المشكله حبيته .. دخيلكم ردو علي

بنت عز والكل يفز · #1 04-04-2011, 03:13 PM

آلسلام عليكم
شحالكم ؟
أنا حبيت أنزل هالموضوع ..
عسب أني تعبت حالتي نفسيه تعبانه حيل
أنا أحب أخو ربيعتي هو يحبني حب جمـآ تعرفون يضرب خط من دبي لين بيتنا يمر صوبه بسس ما يشوفني بس ييبا يشوف بيتنا مره ابوي تلاقه وياه فالقرية وشافه و مدحه
انا الحين خايفه أهله هب فاهمني حسبالهم أنـآ يوم بنتزوج بطلب بيت و ماادري شو بسس مشكلتي مب من هالنوع .. والله تعبت أنا ما ارقد ليل افكر و بدى مستوي ينزل فالكوولج .. أنا أباه يتقرب عطووني حل شـو نســوي هو يبا يتقدم لي بسس مب عاـآرفه كيف يقول حق أهله .. أبي حد يسااعدني والله العظيم أحبه أحبه أحبه أحبه أحبه ما افكر حتى اخونه ما امل منه أعشققق أرضه أنا كم مره صليت صلاة استخارة حمدلله مرتاحه له وآيد دخيلكم

عطووووووووووووووووووووووووني حل
{ هل الحب حرآم .. }؟ __DEFINE_LIKE_SHARE__

أفضل شاعر · 04-04-2011, 03:25 PM

السلام عليكم

موضوع حساس شوي ويحتاج لتفكير عميق وعدم استعجال في اتخاذ اي قرار

بالنسبه لي اشوف انج لازم ماتندفعين هالكثر في حب شخص خصوصاً ان هالشخص اساساً للحين ماقدر يندمج معاج في نفس الحب واذا على الكلام والشوف من بعيد اتصور ان هذي امور ماتأكل عيش ويمكن اي شخص يسويها ودام ان الريال يضرب خطوط عشانج مثل ماقلتي يومياً ليش مافكر يخطبج يوم انج واثقه من اعجابه وحبه ؟ خصوصاً ان ابوج يمدحه مثل ماقلتي يعني الامور طيبه وبأمكان هالريال ان يتقدم لج واكيد راح يلقى موافقه

انا بالنسبه لي مادري شو مشكلتج بالظبط .. اكيد هو يبا يتزوج او بيخطب او اي شي ثاني هالشي راجع له وانا ماقدر احله لكن بالنسبه لج انتي انا انصحج ان لازم ماتفكرين وايد وتعيشين حياتج طبيعيه لان انتظار الشي والتعلق فيه قبل مايوصل لنا شي صعب ولو ماوصل لنا يصير شي اصعب ودام للحين بأمكانج ان تسيطرين على نفسج .. انتي صلاة استخاره صليتي وحسيتي براحه .. ابوج مدح الريال .. والريال زين مثل ماقلتي .. يعني انا ماشوف اي نقطه سلبيه في الموضوع عشان حالتج تكون مدهوره وامورج مش طيبه

عيشي حياه طبيعيه ومصيره الريال يعرف ويتقدم لج لكن لاترمين نفسج بهالطريقه ترى الثقل للبنت زين ولو استمريتي في هالاشياء اتصور انج بتكونين جداً ضعيفه خصوصاً احين واكثر بعد الزواج وعلى فكره دام هو حاس في حبج ويعرف معدنج الحقيقي اكيد راح يعرف كيف يوصل الصوره الحقيقه والصحيحه لج قدام أهله وبيعرف شلون يقنعهم عن خصالج وانج ماتفكرين في امور ماديه او دنيويه وخلاص

بالوفيق لج وشدي حيلج بالدراسه لانها من الاشيا الي بتكمل مستقبلج وراح تخليج اقوى وافضل في نظر الباقين ^_*

تحياتي __DEFINE_LIKE_SHARE__

شُـمْوכֿـ آڷـــۈد · 04-04-2011, 04:56 PM

السلآم عليكم ورحمة الله وبركاته

امممممممم

شوفي ياخيتي اذا أنتي تحبيه وهو يحبج وين الاختلاف انه يخبر اهله وبيتقدم

وعادي يحاوووول من هنا ومن هناك صدقيني لو هو حط شي بباله بيصير

عاد يقولهم أنا بتقدم واذا شرووطهم ما ناسبتنا البنت ببيت اهلها وانا عندكم...!!

بعدين حاولي تعدلين ف نفسج ونفسيتج ولا تبيني ع عمرج شي

وعاد الا الدارسة حاولي هالمشكله ماتدش بالدراسة ابداً ابداً

لـأن اللي راح مابيرد شو فايدة تخسرين سنه او سنتين

معدلج يكون نازل ..

هني أنتي فكري بينج وبين نفسسج

شو بتستفيدي من من هالشيء انتي ريحي اعصابج وعقبها بيكون خير ..

صدقيني أي شي فيه خير ربي بيسره لج
__DEFINE_LIKE_SHARE__

Aljohara · 04-06-2011, 12:02 AM

وعليكم السلآم ورحمة الله ،
ببدآ من سسؤالك الأخير ،

{ هل الحب حرآم .. }؟

طبعاً لا مو حرآم ، هو غريزه موجوده فيني وفيك وبكل البششر ،
لكن الحرآم إننا نوظفه بشي غلط ..
أنا وإنتي وفلآن وعلآن يجمعنا مجتمع خليجي تحكمه العادات والتقآليد ،
تربينا إن العلآقه خآرج إطار الزوآج بين البنت والولد عيب ..
ولو تطورت أكثر وأكثر ممكن توصصل للعآر ،
ومحد بيتضرر غير البنت بهالموضوع !
نصيحه لك ،
لآ يتقرب أكثر مثل مآتبين ..
خلاص عرف إنك تحبينه وعرفتي إنو يحبك ..
الدور عليه الحين لو يبيك صصدق يكلم أهله بالموضوع مآبيخسر شي ..
ولو شآفوآ إصصرآره عليك أكيد بيرضون ،
ولو ربي كآتب إنو بيكون من نصصيبك لو توقف الدنيآ بوجهكم بتكونون لبعض ،
إنتبهي لصصحتك ولدراستك وخليها هدفك الأسآسي ..
وخلي أي شي ثآنوي مع الأيآم بيجي ..
وربي يكتب لك الخير إن شاء الله ..
بالتوفيق ،

__DEFINE_LIKE_SHARE__

رًوَحًيَ بًدَوًيهَ · 04-07-2011, 10:04 PM

مسآآآء الخير أختي الكريمة وحيااج الله في إسترااحة الإستشارات النفسية وتطوير الذات ..
خذي رااحتج في الطرح والفضفضة وهذه كانت من إسترااتيجات فتح الإسترااحة ولكن هنااك مكان مخصص لعرض المشااكل النفسية لإني حابه تكون الإسترااحة مرتبة ومنسقة أنا ما أقدر أنقل المشكلة للمكان المخصص لكن أتمنى من أعضاء الإدارة ..

وعن المشكلة من وجهتي نظري بأن تلقي كل إهتماماتج في الدراسة وإشغال النفس بما ينفعها دنيا وآخره لإن العمر لا يمشي فقط بل يركض السنين تمر والأياام تكااد تطوى ولم يعد هنااك أي متسع للوقت بأن نضيعه في الأحلام والتفكير بالمجهول ..
أختي الكريمة أحترم مشااعرك الجيااشه ولكن جميعنا يؤمن يالقضاء والقدر ونعلم جيداً بأن كل واحد فينا راح يآآخذ بس نصيبه لا أكثر ولا أقل فنصيحتي لج بأن تنتظري نصيبج قد يكون هو إذا كتب عند رب العالمين وقد يكون غيره أنتظري أختي الكريمة ونصيبج سيدق البااب وفق الشرع والدين ووفق العادات والتقاليد التي تربينا عليها والتي من المستحيل أن يمحيها الدهر عاداتنا وتقاليدنا التي بدأ الجميع يتغافل عنها ويلقيها خلف ظهره..

أصبري ولا تستعجلي في نصيبج وأتمنى أن يكون صبرج وأنتظرج مع إنجااز لا تجلسي مكتوفة اليدين أعملي وأشغلي نفسج أختي الكريمة..
لا تضيعي مستقبلج وأهتمي بسلاحج الشهادة هذه الورقة التي راح تغنيج في يوم من الأياام عن النااس ..
أصبري وإن الله مع الصابرين..

عسى الله يفرج همج ويسعدج ويستر عليج دنيا وآخره..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مـــالي ذنب غير اني( حبيته ) شوي mms~	محروم.كوم	منتدى أخبار المواقع والمنتديات العربية والأجنبية	0	06-26-2009 02:10 PM
إهداء لكل من خانه حبيبه !	كيوت عيناوي	شعر و خواطر	12	05-15-2009 10:39 PM
دخيلكم دخيلكم يهل الغطاوي والعبي ابا توقيع	الـفلاسي	طلبات التواقيع , التواقيع الجاهزة	6	05-06-2009 02:45 PM
.::!::. ذاك كرهني و هذا حبيته .::!::.	داعمة قطوة	قصص و روايات	33	03-19-2009 05:00 PM
دخيلكم دخيلكم دخيـــــــــلكم..	العيناوية23	طلبات الاعضاء	1	05-17-2008 09:28 AM