هب كلهم طبعا .. والله اخاف عليهم

+[ حكومة قلبي ]+ · #1 02-11-2009, 08:24 PM

السلام عليكم اعضاء استراحات زايد

تولهت عليكم وايد

اتمنى انكم تولهتوو ع اختكم الصغيره

شحالكم

عساكم الا بخير

شو الجو وياكم

عايبنكم ولا تبون الحر

عن نفسي مابا الحر

عندي موضوع قاهرني ورافعلي ضغطيه

اباكم شوي تتناقشون ويايه ف الموضوع

انا خلصت ثنويه عامه وعمري 17 سنه
ودخلت الكليه
بعد عسب اكمل دراستيه
تعرفون الدراسه مهمه هاي الايام

انا ا من دخلت الكليه انا وربيعاتي افترقنا نصهم ف عيمان نصهم ف دبي و نصهم العين والشارجه والي عرست والي حامل والي ...

ع العموم طبعا الكليه تكرفنا كراف وكلاسات وايده بريكات ساعه ولا ساعتين بالكثير

حتا ف البريك مانرتاح

ببدا ف الموضوع

ابا اعرف>>
ليش البنت اول ماتحدر الكليه تتغير ؟
ليش تبدا ترمس شباب؟
تبدا تواعد ؟
لسانها يتلفظ الفاظ سوقيه ( وصخه ) السموحه ع الرمسه

وقت البريك

اجوف البنات يدخلون الجات لييييييييييييش انزين شو قاصرنكم
هذا الي قاهرني لييييييش يدخلون الجات ابا اعرف ليش مايسدكمالمسن بعد جات ليش الي ف الجات ربعكم

شو رايكم ف البنات الي يدخلن الجات ؟ خبروني ابا رد

والله اني انقهر منهن
عنبو ماعرف كيف شرا المسن بس وايد بوكسات ماعرف كم واحد اترمس ؟؟؟

ولا يوم من الايام وحده كانت ورايه يالسه
انا كنت ا اتريق بندت عن واحد رمست الثاني اونه حبيبي يلا كلاسي بيبدا

ودقت حق 3 طولت وياه يلا غناتي السير يا باي باي
والرابع اميه ع الخط
قسم بالله فوق 7

حشا هذا فندق هب قلب
شو قاصرنهم ماعرف ؟
ولا يوم نخلص منوقت دقتله يلا مر عليه الكليه ابا اظهر وياك هليه محد ف البيت بنتغدا وردني البيت ولا الكليه شو رايكم هب قهر؟

شو ذنب اهلكم الي ربوكن وتعبو عليكم

والله في بنات يلست وياهم نصحتهم وفي بنات رمستهم قالووو شو يخصج
واليوم الثاني ماتقصرين ف ميزان حسناتج عقب السب عاد ماتقصرين تموو يفاتنون عليه
والله ابا مصلحتهم

اتمنى انكم تردون عليه
__DEFINE_LIKE_SHARE__

~~اڷإمـآرآتيـﮧ~~ · 02-12-2009, 12:09 AM

غناااتيه وايدين من البنات يوم يدخلن الجامعه ولا كليه يختربن
انا عن نفسي ما تغيرت من يوم دخلت الجامعه

بصرااحه اكثر البنات اللي اتغيرن اللي ما يظهرون وايد من البيت هاللي لاحظته
أهم شي للبنت تكون واثقه من عمرها
مهما ترابعت ما أتأثر بالعكس انصحهم

ما اقول اني انا مطوعه ولا شي خخخخخخخ
بس يوم اشوف شي غلط ما اسكت

ارمسهم حتى لو ما اعرفهم

حتى فالمول اشوف شي غلط ما اسكت لازم انصح

عمري ما انقفطت ولا شي
لان النصيحه طلعت من خااطري

انا من النوع احب اتكشخ بس ما ازيد عن حدي
يعني مالبس عباه مفتوحه وجينز واسوي شعري شرات الاسد

لالا كل شي له حدود

اهم شي تربيه البنت لها ساس قوي ما بتتأثر وين ما كانت ^^

دمتم سالمين __DEFINE_LIKE_SHARE__

حكومة الغلا · 02-12-2009, 08:05 AM

ثانكس بنت العم ع الموضوع

اول شي صدقج انا عرف انج تنصحين وجذه بس الي يبغي سمعته تكون نظيفه ومن ذهب يستر ع عمره
وصح في بنات يرابعون البنات عسب يظهرون فــ البريك وانا شفت بعيني لا الا تطلعين وياي ربيعه حلييو يمكن ينعجب فيج

وبعدين في بنات ايام المدراس ماكان عندهم لابتوب فـ يوم خذوو الابتوب استوا اشيا واشياا

لانه سمعت البنت مهمه
الصراحه انا استحي ماروم احس مايخصني فيهم
وانتي وكحلاويه ماقصرتوو نصحتو في ميزان حسناتكم

اونه يبون يعرسون ويتمنون العرس وين بتعرسون وانتو جذه

والله يستر عليهم دنيا واخر

__DEFINE_LIKE_SHARE__

**تومي** · 02-12-2009, 03:05 PM

السلام عليكم اختي

ماادري من وين ابتدي انا امي قبل لا احدر الجامعه قالتلي

لاتنجرفين مع البنات وجي تقول كل اللي يدشون الجامعه يختربون بس انا الحمدالله مااختربت

مب عشان امدح روحي بس لاني انا داشه الجامعه عشان ادرس واخلص مب عشان

اسوي شي ثاني وبعدين في الجامعه البنات يختربن لان في بنات من جميع الأشكال والأجناس

اما في المدرسه مرراات يكونون بنات فريج واحد ومرات اهل يعني صفاتهم مثل بعض

وفي الجامعه البنت تحسب روحها كبيره وان اهلها مابيراقبونها في الجامعه ومساكين اهلها

مطرشينها للدراسه وهي تروح مني ومناااك انا اقوول يمكن من ضغط الجامعه تسوي هالحركات

بس في شو بتفيدها الا ذنب واثم وسمعتها بتروح والله يهديهمـ __DEFINE_LIKE_SHARE__

مع تحيات الزعيم العيناوي · 02-12-2009, 04:08 PM

اول شي اختي اشكرج علي الموضوع الغاوي

انا بقولج وايد من الاسباب واوله الاهل الاهل مثلا ماينورون البنيه ولا شي بعدين يكونون بمدرسه لاشي طلعات ولا ييات ولا شي مثل الجامعه الجامعه مختلط ويا شباب وبنات واكثر البنات يستانسون لانه ولا مره بحياتهم جافه هذا الشي يبون ايجربون ويرمسون ويا هذا وهذا وماعرف شو امما عن البنات الي يحبون اكثر من واحد فهذا العيب فيهم وطبعا غلط يوم البنيه ادش الجات لانه ترمس من الشرق للغرب وهذا اكبر غلط الله يهديم

وعن ابريكات الي فلجامعه الله لايوريج نيلس انفكر في البروجكتات الي تهد الحيل

في التوفيج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حركات بنات المنتديات مب كلهم طبعا وطبعا انا من ظمن الي مب كلهم	لا للحب	نكت , سوالف للشباب والبنات	14	04-01-2010 04:59 PM
اخاف بس هذا قدري	محروم.كوم	منتدى أخبار المواقع والمنتديات العربية والأجنبية	0	11-26-2009 10:40 AM
كيف نحمي حقوقنا؟ اخاف من نشر الابتكارات	محروم.كوم	منتدى أخبار المواقع والمنتديات العربية والأجنبية	0	09-11-2009 08:00 AM
والله والله والله أتمنى أن يحصل كل سعودي على أعلى الوظائف	محروم.كوم	منتدى أخبار المواقع والمنتديات العربية والأجنبية	0	04-22-2009 09:30 AM
اللي ينقلوون المواضيع والله موضوع مهم جداا مهم والله مهمم بسررعه ادخلوو...والله مهم	سَوّافْ	الإستراحه العامة	88	07-15-2008 05:36 PM