][اللي لقى احبابه .. نسى اصحابه يا دنيا غرابــة .. كان العشق يبقـى لي و يموت فيني لحالـــــــــــي ]

][نبض المشاعر][ · #1 02-08-2009, 09:10 PM

[size=1]بسم الله الرحمن الرحيم

هلا بقولكم شي هذي اول قصة اكتبها صراحة ان شاء تعيبكم

عنوان قصة

اللــي لـقـــى أحــبابـــه .. نســى أصحــابـــه
يـا دنيـــــا يـا غــرابـــــه ..
كــان العـشــــم يبـقـــى لــــي ..
ويـمــــوت فـينـــي لحـالــــي ..

عائلة بو حمد :

بو حمد انسان طيب وايد وبس مب وايد ويا عياله يحاول يتقرب منهم و عياله ما يحبونه وما يكلمونه عشان متزوج على امهم هندية و هندية مسفره بلادها و عندها ولد اسمه سعيد يعيش عند ام حمد

ام حمد : طيبة ويا عياله وتحب سعيد و تعتبره ولدها ما ترضى عليه

حمد : عمره 23 سنة حلو عيونه وساااااع وخشمه سيف و شعره طويل حنطاوي وابتسامة ذبح و غرشوب

ريم و مريم : توم بقولكم عن ريم ريم غرشوبة راعية سوالف حلوه عيونها وساع تذبح و شعرها طويل صابغتنها بني وطالعه حلوه مريم ما تشبة ريم وايد غير عنها عيونها تذبح خبال و خشمها طويل وشعرها قصير بس طبعها خايس ما تحب سعيد وكله ضرابة وياه

سعيد : عمره 18 سنة كبر مريم و ريم حلو ابيض عيونه كبار و خشمه طويل و شعره طويل يشبة شوي حمد وياخذ من مريم شوي

عائلة بو راشد :

بو راشد طيب ويحب سعيد وايد يعتبره ولده مايقصر ويا عياله خصوصا بنتهم رفووع

ام راشد : هذي اذا رمست عنها مآبا اخلص منها شو اقولكم عنها طيبة بس سوسة و حشرة و رئيسة الحريم كل مكان تحوط الحريم ومالها شغل بعيالة بس تحب عيالها

راشد : عمره 24 سنه عيونه ذبح حلو خبال وبنات يترابع يوم يشوفنه بس هوه ماتعيب سوالف اونه ريال و عصبي شوي

علي : عمره 20 سنه غرشوب خبال بس كشه يوم يقوم الله يعنكم جان ما غمى عليكم مغازلج عود يرمس 9 بنات
كل وحدة تصدق

رفيعة : كبر ريم ومريم حلوه و غرشوبة عيونها وساع خشمها طويل بيضة وتشبة وايد رشود

احمد : عمره 17 سنة حلو خشمه طويل وحنطاوي عيونه وساااااااااع (( ايدي عورتني ))

عائلة بو خالد

بو خالد : طيب شو بعد اقول وايد مدلع عياله عشان جيه عياله صايعين

ام خالد : طيبة وايد ما تحب ام راشد لانها وايد تحوطهم

خالد : عمره 23 سنة مسافر روسيا عشان يتعلم

سلوم : عمره 20 سنة مغازلج عود صايع كبير الله يعنكم يمكن غازلكم وانتو ما تدرون مهم ( عيونه صغار بس وساع و خشمه طويل يالس يربي شعر ترى ما عنده شعر يا حليلة )

نجود : عمرها 18 سنة طيبة و غرشوب عيونها كبار وخشمها سيف و شعرها طويل

عائلة بوخولة

بو خولة : ما عنده الاولاد الا بنت وحدة وايد يدلعها

ام خولة : عندها بنت وحدة عشان كانت ما تيب عيال بس سفروها و سوت عمليات و حملت يابت بنت حلوه صراحة وطيبة

خو لة : عمرها 18 سنة عيونها وساع و شعرها قصير تحت اذنها خشمها طويل

بـــــــــــــــــــــــــــــــــــارت (( 1))

يوم 14 / 2

حمد يصارخ : مريم مريــــــــــــــــــــــــــــــــــــم

مريم طاف

حمد : مريم ما تسمعين يا عبده (( يعني سوده خاله ))

مريم عصبت : جب لا تخلني اخبر عن ..................

حمد : اصلا انا برمسج نفس الموضوع هههههههههههههههههههههههاي

مريم تصارخ : خيــــــــــر شو تبى

حمد : ازين تعالي هب جدام الوالدة

ام حمد : شو ان شاء الله عادي ارمس جدامي

حمد : بعدين بعدين

ام حمد : يا صايع تقول حقي بعدين بعدين جيه بشكارتك و بعدين من وين هالصياعة الا من ربعك صايعين

حمد : بزقرلج واحد بعدين ok

ام حمد : انا براويك بعدين وين بتشرد عني

حمد : مريم قومي يلا

مريم يت عنده

حمد : طلبتج

مريم : شو تبيى قول يلا وراية اكل
ريم تشوف من بعيد مريم و حمد و رزت ويها عندهم

ريم : شو سالفة ليش متيمعي

حمد : يت صمغ اوووه

ريم : من قالها

حمد : يلا قومي هب فايجلج

ريم : كنت بقوم بس خلاص هب قايمة رمسني عدل بعدي بقوم

مريم : يلا قول يوعانه ما تريق وانت ياي تخرب علي غدايه

حمد : حشى هب بطن

مريم : برايك ما تبي تقول وروحت

حمد يود ايدها : اصبري ريم خوزي شوي كله تلصقي لاعت جبدي كرهتي حياتي بعطيج فلوس ان خزتي

ريم : كم

حمد : اللي تبينه

مريم : قول جدامها ما عليك منها شو بتسوي

حمد : انزين اسمعي لازم ارضى بامر واقع خلي رفيعة اتي بيتنا

ريم : ليــــــــــــــــــــــش

حمد : انزين خليني اكمل رمستيه حشى انتي كل جيه سرعة سرعة ترى محد يركض وراج

ريم : انزين مطلوب

حمد : اليوم شو

ريم : شووووه

حمد : شو

ريم : قول يلا

حمد : تراني اسالج و الله انج خدية

ريم : اصبر شوي بسير عند امي بسالها

مريم : جيه امتحان هوه وحكشوه امج

حمد:اسمعي خلاص لاعت جبدي من ريمووه الهندية

مريم: على طاري الهندية وين ولد هندية

ريم شافتها بنظرة :استحي على ويهج عيب عليج من لحمج ودمج

مريم:يخسي هذا من لحمي ودمي

حمد يبا يغير السالفة:اليوم يا سخيفات عيد الحب يا طمات

مريم:الحين ياي بني لين أهني عشان أتقول يوم الحب اليوم

حمد:لااااااااااااااااا اباج تزقرين رفووع عشان يايبنها هدية

ريم:فهمنا تقلده:عشان يايبلها هدية انزين شو هدية

حمد: ما يخصج عنبو كل شي تبي تعرفه

ريم : جــــــــــــــــــاب فضولية حق نفسي

مريم : انزين بزقرها بس انت تعرف انها ما تحبك ليش ذل عمرك

حمد : بتحبني

ريم : حلوه هاي و تقلده بتحبني ليش واثق هالكثر

حمد : لان لان قلبي يحبها و يحب مشيتها

ريم : نكت عطوه موز و تعال مستوي شاعر المليون بس ياليت مثل شعر و شو مشيتها

حمد : يا هرمة انا الحين سبال و يقلدها اعطوه موز مالت عليج

ريم : عليك

حمد : جــــــــــب

مريم : ok بدقلها تعال بسالك سوال ليش ما تقول حق ريم ليش انا بضبط

حمد : انتي تعرفين ريموه بطالبني بفلوس اخرد فلوسي عشانها يخسي

ريم : جب جب شايفني شحاته

حمد : انتي اصلا من زمان شحاته

ريم : ههههههههههاي حلوه عطوه ريال

حمد : توه موز الحين ريال

ريم : كنت قبل سبال و الحين شحات

حمد : انا غلطان اعطيج ويه يلا مناك باي

مريم : على وين

حمد : شلج بعدين سكت بعدين قال عشان هالعيون بقولج عند ربع

مريم تغمض عينها : لا تنسى طرش واحد حق امي

ريم : شوووه ماعليه بخبر عليكم ترمسون عن امي 5 دقايق

وروحت ريم حجرتها ومريم سارت دق حق رفوووع .. __DEFINE_LIKE_SHARE__

][نبض المشاعر][ · 02-08-2009, 09:13 PM

بـــــــــــــــــــــــــــــــــــارت ((2 ))

علي : الوووووووووه

مريم : منوه

علي يغير صوته اونه عيوز : تقصدين انا ولاا اللي يمي

مريم : لا هاي

علي : ااااااه

مريم : منوه

علي : شوووووه

مريم : منوه لا تستهبلون

علي : شوووووووه

مريم تصارخ : الله يلعنك منوه

علي عدل صوته : الله يخسج علموج سب اكيد هاي سوسه ريموه حد غيره ايب رمسه غيره

مريم تعدل صوتها : سوري علي ما كان قصدي عالبالي راشد

علي : راشد ولا ابوي

مريم : اقول

علي : قولي كم سوده عندي ااه قصدي كم مريومة عندي

مريم : سمعت كلمة بس طوفتها

علي : انتي عربية ولا اثيوبية

مريم : تستهبل

علي : لا ا اتمصخر

مريم : روح راسي بينفجر عطني رفيعة

علي : سلامة راسج ورم سرطان و لاا حميد

مريم : بسم الله عليه تدعي عليه يا كلب

علي : كملي يا خويتي

مريم : هب قايلة شي شو بتسوي

علي : برقص

مريم : اسمع عطني رفيعة

علي : ok 5 دقايق

مريم : think you

علي : نعرف انج شاطرة ف الانجليزي

مريم : عطني انا غلطانة اعطيك ويه

علي : لحظة (( علي يزقر رفوووع ))

رفيعة تمط سماعة من علي : الوه هاه تفيجتي دقين الحين

علي : يلا اضاربي يلا يالله فديتج فديت يوم تضاربين عطيها بكوس بطنها وبكوس في ريلها

رفوع : اسكت شوي هاه مريم

مريم : تعالي بيتنا

رفوووووع : ok

مريم : هااتي وياج خوالي فمان الله

رفووووووع : الله يحفظج

علي : جيه عيوز الله يحفظج

رفووع : جب باي مريم

مريم : باااااي (( على فكرة مريم تحب علي وعلي يحب يوم يشوف مريم معصبة يعشق يوم يغايضها ))

رفوع : وبعدين وياك

علي : بعدين ولاا بعيد

رفوع : جب

علي : شو سالفة شو كانت تقول حقج

رفووع : عيب ما نتحشى عن اسرار بنات انت ولد عيب و بعدين شو يخصك

علي بصوت واطي : بدت محاضرة دش كلية اتب محاضرة و درسني فيها

رفووووع : سمعتك يا قليل ادب بتوديني بيت مريم وريم

علي : لا تتطرين ريم هذي ام لسان طويل محد يتحداه باخذ كورس عندها انشاء الله بتعلمني

رفوووووع : بتودني ولا

علي : انزين 5 عصر

رفوووع : خيبه اترياه اللي ما اتي ساعة 5

علي تبي حياج الله ما تبين دقي راسج بطوفه

رفووع : يديمه

رفيعة سارت حجرتها تتسبح وتلبست بقولكم لبسه جينز ازرق اسكيني و قميص وردي فوشي مكتوب عليه love
وحطت عدسات ازرق فاتح جحلت على خفيف و حطت قلوس وردي

رفوع يالسة تسحي شعرها

يدش علي حجرتها بدفاشه جنه حجرة حجرة ابوه : يلا ظهرنا

رفووع : ليش دش جيه تتستهبل يمكن اتلبس دق باب ع اقل دومك دفش

علي : انا اصلا رقيق

رفووووع : انزين دق حق خولة ولها من نخطف عليج

علي : انزين انرياج فالسيارة

رفوع : طلعت وركبت سياره شلوه خولة عاد خولة ف السيارة سوالف

خولة : طول طول

علي يغني : دقني دقني داق داق داق دقني

خولة : قلنا طول مالبا نسمع صوتك

علي : اصلا صوني حلو

خولة : حطله شكر زيادة

علي : لا ع بالي ملح

رفوووع بصوت واطي : بدت سخافات

نزلن من سيارة رفيعة و خولة رفيعة تفتح باب بنفس لحظة فتح حمد باب يعني نفس وقت فتحوا الباب

تلاقت عين رفوع بالعين حمد

حمد : سموحة

خولة : شو سموحة جية فلم نحنا يلا خوز حشى خلنا نطوف اونه سموحة مادري وين نحنا

حمد : شعليج كلما اشوفج احسني مريض

رفيعة : هههههههههههههههههههه

حمد فخاطرة : فديت ضحكة ياربي احبها

خولة : يلا خوز لبى نطوف وانتي بعد خوزي

حمد : شو رايج مابا خوز

خولة : يلا خوز واول انتي خوزي عشان اطوف شوي

حمد : جيه بطوفين على كعبة

خولة : استغفر الله لا تطري كعب المكرمة و دشت و تغشت روحت دش الحوي

خولة : رفوع ما بتين

رفوع تقفطت : بيي

و روحت رفيعة وياها و دشت خولة حجرة مريم بكل دفاشة

مريم فاليده لاب مستندة على شربيه ريم ونجود يترقصن رقص هبل

نجود : حدي اعصابج لا تكسرين الباب لا تحطي حرج بالباب

خولة : جـــــــــــــــــــــــب

ستوب شو تتوقعون بيستوي اذا فيه رود وتفاعل بكمل القصة __DEFINE_LIKE_SHARE__

رواضي · 02-09-2009, 01:36 AM

مشكوره غلايه ع القصه الحلوه

يلا اترياا التكمله

__DEFINE_LIKE_SHARE__

MS theeba · 02-09-2009, 02:39 PM

حلوه القصة يالله نترياا منج الباجي __DEFINE_LIKE_SHARE__

MS theeba · 02-09-2009, 02:40 PM

لا تطولين وااايد
اذ طولتي بييج بنعال ع راسج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
راشد الماجد اللي لقا احبابه	ولد _ زايد _ الخير	اغاني مسرعه	32	08-24-2012 02:38 PM
اللي لقى احبابه (( شومبيه )) بصيغة wav	جوكر مرخوووص	شعبية الكرتون 4	5	06-06-2010 12:10 PM
من شاف اصحابه نسا احبابه	ĝŘềξБ ễĺ đǻŗ	استراحة قصص وابداعات الاعضاء	117	04-10-2010 09:14 PM
الي لقا احبابه نسا اصحابه!!	Pink-Heart	تصاميم الاعضاء	49	02-28-2009 02:36 AM
● ألي لقى احبابه نسى اصحابه يادنيا ياغرابه ● ٍmms	ήoOήY	هواتف , مسجات , وسائط , برامج , ثيمات , نغمات , بلوتوث	18	01-15-2009 12:02 AM