طلعه على الطاير

محروم.كوم · #1 08-16-2011, 09:10 AM

بسم الله الرحمن الرحيم

يوم من الايام ضاقت بي الدنياء لاسباب معينه باقي شوي واموت من الضيقه والقهر

المهم دقيت على واحد من الاخوياء وقلت له بليز الساكتون لو سمحت ابيه يوم وبرجعه لك

ورفض للئسف وضاق صدري زياده دقيت على خوي لي ثاني عنده ساكتون فايروخ 80 وقلت له ليز الساكتون قال ابشر بعزك

وعطانيه وقال بخاويك رحنا نصيد شوي والحمد لله طار الهم

وهاذي بعض الصور اغتيال الحمام

يام الحمد لله ابنسط ولله الحمد وطار الهم والغم وصرت سعيد

المهم بعدها عزمت اشتري ساكتون اطير به همومي واستانس به شوي

ثمن لقيت اني غير قادر ماديا لاسباب معينه

وضاق صدري زياده وقلت الحق على عمرك وسو شي يوسع الصدر

وادق على الي عطاني الساكتون وقلت له نبي نطلع نطبخ الحمام ولا نشوي ولا شي لاني جهزتها في البيت ونضفتها قال العذر السموحه مشغول قلت المشغول لا يشغل دقيت على واحد ثاني الي رفض يعطيني الساكتون وقال العذر والسموحه بمسك خط الرجال قلت الله يستر عليك دقيت على وحد نفسيه اكره بس مضطر الشكوا على الله وما رد علي اصلن

وضاقت بي الدنياء مدري وش فيني ذي اليومين على طول انحشر

قلت يارجال ملك الا اخوانك الصغار

خذتهم ورحنا البر

والحمد لله كانت طلعه من تازه جدا جدا ^_^

والحمد لله طلعه خفيفه وحلوه وسعه صدر

فكرت اشتري ساكتون بعدها بس للئسف حالتي الماديه ما تسمح

لقيت انواع على 500 و 600 فكرت اشتري وقالو لي لا لا لا لا لا لا تشتري انتبه شهر شهرين بعدين يطلع تفله عزوج

وبعدها بكم يوم خرب الموتر وخذا الفلوس غصب لا ساكتون ولا حتى مجسم ساكتون

الله يارب يرزقني ساكتون حلو ويرزقك جميع الاعضاء بما يشتهون

معليش طولت عليكم بس عشان تحسون بمعناتي

يالله بروح اكمل ختمتي دعواتكم لي بالتوفيق __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
على الطاير	محروم.كوم	منتدى أخبار المواقع والمنتديات العربية والأجنبية	0	10-01-2010 07:00 PM
على الطاير	محروم.كوم	منتدى أخبار المواقع والمنتديات العربية والأجنبية	0	08-26-2010 11:20 AM
طلعه بس كله حفر	محروم.كوم	منتدى أخبار المواقع والمنتديات العربية والأجنبية	0	02-14-2010 01:00 AM
سؤل على الطاير	محروم.كوم	منتدى أخبار المواقع والمنتديات العربية والأجنبية	0	09-09-2009 07:50 AM
نكت على الطاير	طالب هندسة	نكت , سوالف للشباب والبنات	21	02-18-2009 01:01 PM