ياهلا بالجميع طبعا القصص كثيرة من الموروث الشعبي اوغيرذلك لكن احب اقص السوالف التي حصلت علي هذا سنة من السنين كان عندي طير وكل الربع الي يطلعون للقنص معي على الله وثم على هالطير نقنص فية الارانب وكان من نوع الحر المهم نقز الارنب وشب نارك صائدها باذن الله طلعنا للقنص الا الطير متغير ولكنه يعرف الارنب ننفج الارنب مايلتفت لها تقل مايعرفها تضايقت من ذلك قال واحد من الربع ياولد طيرك جته عين والله يعلم من عطاه العين قلت الدبره طيري وغالي عندي قال لاروحنا ادلك على عجوز تبي ان شاءالله تنقض عنه ويرجع طيرك مثل اول واحسن المهم قلت وش معنى تنقض عنه قال ماعليك دبرت طيرك عندي رجعنا للبلد ورحت للرجال وكان عنده واحد من الربع قلت مشينا يابو فلان مشى ومشى الشخص الثاني وركبنا سيارتي متوجهين للهدف المنشود الي هي العجوز وصلنا العجوز وكانت ساكنة بيت شعر باطراف الديرة قال خذ طيرك وانزل يم العجوز واخبرها بسالفة الطير وحنا باقين بالسيارة شلت طيري ونزلت وناديت وسمعت صوت العجوز ادخل ياوليدي رحت لها وسلمت عليها الا عجوز يمكن بالثمانين عمرها وش هالبلشة وسئلتني وش عندك قلت طيري قصته كذا قالت ولايهمك حط طيرك امامي ركزت الطير على وكره امامها وكانت شابة نار وفتحت خريطة اي كيس عندها واحضرت صحن وحطت فية جمرة ووضعت علية شب المهم قامت تديره على الطير حفظت ماتقولة من كلمات اثنا دوران الصحن فوق راس الطير تقول الله واحد ماهو ثنين الله واحد ماهو ثلاث حتى وصلت للعدد خمسة العبارة الثانية بف والشر عنك يخف العبارة الثالثه حسبي على من لاذكر من انثى وذكر هاه ياخالة قالت طيرك فيه عين من رجال وشف صورة الرجال طبعا الشب تشكل على شكل من الجمرة ولكن يطيب ان شاءالله قلت ياخالة اشوفك تقل صائبتك عين قالت وش دراك ياوليدي قلت رجولك يعورنك قالت ايه قلت راسك يعورك قالت ايه ياوليدي قلت ابي انقض عنك قالت تعرف قلت كيف ماعرف عطيني الشب واحط الشب على جمرة وقمت ادور بالصحن فوق راسها قلت ياعجوز ياعجوز فعلك هذا مايجوز الشفى من رب العالمين والردد العبارة فوق راسها قلت وش وقعك قالت والله ياوليدي تقل سلك يطلع من عويناتي قلت ان شاء الله شفيتي اخذت طيري وروح للسيارتي ادور خوياي الاماهم بالسيارة الا وصوت شوي بعيد وكشف بالنور الا هم خوياي يرفصون من الضحك واحد يبي يموت من الضحك انت وش سويت قلت نقضت عن عجوزكم قالو ماحد سبقك عليها طبعا طريقة العجوز من طرق الشعوذة والعياذ بالله امل ان السالفة حازت على رضاكم
09-15-2011, 02:10 AM
العرض العادي
المواضيع المتشابهه 
