ماهوب شقّه غير هاذي مشّقه ~

همس العشق · #1 02-27-2011, 02:40 PM

السلام عليكم و رحمة الله و بركاته

أسعد الله اوقاتكم بكل خير عرب محرروم

..شحالكم ؟! عساكم بخير و ماتشكون باس !~

*

على ذمة الراوي :

يقولون أن شايب حضر من البادية قاصد المدينة و نزل ضيف عند قريب له ؛ لأنه ما يعرف أحد يمكن أن ينزل عنده خلال تواجده فالمدينة ، و حتى قضيان حاجته .
المهم الريال وصل المدينة ، و بالسؤال عند هذا و هذا ، وصل للشخص إللي يود البقاء عنده . و تقابل مع أخيراً و أخذه إلى الشقة اللي يسكن فيها ، و دخل معه و ركب الأصنصير ، وفي لحظات كان في احد الأدوار العلوية من البناية دون ان يلاحظ الشايب ذلك ، و بعد أن استقر في احدى غرف الشقة و عرف المجلس و عرف الخدمات ، تم داخل الشقة و قام المضيف بواجبه اتجاهه .

المهم ان الريال يروح الصبح للدوام و يبقى الشايب فالشقة ، و مع مرور الوقت زهق و مل من القعدة إللي ماهو متعود عليها ، قال في نفسه : اروح اتمشى شوي و ارجع .
يوم طلع من الباب كان متصور انه يلاقي الشارع ، إلا أنه مالقى إلا أبواب ، و تم من باب إلى باب ، و بالاخير حصل الباب إللي مخصص للطوارئ ( السلالم ) ، و قام مسكين يمشي و هو نازل من دور إلى دور ، إلين وصل إلى الدور الأرضي ، بعد ما دار راسه من السير و النزول ، الحاصل تمشى شوي و قال ابا ارجع ، و بالصدفة حصل الريال عند الباب ، و طلع معه في الاصنصير ، و بدقايق كان داخل الشقة ، استغرب السرعة إللي وصل فيها
و قال : أنت ساحر ! .
قال الريال : كيف ؟!
قال الشايب : أنا نازل خذت حوالي ساعتين ، و انت وصلتني فوق في لحظة .
فهم الريال أن الشايب يستخدم الدرج و صار يضحك ، قال الشايب : شو يضحكك ! ، و خبره بالسالفة و أنه كان مايعرف يستخدم الأصنصير و ينزل بالدرج .
قال الشايب أريد الرخصة و الشغل إللي جاي عشانه ، خلّه يولي ! و راح يقول :

حمل(ن) على راسي ثقيـل و بعقّـه
ياصاحبي لا هنت وصّلنـي السـوق
ماهوب شقّه غيـر هـاذي مشّقـه
ماتم لي في الرجل من سيره عروق
تطلع و تنزل أنت في لمـح برقـه
وانا إذا حوّلت سوّيت لـي طـاروق
يالين صارت في حشا الروح حرقـه
و أنا على ما قيل من الوقت محروق
يازين سكن البر و يازيـن طرقـه
لا ضاع من مثلي ولا ضيّع النـوق
أعرف غربه ثم شمالـه و شرقـه
ماهوب بيت بالسما فيـه مخنـوق

أخذه الريال إلى محطة التاكسيات و ودّعه بغير رجعه
.!

*

المصدر : مجلة الظفرة .
__DEFINE_LIKE_SHARE__

همس العشق · 03-15-2011, 06:11 PM

عنبووه ولااااا رد؟؟ __DEFINE_LIKE_SHARE__

آ۶ـشڨ ڎآڪ }›،. · 03-15-2011, 08:33 PM

ههههه

ياحليلهم الشـوـآب ، اصلن مايدانون السفر . . .

يدي طول الله بعمره مايظهر من البيت وان ظهر تقولين شاف العجايب برا ..

تسلمين ع النقـل ..

ونترقب يديدج .. __DEFINE_LIKE_SHARE__

همس العشق · 03-16-2011, 09:40 PM

المشاركة الأصلية كتبت بواسطة آ۶ـشڨ ڎآڪ }›،.

ههههه

ياحليلهم الشـوـآب ، اصلن مايدانون السفر . . .

يدي طول الله بعمره مايظهر من البيت وان ظهر تقولين شاف العجايب برا ..

تسلمين ع النقـل ..

ونترقب يديدج ..

هههههههههههه

هيه حليلهم

ربي يطوول بعمررره

ربي يسلمج

تسلمين ع المرور حبوبه __DEFINE_LIKE_SHARE__

ღ الــــجـــــــــود ღ · 03-18-2011, 07:01 PM

السلام عليكم ورحمه الله وبركاته

مساء الخير ,
هههههههه مسكين الشايب , بس عجيب يوم قاله : انت ساحر .!
يعطيج العافيه خيتي ., لاخلا ولاعدم يارب .~ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شورك وهداية الله لاهنت	محروم.كوم	منتدى أخبار المواقع والمنتديات العربية والأجنبية	0	08-12-2010 05:40 AM
لاهنت ياراس الرجاجيل لاهنت ...حياكم...	الرهيب القطراوي	الشعر المنقول	6	06-10-2010 11:31 AM
سؤال لاهنت..؟؟	محروم.كوم	منتدى أخبار المواقع والمنتديات العربية والأجنبية	0	05-28-2010 07:50 AM
الأخ احمد تفضل لاهنت	محروم.كوم	منتدى أخبار المواقع والمنتديات العربية والأجنبية	0	09-14-2009 05:40 AM
لاهنت يالغلا أدخل	محروم.كوم	منتدى أخبار المواقع والمنتديات العربية والأجنبية	0	05-30-2009 07:40 PM