عبق الحب (القصة حقيقية)

خبالي راقي · #1 02-23-2009, 09:29 PM

هلا شحالكم يا اعضاء من دون ما اطول عليكم اليوم يبت لكم قصة حب حقيقية وانا استاذنت من صاحب القصة بس قالي اني ما اقول اسمه بس طبعا فيها شوي تخريف مني اخليكم مع القصة

علي شاب ككل الشباب في الصف الثاني عشر عايش حياته وما يهمة اي شي طيب وحنون عمرة ما فكر يحب لانه واااااايد شاف تجارب حب جدامة وكانت معضمها نهايتها الفشل وفي يوم من الايام قرر ما يروح المدرسة عسب ما يمتحن امتحان الكيمياء خخ <<<<من اول القصة كسلان

وتم يتحوط في الفريج ويستكشف وهناك ووصل باص الصبايا طبعا هو باص صبايا الفريج نزلن منه البنات وضحك وسوالف وهو تم يطالعهن لكن من بعيد لبعيد ويقول حشة مب رايحين المدرسة سايرين حفلة الشيلة التلمع والاكسسوارات عاد هو تم يضحك عليهم ورد البيت في اليوم الثاني كان ساير المدرسة بس كان فيه رقاد شوي وجي كان يمشي وهو منزل راسة عاد ليش ما ادري وطرااااااااااااااااااااااااااخ شو هذا الصوت
صوت الضربة انضرب اخونا في بنت من بنات الفريج
علي :سوري سوري ما شفتج
البنت : لا عادي ما صار شي
لكن علي تم قلبة متعلق بهذي البنت حس في شي جذبه فيها

وصار يرد كل يوم مبجر من المدرسة عسب يشوفها وهي تنزل من الباص
وفي يوم لحقها حاول يكلمها بس هي ما عطته فرصة

رد البيت وسار عند اختة بعد الغدى ودق الباب
دق دق دق

ها شو اكمل ولا مليتو __DEFINE_LIKE_SHARE__

فروتي · 02-23-2009, 09:36 PM

كملي ..... كملي .....كملي

حلوه القصة انا احب القصص دخيلج كملي __DEFINE_LIKE_SHARE__

خبالي راقي · 02-23-2009, 09:48 PM

من عنوني بكملها __DEFINE_LIKE_SHARE__

خبالي راقي · 02-23-2009, 09:49 PM

دق دق دق

سارة :منو
علي:منو يعني انا فجي الباب ابي اكلمج
سارة :هلا هلا والله بخوي الغالي خير شو تبي
علي : تعالي حجرتي ابيج بسالفة
سارة :سارة استانست في قلبها <<<<<<مسكينة مفكرة يايب لها هدية

وسارت وياه
علي: شوفي انا بقولج شي بس لا تعلمين حد وغلاتي عندج
سارة :افا يا خوي ما هقيتها منك انا
انا اقول حق حد انت قولي بس ماتصحة الصبح الا وتشوفها ع قناة العربية منتشر الخبر
علي : يلا عاد لا تسوين عمرج خفيفة ظل مول مب لايق عليج (وهو معصب)
سارة : شفيك انت الواحد ما يتمصخر معاك قول شو تبي
علي:شو اسم هذي البنت
سارة : اي بنت
علي : اممممم هذي الساكنة عدال بيت بو سالم
سارة اهاااااا مريوم شو تبي في اسمها ها شو حب ولا شو
علي:لا لا لا انا احب لا بس ابي اعرف كم معلومة عنها <<<<<<<<<<الاستاذ مفكر سارة ما تفهم
سارة : شوف اسمها مريم اصغر منك بسنة بس وما عندها خرابيط ولاحب بس هذا الي اقدر لقوله لك
علي :شو بس هذا كملي
سارة :عنبوك شو تبي اكتب لك سيرتها الذاتية سير ولي زين
علي :انزين شو عن دراستها سوالفها
سارة: هذي البنت ما عند لها غير دراستها والبنات يسموها معقدة
علي :اهاااا ها انتو يالبنات يوم تشوفون وحدة محترمة عمرها قلتو عنها معقدة
سارة : لا يا خوي مب كلنا بس الي ما عندهم مذهب والله وايد حبوبة وطيوبة
علي : يلا خلصت مهمتج يلا اطلعي شو تسوين يالسة بحجرتي و على مكتبي بعد
سارة: والله ما ادري وين يالسة مالت عليك وعلى حجرتك يا مصلحجي
طلعت سارة وتم علي يفكر في حبة اليديد والبنت صعبة وهو يبي يحصل قلبها في اي طريقة

اكمل ولا شو

بس وين التفاعل __DEFINE_LIKE_SHARE__

أجمل عيون · 02-24-2009, 12:05 AM

كملي القصه حلوه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور عيد الحب * عيد الحب * بطاقات عيد الحب للتصميم	محروم.كوم	منتدى أخبار المواقع والمنتديات العربية والأجنبية	0	10-05-2009 07:50 PM
قصة حقيقية وقعت في لندن والله القصة حلوة وفيها عظة وعبرة	ولد-RAK	قصص و روايات	18	08-26-2009 07:40 PM
[Style] : ستايل الحب قمة الاحتراف تصميم شبكة نسيم الحب	محروم.كوم	منتدى أخبار المواقع والمنتديات العربية والأجنبية	0	05-02-2009 03:10 AM
-:: الإنسان قبل ( الحب ) وبعد ( الحب ) وعند ( الحب ) ... ::-	♕ وليد الجسمي ♕	الإستراحه العامة	6	01-06-2009 12:35 PM