|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمه وبركاته حى الله الجميع ومن المقبولين الفائزين وكل عام والجميع بصحه وسلامه ونبارك للاخ محمد باالاشراف جعل الاشراف عون وسداد لك سالفه قديمه من ايام الجيب المصندق الطويل ابو4ابواب يجى خطين ازرق وابيض اتوقع م78والله العالم كم كانت ايام جميله وحلوه كنا طلاب باولى متوسط واحنا حوالى 4الى 5 شباب وانا كنت اكبرهم بحاجه بسيطه شهور المهم كنا نتفق مع بعض يوم الثلاثاء باالحاره ونجهز الخيمه والعده والعزبه باالسياره من يوم الثلاثاء باالليل نروح الاربعاء للمدرسه والسياره تحترينا عند المدرسه اول مانطلع من المدرسه ندق سلف للبروالطريق مايستغرق 40دقيقه تخيلو يااخوان كم كانت الحياه بسيطه وجميله وكنا اسعد الناس حب فى الله من البساطه يااخوان تخيلو القطه كيف نجيبه اول شى واهم شى حق البنزين كل واحد يجيب 5ريال وهى اصعب حاجه حنا اصغار والفلوس نجمعه حقت الفسحه العجيب الاكل يااخوان نقسمه بيننا وكل واحد يجيب من بيته الى ياخذ من وراء اهله :j والى ياخذ برضى اهله والى ياخذ مع اتفاق مع امه مثلى الله يحرم وجه والدينا عن النار والمسلمين الى يبى يجيب اللحم او الدجاج ياويله من سواد ذيله لانه اصعب شى باالرحله لانهن مكلافات مره ذيك الوقت بس القرعه هى الحل للجميع وادعى الله ذيك الوقت انه ماتطلع على:no2: نرجع للموضوع وصلنا المكان الى يبعد عن الرياض حوالى 40كيلوعلى طريق الخرج بعد اول تفتيش خذ يمين وطول الين تجى الطعوس ويسمى المكان (الزوليات) المهم نصبنا الخيمه عيال نعمه خيمه وجيب مصندق والقطه 5 ريال بس تراء 5 ريال هذاك الوقت عن 50ريال بدينا نسوى الغداء والى يسوى شاهى طبعن ماحنا راعين قهوه ولانعترف بشى اسمه قهوه يوم تغدينا وشبعنا ربى لك الحمد بدينا باالسواليف والظحك يوم جاء العصر والله لايوريكم يوم نشوف قطيع الحمير اعزكم الله اكبار واصغار قلنا هذا فرصه انظيع وقتنا عليهن ونركب الجيب اللكزسالملون وخذ اطردى ومن مكان الى مكان الين دخلنا على القريه الا تسمى العماجيه ان كان مانب غلطان المهم وحنا اطردى ووراهن ولا حسينا بشى الا والرشاشات والاوادم كثر النمل ماشاءالله ماندرى منين اطلعوا منه وخذ طلق نار ماندرى علينا والا باالهواء ونقوم نتنافظ ونهرب:burnout2: واقوم والتفت على وراء والا وش اشوف اثرنا داخلين ارض زراعيه وتوه مزروعه واحنا حرثناه وخربناه وجبنا العيد المهم راعى الجيب يمشى الطبلون كله من الخوف واحنا خايفين اكثر منه وصلنا الخيمه وظفينا الخيمه ومن غير تسفيط وجدع باالجيب وراء وشوى من العفش ولا امدانا على الباقى الله يخلف علينا هههههه ولا ناقف الا باالرياض بحى الغرابى وعقب هاالسالفه قعدنا سنين ماكشتنا ولا تعدينا الحاره لقينا حوش باالحاره وبدينا نكشت فيه على رجلينا وافتكينا من القطه 5ريال عاد كبرنا شوى وزانت الامور ولله الحمد وبدينا نكشت صح فايف ستار:good2: والواحد اذا ماتعلم من اخطاه هذي مصيبه الله يتوب علينا واحنا كنا صغار وجهله اتمنا انى كنت ضيف خفيف على خيمتكم __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصه حب ....... واخرتها فضيحه !! | محروم.كوم | منتدى أخبار المواقع والمنتديات العربية والأجنبية | 1 | 08-06-2010 07:07 PM |
رقم رباعي اوله متسلسل و اخره دبل | محروم.كوم | منتدى أخبار المواقع والمنتديات العربية والأجنبية | 0 | 06-04-2010 07:50 PM |
حــپيٺ انأإ ۈ قڷــپي انجرح ...!* | мqℓσσ3т zα5нεя | نغمــات للهــواتف | 15 | 11-13-2009 11:36 PM |
تكفون ابغآآهى ضروري <<من اوله هع | وآوي | طلبات الاعضاء | 9 | 01-18-2009 11:45 PM |