× × ليش الهياط على حساب نفسي وأهلي وعيالي ومستقبلـي × ×

محروم.كوم · #1 09-15-2011, 02:10 AM

السلام عليكم ورحمة الله وبركاته

لاحظت بالأونه الأخيره كثرت السيارات بشوارعنا وكلها من 2009 وفوق هل هي من كثرة فلوسنا ؟؟؟؟؟؟

بقول لكم اللي لاحظته وشفته من أخوياي ومن الشباب اللي حولي:

_ واحد من أخويانا عمره23 آشترى له موتر بـ150,000 ريال( من جيب آخته وآخوه وآبوه ...وأقصاد طبعا ) وأخوه الثاني عمره تقريباً 19 وأشنرى له موتر قبل فتره بـ90,000 ريال.

^ حالتهم الاجتماعيه: آبوه ضابط بالبحرية ومتزوج ثنتين وعليه 8 اولاد, وغير البنات وقبل خمس سنين امتلك له بيت.

طبعاً بعد فترة أبوه راح يبي يشتنري له أرض بـ60,000 ريال , ماعنده كاش راح وتسلف .

_ ومثال آخر عن عائله عندنا بالحارة مستأجره بيت وأبوهم تقاعد, وشاري لولدة موتر قبل لا يتقاعد بـ95,000 ريال, وقسم بالله العظيم ان نهاية الشهر ما ياكلون الا لوزين وعصير من الفقر والبيت مليان عيال ( الله المستعان ) ويبي ينقل لديرته عشان المعيشة لكن ما وفر ولا شي لمستقبل عياله. طبعاً كان بالشرطة " .

_وأنا شخصياً كنت أسولف مع واحد من الشباب, وسألني وين أتطبق, قلت له بالشركة الفلانيه, قال لي وبردة فعل أتطبق بالددسن ( اللي بالتوقيع ) قدام المسؤولين والمدراء والموظفين خل آبوك يشتري لك موتر أصفار.
طبعاً أبو خويي راعي بل(نياق) وموظف أرامكو أبوه, لكن نهاية الشهر يستلف, ومعطي ولدة 200,000 ريال عشان يشتري له موتر, غير المواتر اللي اشتراها له من قبل, والولد عاطل وابوه حالياً مدييون الى راسه لكن يملك بيت.

_ وفيه واحد زعلان من ابوه الان وشكى لي منه, ابوهم ماقصر معهم ببداية اعمارهم, لا من سيارات ولامن ماركات يلبسونها مرفهم, لكن الان ما يملك بيت ومتحسف ومتندم ابوهم والعيال ماكلينها الحين, البيوت عاد تعرفون غاليه بالجبيل الصناعيه ويبي له ببيت يمشي الحال مافيه.

_ ومن ضمن السوالف المضحكه ( الله لايبلانا ياعرب ) , جا أبو واحد من الشباب للوالد (أبوي) أستلف مبلغ وقدرة, عشان يشتري لولده سياره, مع العلم أن أخوه عنده موتر جيب طبعا جي أكس لكن موظف وهذا عاطل, وأبوهم سكرتي ويالله يمشون حالهم وجاي يستلف عشان يشتري لولده موتر( طبعا أخذ الموتر سنه معه وباعها وأشترى فتك 2008 بعد ما توظف مقاول بالشركات.

الشاهد من كلامي هذا كله ان المعيشه الايام هذي تخوف وكل شي غالي, يعني الواحد المفروض يفكر بعياله ومستقبلهم, يبني لهم بيوت يحفظ فيها عياله, الواحد ما يدري وش يصير لعياله بالمستقبل, أترك الناس ولا تطالع باللي فوقك, ذولا ربي منعم عليهم وتعبوا بحياتهم ودرسوا الى ان وصلوا لمبتغاهم بفضل شهاداتهم وبفضل ربي آولاً.

ياليت أن أي واحد يدخل يترك تعليق يعبر فيها عن رائيه بالموضوع
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أريد حساب هوت فايل مقابل حساب رابيد شير لمدة 15 يوم وأيضا حساب ميجا أبلود	محروم.كوم	منتدى أخبار المواقع والمنتديات العربية والأجنبية	0	08-31-2010 08:20 PM
رحلتي اليوم مع اميمتي وعيالي ترقب ومطاردة ثم برد وسيل وفرحة	محروم.كوم	منتدى أخبار المواقع والمنتديات العربية والأجنبية	0	05-06-2010 01:20 AM
درس كيفية تصدير قائمة جهات الاتصال من حساب ثم استيرادها الى حساب آخر في الماسنجر	محروم.كوم	منتدى أخبار المواقع والمنتديات العربية والأجنبية	0	04-16-2010 10:10 PM
[مشكله] : حذفت نفسى ورجعت ضيف نفسى بنفس الاميل لكن يجيني اني محظور وما اقدر اشيل الحظر	محروم.كوم	منتدى أخبار المواقع والمنتديات العربية والأجنبية	0	04-29-2009 06:40 PM
فلم مترجم بس بطريقهـ غير ( انواع الهياط) ههههههه	محروم.كوم	منتدى أخبار المواقع والمنتديات العربية والأجنبية	0	04-25-2009 06:00 PM