|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته
__DEFINE_LIKE_SHARE__
يسعدني أن اضع بين أيديكم قصه واقعيه تبين الوفاء بين القبايل لمجموعه من العتبان وَ خويهم القحطاني ؛كلفو بمهمه في موسم الحج حدثت هذه القصه قبل 20 عاما ً تقريبا ً في موسم الحج في مكه المشرفه على مجموعه من فرقة المجاهدين حيث تعلمون دورهم وتواجدهم في هذا الموسم والقصه حصلت على 6 من فخذ القبعه العتبان وهم خالد بن ذعار و َ خالد بن سحمي وَ رحيم بن فهد وَ مشعل بن صنهات وَ متعب بن نايف وَ محمد بن خربوش وسابعم خويهم من قبيلة قحطان العريقه [ محمد السعدي ] ؛ وكانت البدايه حين إستلموا الربع الموقع المُحدد لهم لتأديت أعمالهم المطلوبه منهم ؛ وفي صباح أحد الأيام وكما جرت العاده من جلوس الربع في موقع إستلامهم وبطبيعة الحال لايخلو المجلس من فنجال الشاذليه وَ السوالف الجزله وَ العلوم الطيبه اللي تنومسهم و تونسهم ؛ إلا أنه على حين غفله و إذا بشخص يقبل عليهم ومعه مجموعة نساء ويردد [ تكفون ياعتيبه تكفون ياشبابه يافزعة المضيوم ] وإذا بالربع يقفون وقفة رجل واحد على نخوة الرجل وكانوا على علم بأنه حربي حين قال تكفون ياشبابه وقالوا وصلت [ عسى ماباس ] كل أمر ٍ مقضي إسترح أقلط وخل النسوان يعدّن ف الظلال ؛ فقلط الرجل وعرف بنفسه أنا محمد الحربي من سكان مدينة حفر الباطن و [ العلم سلامتكم ] تخالفنا حنا وربعنا و ضعنا ف الزحمه ولانملك أي إثبات أو فلوس وربعنا مضيعينهم والا أنا بخير وستين نعمه ؛ قالوا الربع [ الأمر سهل ] وحاجتك مقضيه ؛ ومدوا اليه الربع مدة ٍ جزله فوق اللي يسد حاجته وقالوا إذا ماتسدك والا بغيت زياده لايهمك [ حاضرين بالعلم الطيب ياحربي ] وقالوا تراها تلف ماهيب سلف واعتبرها قيمة قهوتك ؛ وراح الحربي على نية الخير ويسر الله أموره وَ الربع كملوا قهوتهم وسوالفهم لين مالت فية العصر وجددوا مجلسهم ف الجهه الغربيه يوم أخذوا شوي الا العين وماترى رفيقهم الحربي جايهم معوّد وجايبن ذبحيته معه وبادروه الربع بسلم عتيبه [ الترحيب ] و هبة الريح ؛ قال ربعي ورانا ينتظروني في سيارتهم [ عقلهم الله ] وَ أنا ماشيء وهاذي ذبيحتكم وهاذي فلوسكم وبيض الله وجيهكم وجمل الله حالكم وحلفوا الربع عن الفلوس وطلق الحربي و حرّم إنهم لياخذونها أخذوها الربع وقام مشعل بن صنهات وقدم له هديه بإسم الربع ؛ والقصه ثمرتها القصيده وهاذي قصيده من الشاعر تركي بن نايف القبـــع بعد ماسمع قصة ربعنا : - بعض المواقف تحرج رجال و زحول لو ظرفها اللي حدها نـص وريـال يقوله الجاهـل فـلا هـوب معقـول واللي ماجـرّب ينقـد أمثـال عقـال كم ماقف ٍ حـد الغنـي كـان ذلـول على فقير ٍ ملكـه شمـاغ و عقـال الفرق فرق الناس في فعول وعقـول وطيب المكارم عند الأجـواد مـازال الرزق عند اللي بـاالارزاق مكفـول مشبع فقـارن ماتعشـي لهـا عيـال بعض المواقف ودك إنك لهـا تقـول قول ٍ لتعبيره على الصـدق مدخـال فعل ٍ ينومس مرحبـاً بـه ومقبـول وقصتـه بفعـول المطاليـق تنقـال في شرحها ماودي إني لهـا أطـول يومنه الحربي شكى لربعـي الحـال جاء ضايعـن بمعـوره مامعـه زول غريـب دار ٍ لاقريـب ٍ ولا خــال تقطعتبـه سبـل الأقـدار مـذهـول و ماخاب يومنه عليهم شكى الحـال قالوا هلا يامرحبـا سلّـم وَوصـول أبشر بسعدك ومطلبك جـاه ٍ ومـال دامك نصيت عتابـه تقـول و طـول سته ومعنا من بنـي مضيـم شيـال فل الحجاج وعقال الافعـال مفتـول فصـل ونلبـس ماتفصلـه تفصـال ويومه قضى لازمه ماهوب دعبـول عـوّد عليهـم بالثنـاء طيـب الفـال |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أفضل صورة في موسم الحج | محروم.كوم | منتدى أخبار المواقع والمنتديات العربية والأجنبية | 0 | 11-23-2010 01:25 PM |
تواصل الاستعدادات لتوفير متطلبات نجاح موسم الحج | دلــــــــوعة الامارات | اخبار محلية و عالمية | 2 | 11-03-2010 04:44 PM |
اقتراح بمناسبة قرب موسم الحج لهذا العام 1431هـ | محروم.كوم | منتدى أخبار المواقع والمنتديات العربية والأجنبية | 0 | 10-01-2010 08:10 PM |
تونس تعلن رسميا إلغاء موسم الحج هذا العام | محروم.كوم | منتدى أخبار المواقع والمنتديات العربية والأجنبية | 0 | 10-07-2009 12:10 AM |
تونس تعلن رسميا إلغاء موسم الحج هذا العام | محروم.كوم | منتدى أخبار المواقع والمنتديات العربية والأجنبية | 0 | 10-07-2009 12:00 AM |