رحلتنا يوم العيد يوم الثلاثاء الموافق 1/10/1432هــ .

محروم.كوم · #1 09-08-2011, 10:30 PM

كل عام وانتم بخير

حياكم الله يأعضاء وزوار منتدى الرحلات وشلونكم عساكم طيبين حبيت اعرض عليكم رحلتنا المتواضعة التي كانت يوم العيد يوم الثلاثاء الموافق 1/10/1432هــ وكانت الأنطلاقه من بريدة مرورن بحائل و العلا و مدائن صالح والوجه و العمود وضباء والبدع ومقنا ورأس الشيخ حميد وطيب اسم وتبوك والجوف ومشروع الوطنية الزراعية بالبسيطا وميقوع وحائل. وبعد التنسيق في الرحلة يجب الحرص على الرجال اللي شرواكم والبعد عن خلان الرخاء لأنهم مصيبه ويجب الحذر منهم

وكما قال شاعرنا ابونعيم محمد الخضير

عثرت بأسباب المودة والإحسان.. بان الرفاقه بأخر الوقت صنفين

 احدٍ تلبس بالتقى بغال الاثمان ..وبفعال أبوه وجده اليوم ينبين

 يمشي على درب العلا طير حوران ..دايم بشوش و وافيٍ للوفيين 

ماله مع الغدرات مذهب وصدقان ..كريم يدمح زلة الربع الادنيين

 واحد كما الحداد بالكير نيشان.. افعاله افعال الردى والملاعين 

كذبوب نمامٍ كما فعل شيطان.. يفرح بفعل السو بكل الميادين

 لايهمك المظهر ولاهوب تبيان..  كم واحد في مظهره داخله شين

 هذا وانا بانصحك في بعض الاحيان.. مالك ومال اللي غدو عنك مقفين 

والصاحب اللي يتبع فلان وافلان ..خله تراه بتالي الوقت ياتين 

والصاحب اللي يسمع لقول كذبان ..ترا الجمل لاخف حمله غدا زين

 والصاحب اللي ناسي كان ماكان.. اعرف تراه يعد ضمن الرديين 

والصاحب المنان في فعل الاحسان.. لاتطلب احسانه ولو كان بالدين

 واللي طباعه بالردى ذاك جربان.. جنب عنه لاتقول ماهوب يعدين 

والصاحب اللي يكتم الحق خسران.. ويله ويله يوم وضع الموازين 

واللي بدوره بالقفى ذاك فتان..  لاهو موفق في حياته ولا الدين 

واحذرك خلان الرخاء تقول صدقان ..افهم دروس الوقت منول وهالحين 

خلوك امير إليا اصبح البوك مليان.. وقالوا ترى تامر على الشين والزين 

حتى سحروا قلبك بتفكير ولسان ..وخلوا خيالك مالك دولة الصين 

واليا غديت بتالي الوقت ورطان ..واصبحت ماتملك من المال عشرين 

لاجيت تجلس تجلس بجنب حذيان..  وعقب المعزة صرت ضمن الحقيرين

 هذي وصوف اللي غدى الدرب عميان.. وهذي النهايه سمها اليوم باسمين 

احد تلبس بالتقى بغال الاثمان ..واحد كما الجربان بالحال يعدين

وكانوا أعضاء الرحلة الأمير ابوعبدالله راعي المجاهيم وشاعرنا ابونعيم وابو عبدالله خالد وامين الصندوق وقروم الطلعة ابو سما وابوفهد وابوعبدالله وليد

وابوصالح ومحدثكم ابوعبدالله الطرس .

ولحظة وصولنا محطة العلا

وبعد اختيار المكان للعشاء والنوم

ترانا بنصلح العشاء يالرجال الله يحيكم على الميسور

ويوم صار الصبح قلنا خلنا نجوب الفيافي جوب واول مانبدء فيه محلب ناقت قوم صالح عليه السلام وهذا مدخلها من بين المزارع

ماشاء الله البسر يشوق السراحه

وصلنا الحمدلله للمطلوب

وصلنا لمحلب الناقه وابوفهد يورينا كيف كبره بالنسبه له

وهذا مابقي من قرية الأسود اللي باللي فيها المحلب

وبعد المحلب اتجهنا إلى مدائن صالح

وهذي نقوش جميلة ودي ادري وش مكتوب سمعنا انه مكتوب ان هذا المكان او القبور التي موجوده في الداخل ليسمح صاحب البيت ان يقبر فيها احد من غير اهله والله اعلم

لطفاً عدم الرد حتى يكتمل الموضوع
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حجل يوم الثلاثاء الموافق 24/7/1431هـ	محروم.كوم	منتدى أخبار المواقع والمنتديات العربية والأجنبية	0	07-07-2010 01:10 AM
صور رحلتنا لأحلى ربيع من يوم السبت 29/2 الى الثلاثاء 2/3/1431 هـ Mohamed	محروم.كوم	منتدى أخبار المواقع والمنتديات العربية والأجنبية	0	02-17-2010 05:50 PM
رحلتنا يوم الأربعاء الموافق 5/2/1431هـ من الرس الى سميراء	محروم.كوم	منتدى أخبار المواقع والمنتديات العربية والأجنبية	0	01-21-2010 08:40 PM
رحلتنا للعيص بتاريخ 25/5/1430هـ الموافق 20/5/2009	محروم.كوم	منتدى أخبار المواقع والمنتديات العربية والأجنبية	0	05-24-2009 09:10 AM
قنص يوم الثلاثاء الموافق 3/5/1430	محروم.كوم	منتدى أخبار المواقع والمنتديات العربية والأجنبية	0	05-09-2009 07:00 PM