مجبـوس لحـم . . "

فتنـۂ الـڪِوטּ · #1 09-07-2011, 04:40 PM

السلآم عليكم ورحمه الله وبركاتــہ

قبل فتره حطيت لڪِم طريقـہ المجبوس الأحمر مع الدياي
واليوم بحط لڪِم طريقه المجبوس الأصفر مع اللحم
والسموحه بڪِتب فالعاميه
اول شي تيبون المقدار اللي تبونه من اللحم وتحطونه فالجدر تسلقونه لمده ساعه او ساعه ونص وتحطون شويه قرفه و4 حبات هيل . . وعقب يوم تخلصون السلق تطلعونهم من الجدر وتيبون صحن وتطلعون حبات اللحم اللي كانت فالجدر وتنقلوها للصحن والصحن تحطون تحت الحنفيه مال المطبخ وتغلسونه بالماي الحنفيفه تخوزون الزوائد من اللحم وتغسلونهم وتنظفون اللي فيه
وعقب تيبون جدر ثاني تحطون فيه شوي زيت وتقطعون بصله وحده تقطعونها شرائح بالطول وتحطون شوي جي تقريبا ملعقه قرفه ووق غار حبه او حبتين و3 هيلات وكركم وشوي شعريه وكل هذيل يكونون مع الزيت اللي حطيناهم فالجدر وتخلطونهم شوي مع بعض عسب يعطي ريحه ولون وطعم خصوصا الكركم عشان اللون الاصفر وتخلوهم على النار لمده بسيطه تقريبت 5 او 7 دقايق
وبالهوقت تسيرون تيبون طاسه تحطون فيها 7 كاسات عيش او على حسب الكميه المطلوبه للعيش وتغلسونه بماي المطبخ جي تنقعونه يعني وانتو يالسين تغسلوه وعقب تفرغون من الطاســہ الماي اللي غسلتوا فيه العيش " . . وعقب تعقون العيش اللي فالطاسه فالجدر اللي حطينا فيه المكونات الي مع الزيت وتخلطونه شوي مع الجدر والمكونات عسب ياخذ اللون والطعم وتحطون 3 كاسات ماي لين العيش تشوفونه تغطا وتخلونه على النار وتسكرونه بالغطا ويتم على نار وسط يعني لاعاليه وايد ولا واطيه وايد بعدين تفتحون الجدر وتشوفون الماي اذا راح عن العيش اذا انمص كله توطون النار تخلونها هاديه . . وجي نكون خلصنا من العيش
عقب ناخذ اللحم اللي حطيناه فالصحن وتيبون المقلاه وتقلونــہ على حسب طريقه كل بيت
طبعا الصوره بعده العيش فالجدر ومصورتنــہ

__DEFINE_LIKE_SHARE__

joode M · 09-07-2011, 04:59 PM

تسلمين آلغلآ ع شـرح آلطريقـه . .

آللي بيجربه يطرش صوبي خخخ . .

شكـله يشـهي ^^ هع

يسـلمو آقيين غلـآيه . . __DEFINE_LIKE_SHARE__

فتنـۂ الـڪِوטּ · 09-07-2011, 05:20 PM

ان شاء الله انتي تجربينها وتتعلمينَ وتذوقين طباخ ايدج
مشكورين ع المرور الطيب / __DEFINE_LIKE_SHARE__

【الهامورة】 · 09-07-2011, 09:49 PM

وعليكم السلام ورحمة الله وبركاته..!

أحلى ما في الأمر، انا ناخذ الطبخة من امجرب ..،

شكلها ايشهي ..!

بنجرب ان شاء الله ..

تسلمين على ما أبديتي وربي يعطيج ألعافية.. __DEFINE_LIKE_SHARE__

فتنـۂ الـڪِوטּ · 09-07-2011, 11:41 PM

مشكورين ع المرور الطيب /
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لجـل عين الي آحبـــه . . ]\|=	7e6ni_fi_e3yoonek	تصاميم الاعضاء	20	07-19-2010 03:14 PM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
تحت برج أيفل بباريس	محروم.كوم	منتدى أخبار المواقع والمنتديات العربية والأجنبية	0	06-08-2009 03:10 PM
برج آيفل في ابوظبي.....	♕ وليد الجسمي ♕	سفر وسياحة	19	09-26-2008 12:05 AM