثك ويوذيك لو انت كل العمر تترك سبيله وافهم جواب اللي يحبك ويغليك ان كان ما بك عرف خذ من دليله قصيرك اللي كل ما رحت يتليك حق ٍ من الباري يجيك وتجيله بغى الرسول يورّثه من مواشيك لو انت من صّفه وهو من قبيله والضيف ضيف الله ليا صار ناصيك صر له حلا من طلع خطو الفسيله لابد ما هو عند الاجواد يطريك بين الزهور البيض وطروق شيله ولاترافق الممسك ترى البخل يرميك انزل شعيب الطيب واقضب مسيله ثوب الصخى عن كل عيب يغطيك راع الصخى كل ٍ بخير يحكيله وبالك تحرى عند من لا يعانيك عامل كريم ٍ فاز من يلتجيله وشحذ عني من عطاياه يعطيك يّطعِم ولا يطعَم ويعطي الجزيله وافهم جواب اللي يحبك ويغليك ان كان ما بك عرف خذ من دليله الاحمقي جنب عنه لا يخاويك الاان خوتكم فلا هي طويله الاحمقي لوهو يكّتب براويك لازم يكدر خاطرك يا عميله والكذب لو انك شريف يوطيك له لسعة في جبهتك تقل نيله وليا كذّبت اخر تقطع ذراريك عزالله ان ازمالتك مستحيله والبذي جّنب جانبه دامي اوصيك والهرج يكفي عن كثيره قليله ولا جاك هّراج يّبحث خوافيك راجع قبيلك هرجته لا تشيله قول الشريف اللي حكالك حكا فيك راع النمامه لا تحطه تخيله وّاصل قريبك لو من الشين يعطيك ليّن له الجانب وربه كفيله كثر من التوبه عسى الله يعافيك حلم الله ارجح من ذنوبٍ عضيله وليا وليت ارحم ويرحمك واليك واللي جهل عن خمّلته لا تسيله ولا تودع الصبيان من دون اناثيك لين يّتكفل في همّومه حليله طويلة الصّيحه تراها تراجيك تزبنك لا مّنه كَلته المليله وافهم جواب اللي يحبك ويغليك ان كان ما بك عرف خذ من دليله واحّذرك لا تيّس من الله يحافيك ولا تّرتهي باعمالك الله دليله لا جاك سايل لا تلقي عتاريك لا انفقت صاع جاك عشر ٍ مثيله تعطي يمينك ما تعلم شماليك يا ثقلها بالوزن وشو عديله والموت ما خلى الصحابه يخليك هل المّسامت والفعول الجميله وترا الهدى من قرب ربّك يدنّيك والوالده رجع عليها جميله والى جرى الجاري تجبر بواليك تصبر وتسترجع لرب تسيله والمال لا عن طاعة الرب يلهيك واحذرك لا تترك حلالك طويله والمال لو انك مسيّبيع يقنيك مثل المطر يحي الفياض المحيله تكثر ربوعك كان كثرت مصاريك منازلك عند المقابل جميله وان قل مالك لابتك ما تداويك لو انت شيّال الحمول الثقيله ويا متمّنّي ٍ ما ينفعنك مناويك تجمع حلال ٍ مير وشو ظويله وافهم جواب اللي يحبك ويغليك ان كان ما بك عرف خذ من دليله ولا وقت بالمجلس تكمّل تواليك من واق وقفا يستحق الفشيله ولا تطاوع الشيطان يفرح ويغويك واحذرك لا تشهد غموس بحيله تاصل بطولا ً بالبطاله يناجيك وتبلى محل تقطعه من حصيله لا حفت في ملك تعّظم بلاويك يوم القيامه فوق راسك تشيله لو انت متخفي ترى الله يراعيك لابد من تظلم توطاك خيله ولا تاخذ الحرمه على المال توذيك تطغى ولوهي ما تسوي صميله ولا تاخذ اللي كد خذت زوج تكويك ان هشتها قامت تمنى حليله خطو الحليله لو حكت لك تخافيك تراه عقرب راسها عند ذيله وخطو الحليله عن محلك تجليك لا جابت الورعان صارت نقيله استثني اللي بالموده تسليك بنت الحموله مثل بنت الكحيله عليك في عذرا هنوفٍ تسليك تسبل ولو تاطى مثان الجديله ولا شافتك زعلان قامت تراضيك وليا احتملت من الغضب مات حيله تغيص في شط الحيا ما تحاكيك دمعه على خده نهاره و ليله وليا رضيت بخملتك ما تحاكيك احلى من السكر مع الزنجبيله هذيك دورها ولا به تشاكيك كثر من البخشيش عطه وكيله هذيك عطها كل ما حشت بيديك تستاهل التقدير بنت الكحيله وبرّق بحالك قبل تكثر دواويك تراك ماعون ٍ ويلقى بديله ولا تدور الغرات بهلك و ادانيك الذيب يطمع بالغنم بالخميله ترى الشكوك يوردنك مهاليك تاتي علومك بالشكوكه مصيله والعقل والتمّييز لا وافقت فيك ما صار بك حسدٍ ولا فيك عيله والعرف والمعروف تبعد محاكيك عن الردى منزلك راس الطويله ولاشفت مال الناس يكفيك حاشيك ما ينفعك تسريحته وتهضيله اقنع بما بيديك ما جاك يكفيك ترى حقوق الناس مثل الهميله ولابد راعيها على الطول ياتيك اكله حرام وهي تعيب القبيله لاصار عندك حق تقضب باثاريك يجيك راع الحق لو ما تجيله درب النبي ماثور والشرع يرضيك ومن لارضى حقه غدى طال طيله ان كان جوك بحق قرب واوريك كان الطلابه مال طع بالفصيله وان كان جوك بزود ماني موصيك قلبك وجيعٍ كود يبرد غليله وافهم جواب اللي يحبك ويغليك ان مابك عرف خذ من دليله ولاقالت الحرمه لرجله فلابيك تراه ماله حيلة يستحيله اما يسقط حقها بالشباليك والا يطلقها ويلقى بديله ولايزملك كثر الحكي والدباليك هرج بلا فعل قليل حصيله لاتواخذ الجهال لو توح اذانيك ازعل على العاقل ليا جاك عيله خطو الولد كنك تحزم ببلجيك متحزم به عن وحم كل عيله وخطو الولد شوفه عن الهم يجليك وخطو الولد بعده ربيع وسيله ولاصار عند الله قفولك مصاكيك تموت لو انك بجال الثميله ولاصار عند الله طوال مداليك تشرب ولو ترد العدود الطويله وافهم جواب اللي يحبك ويغليك ان كان مابك عرف خذ من دليله ولاترافق الجهال تتلا وتعميك يعمون قلبك لو عيونك كحيله ورافق هل الطاعات بلكن تعديك مثل الزباد اللي صبغ من يشيله ولياتعبت الذكر بالحوض يرويك جزاك عند الله جنان فضيله وان كان تكبر ثم تكبر معاصيك انطح ليا هدت عليك النثيله وان كان جوك ثنين ضاعت محاكيك اصواتهم مثل الرعود الثقيله اما بخير تم ربك ينجيك والا بوسط النار مالك عقيله صليت يالله عد خلقٍ تراجيك من رحمتك يسدهم ربع ليله عدة حروف كتبوها باساميك واعدا ما صبت حقوق المخيله على نبي مابدينه تشاكيك اللي عطاه من الكريم الوسيله

قراءه ممتعه والدعاء لهم رحمهم الله جميعاً ورحم مواتكم وموتا المسلمين

واسف اللي اشغلتكم يالاداره بمواضيعي ....>
وان شاء الله هالموضع يختلف كونه مليئ بالحكم والنصائح
وان شاء الله مايكون مخالف لقوانين مكشات او مسيئ للعادات والتقاليد والمراجل وعلوم الرجال .