إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية


مدونات ويوميات الاعضاء Blog مدونات شخصيه , مدونات يومية ,سجل يومياتك معنا

إضافة رد
 
LinkBack أدوات الموضوع انواع عرض الموضوع
  #1  
قديم 01-13-2009, 01:54 PM
الصورة الرمزية أحب روحي وبس؟!!
عضو جديد
بيانات أحب روحي وبس؟!!
 رقم العضوية : 60407
 تاريخ التسجيل : Dec 2008
الجنس : female
علم الدوله :
 المشاركات : 19
عدد الـنقاط :100
 تقييم المستوى : 0

السلام عليكم

السيره الذاتيه


اسميــ:أحب روحي وبس؟!!

تاريخي من و عيت عالهدنيا:28-1

الأقامه:uaq و لي الفخر

أحلى اسماء بنات: ميره

أحلى أسماء الاولاد:
مايد

أكبر شي يحز في خاطري: الخيانه...
__DEFINE_LIKE_SHARE__
رد مع اقتباس
قديم 01-13-2009, 01:55 PM   رقم المشاركة : [ 2 ]
عضو جديد

الصورة الرمزية أحب روحي وبس؟!!

بيانات أحب روحي وبس؟!!
تـاريخ التسجيـل : Dec 2008
رقــم العضويـــة : 60407
الـــــدولـــــــــــة :
المشاركـــــــات : 19 [+]
عدد الـــنقــــــاط : 100
الجنس : female
علم الدوله :
الحالـــة : أحب روحي وبس؟!! غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

لينتي ما تعرفتك عليك


ليتني مت


و لا



شفتك تخووووووون
__DEFINE_LIKE_SHARE__

من مواضيعي
0 هبي برث دي روعه احساس..
0 ©{« »}©©¯`_._.-´¯`_._.-|!!تدري وش اللي يذبحك و انت حي!!|_._.-´¯`_._.-´¯©{« »}©
0 هود هود احب روحي وصلت..
0 هود هود احب روحي وصلت..

  رد مع اقتباس
قديم 01-13-2009, 01:56 PM   رقم المشاركة : [ 3 ]
عضو جديد

الصورة الرمزية أحب روحي وبس؟!!

بيانات أحب روحي وبس؟!!
تـاريخ التسجيـل : Dec 2008
رقــم العضويـــة : 60407
الـــــدولـــــــــــة :
المشاركـــــــات : 19 [+]
عدد الـــنقــــــاط : 100
الجنس : female
علم الدوله :
الحالـــة : أحب روحي وبس؟!! غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

تاريخ 23-7-2008


سفرنتا لسعوديه في حمله*****


الفجر نشينا الساعه4 على صوت امايه


تسحنا و لبسنا ثيابنا و العبي و حطينا الشنط اللي مزهبه من قبل 10 ايامك من السفر((أول مره تسافر في بص)) في الستيشن و الكلوزر


تمينا واقفين انتريا راعي البص لين يفتح الباب


فتح راعي البص الباب


ركبنا كان موقعنا أخر كرسي خمس كراسي لناو جدامنا 2 و واحد لختيه((كنا ويا ربعنا مسافرين))


سرنا الشارجه نشل عرب عند المسيد على الساعه 10 ظربنا الخط



ما شاء الله ما خلينا شي ما كلناه بس اللي غمظني الكاكاو ذاب


عند السلع تعبنا من خاطرعنبوه اللي يقول علوج ما يخلصو صلنا عند الحدود الساعه2 الظهر حرررررر من ختطر و خاصه نحن ياليسن ورى المكاين و حااره الكراسي


قلنا واحد راعي الحمله جيه عمره بين 19 و 23 انزلوا تغدوا نزلنا ما عيبنا الوضع ردينا البص بس امايه و امايه ربيعتي ما صدقنا البص محد فيه يانا فضول نبا نعرف شو يسوون الفروخ جدام سرنا جفنا مزبله من الحب


شفنا راعي الحمله ياي ربنا عند الكراسي و هوه يضحك قالنا انزلوا تغدوا قالنا مانبا قالنا عيل حق شوه نحن طالبين غدى و ضهرنا الشباب اللي كانوا يتغدون إلا عشانكم ((محاظره لوووووول))يا اخويه من تحت قلتله ايبلي رد بول هذا اللي يشبعني


طاف الوقت على السوالف فليل كل حد راقد العيايز طاااارين الدني بشخيرهم


سألت أخو ربيعتي متى بنوصل خلاص هلكت من الصبح ما كلت شي فوق هذا تعبانبن نبا نرقد ما نروم نرقد من المكاين اللي ورانا


وقفوا حق صلاه العشاء صلينى العشاء و المغرب و راعي الحمله *** وا قف عند باب المسيد مال احريم يعله ناطور أول ما شفته تغشيت عنه اونه سيري قولي للحريم يسيرون يتعشون مشاهد عنك خبرهن روحك


روحنا نحن سرنا نجوف الأكل اول ما دخلنا الحجره يله لوعه جبد الحجره أصغر عن الصندقه و مشخبطه عليها لين ما لاعت جبدها


يبولنا الأكل رابيييييييييه عن هذا الأكل كبار كبر صبعي و يااابس من خاطر و الصالونه بس لااااااعت جبدنا ظهرنا من الحجره يانا أخويه ونحن نلبس النعول قالنا سيروا سولكم سندويج جبن و جبس عمان يعرف الحبيب انا ما ناكل من هالأكل


سولهم السندوج وكلوه انا ما كلت مالي خاطر و ركبنا البص تحرك يلست تحت عند النزله حطين المخده و يلست أطالع المسرحيه بس خلاص بوعي امايه بطني ما اقدر استحمل وااااايد يعورني عطتني بندول و سرطه قلتلها بعده يعورني قالتلي محد قالج لا تاكين



و صلنا المدينه الصبح سكنى في ورده مبارك حطينا الشنط في الحجر بس اخيس شي نحن شقه و في الشقه بابين واحد حقنا و الثاني حق شباب الراك و ثاني شي بعيد عن ربعنا


اسبحنى و رقدوا خواتي و امايه و اخويه بيرقد في الحجره اللي مب اللي ويانا حذال ربعنا


تميت العب بالبيسبي و شوي حد يدق الباب قلت أخويه فجيت الباب محد و دقوا مره ثانيه بعد محد و جيييه كم مره زقت و عيت امايه قالتلي خلهم يولون كملت اللعبه دق الباب مره ثانيه كانوا ربعنا جيه يلست شوي وياهم روحوا بيرقدون


دق الباب مره ثانيه يوم فجيت شفت الشباب يدقون علينا مال الراااااااااك زقت يوم يا اخويه جيه قالهم ما يدقون و هم الهروم يدقون قبل صلاه الظهر بربع ساعه اسبحت انا و امايتي و خواتي رقدن أما اخويه رقد ن الشباب لهم شقه برواحهم لبس عباتي و سرنا و اللي في الحمله المسيد هم مب وااايد ويانا بس قلت لأمايه نسير وياهم نخاف نضيع


سرنا المسيد كان زحمه لوووووووووول جيه تمينا نحن حذال بعض ويوم بدى يقيم الصلاه و نشينى جان تينى فرنسيه وداره حذال""يعلها""قلنالها تروح و هيه عاده صلت اللله يعينى لوووووووول


صلينا و خلصنا و لقطلنالنا كمن كلمه إيرانيه""لازم يحوشون بقر""شووووووووو نسيتهن اوه تذكرت خالوووووو خدافس بس هذا اللي حفضته رديت الشقه ورقت و جيه كمن يوم


يوم يت راعيه الحمله قلنالها تبدل حجرنا بدلت حطتنى حذال ربعنا و أحلى شي بابين برع بس من داخل فيه باب يدخل على الشقه على طووووول


على صلاه العصر جيه صلينا و سرنا مركز طيبه و جيييه حليله اخو ربيعتي ضاع تلفونه في المركز


عقب كمن يوم حطينا الشنط و الصبح حطوهن ف يالباص و نحن لبسنى لباس الحرم ""مال العمليات""يعني ما شاء الله وايد رووووس اممممممم ثمان روووس ومن غير بنت اللي ويانى في الحمله ياربيه تذكرت اخوها حرييييمه من خاطر القصه اللي على العين و اللغتره على شج و يوم يمشي يتحيس""الله لا يبلينا بريال جذه"" جيه تصورنا و وعقب ودعنا فندقنا


جيه مشينا وصلنا الميقات و نويناو أول ما ضهرنا حسيت شي غلط فيه مب متعوده اسيرمكان بدووون نقاب احس كل حد يطالعني ""جان نحن من زمان متنقبن و احين كل حد يجوفنى""


ركبنا البص و بدوا الفروخ يكبرون ""لبيك اللهم لبيك لبيك لاشريك لك لبيك "" و صلنا مكه فليل حطينا السامان في الشقه شغلنا الكنديشن""المكيف"" و سرنا المسيد طفنا على مكه و سرنا نسعي طبعا كل واحد روحه حليلي توني نازله من الصفا بسير المروه جان ازحلق زين ما طحت على واحد من الحمله ""قفطه من خاطر"" جيه يوم كنت اسعي حصلت هذا اللي اقول عنه حريمه صدق انه حريمه حليله ما يروم يمشي يلس على الكرسي يدزونه ههههههههخ يوم خلصنا الله يغربل راعي الحمله*** يوم قصينا شعورنا تم مبحلق عيونه يعلهن الدحق


و جيه سعينا وخلصنا الساعه 2 سرنا الشقه يعلها من الشقه واصلين 9 شغلنا الكنديشن و بعده ضووووو رنبنا السامان ياربيييه تذكرت شي يععععععععع اول ما فتحنا الثلاجه ظهرلنا صرصور منالكبار جيه جتلناهو مسحنا الثلاجه و حطينا الحصير ليتنا ما حطينا سيم سيم حااااااار


جيه تعبدنا في مكه و ونحن نازلين الأبراج كانوا كاتبيلنا انا باجر في رحله لمسييد قباء قريناها و روحنا و صلينا المغرب و ظهرنا من باب الملك فهد و سرنا الابراج اول شي لازم نخطف""العمودي""هذا هو الموت جيه اشترينا حوالي 30 قطعه و اشترينى جيه سامان و احلى شي في الأبراج في مطوع يحوط في الابراج و إذا جاف وحده مضهره يقولها تتقي هيه اما بيت الله ""بس مصخره هالبنت كل اللي في الابراج جفها قفطه محترمه"" تلاقينا ويا اخويه اشكره رمس ويانا شوي و روح عنا خلنا روحنا اشكره جيه اشرينا و يوم اذن العشاء يا المطوع يبند اليتات يقولهم ص""صلاه يا عباد الله""


نحن يلسنا خاري صلينا و يا اخو ربعنا و استئجرنا بص نفس مال سوريا ""مصخره كنا"" و عقب سرنا الدكان اشترينا زط


اليوم الثاني سرنا مسجد قباء صلينا فيه و من الصوب الثاني توني نازله زين مامت جان تي سياره مسرعه زين اني اخر على ورى طاح قلبي في بطني صلينا ركعتين و عاده الحريم حصلن سوق يلسن يشترن و شوي ركبنا البص وين الطرارت يبن بيزات جان تقول راعيه الحمله سكو عنهم الباب عادي يحطولنا شي نفس السفؤه اللي قبلها""اكشن لوووووووول""


على اليومين اللي عقبهم سرنا مرا ثايه الابرج عقب صلاه العشاء اشتريلنا اللي ناقص في البيت و حصلنا مال حملتنا اصراحه في حياتي ما جفتهن في المسيد دوم في الأبراج


ما أقول غير الله يهدهن


و اليوم اللي عقب صلاه الجمعه روحنا و حليله الوالد كان عدنا ياي في طياره و رد في الطياره ما شاء الله على عيايزنا قبل ما نمشي رقدن شيه مشينا طبعا نوقف و استوت موااااااااافق وااااااااااايد بس موقف فحياتي ما بنساه يوم وقفنا لصلاه الفجر بعدها الشمس ما ظهرت نبا نسير الحمام ظروري^_^


و تمينا نتريا الحريم حمام واحد وما فيه ليت من برع بس من داخل و من اسمنت مسوينه جينه تلاقينا ويا اخويه قالنلنا حمام الريل محد فيه من الزحمه سرنا جفنا الشباب كلهم يطالعونا دخلنا الحمام ما شاء الله الليتات كلهن يشتغلن و نظيف يوم ظهرنا من الحما جفنا الشباب و الريايل كلهم يتريونى قفطه من خاطر اتغشينى من القفطه و ركبنا البص وصلنا عند جوازات الأمارات يالله زين جفنا سياير عدله مب هناك لوعه جبد



ختموا على الجوازات و مشينا وصلنا اللي ويا عند شيشه اللي فيها ماكدنلز و وصلنا ل****""فديتها اشتقتلها""و حصلنا الأستيشن البيضاء و السوداء تتريانى نزلنا اسامان عافان الله محد من الحريم يا سلم عليهن


وعقب روحت لبيتنا



^فديتهــ^
__DEFINE_LIKE_SHARE__

من مواضيعي
0 هبي برث دي روعه احساس..
0 ©{« »}©©¯`_._.-´¯`_._.-|!!تدري وش اللي يذبحك و انت حي!!|_._.-´¯`_._.-´¯©{« »}©
0 هود هود احب روحي وصلت..
0 هود هود احب روحي وصلت..

  رد مع اقتباس
قديم 01-13-2009, 01:57 PM   رقم المشاركة : [ 4 ]
عضو جديد

الصورة الرمزية أحب روحي وبس؟!!

بيانات أحب روحي وبس؟!!
تـاريخ التسجيـل : Dec 2008
رقــم العضويـــة : 60407
الـــــدولـــــــــــة :
المشاركـــــــات : 19 [+]
عدد الـــنقــــــاط : 100
الجنس : female
علم الدوله :
الحالـــة : أحب روحي وبس؟!! غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

عقب ردتنا بكمن يوم قوم خالي كانوا معزمين يسيرون صلاله و قالنا اخويه بتسيرون قلنا هييييه ملل مال خاطر""ما سدنا من كمن يوم مسافرين السعوديه""


هذا اخويه الثاني مب اللي ساير ويانا السعوديه هذا اكبر عنه


انزين قالنا اخويه يالله سيروا زهبوا الشنط""اللي بيسير أخويه الكبير و دخيل روحك و أحب البر و اهواه و أنا ,,أحب روحي وبس؟,,و حرمت أخويه هيه و عيالها الثلاثه و أخويه الصغيروني الله يستر منه السنه اللي طافت فالعينه بالحصاه زين ما يت على عيونه الله يعين على هالسنه""


جيه حطيناهن و رقدنا على اساس ان باجر عقب الغدى سايرين بيت خالي و عقب بنسير صلاله


على اليوم الثاني امتزرنا رقاد و عقب تغدينا و اسبخنا جان يقولنا اخويه يله على الأستندرا""فديت روحها و الله""حطينا السامان و ما نسينا الشبريه""نحط السامان و عقب الشراشف و فيه مكان ورى و حد من الفروخ يرقد فوقه و دجيه ركبنا على طول خلينا اخويه راشد ورى


زرنا الشارجه عند خالي الساعه 3 و نتحراهم مخلصين لا بعدهم اونه يابر""هالأسماء خرطي حطيتها عشان تعرفون""بعده في الصلاح يجيك على الموتر و تمينا انترياهم شوي وياليتنا ما ترينا الساعه 10 ظهرنا من بيتهم و خطفوا الشيشه تريناهم حتى اخويه حرج عنبوه السنه اللي طافت ظهرنا الساعه 4 و صلنا الحدود الساعه 6


جيه مشينا و عى الساعه 11 و صلنا الحدود و خلصنا الساعه 12 ""كنا كم سياره لحظه بعدهن الستيشن مالنا و الفتك و النسيان و الهوندى و اللكزس و السياره ما ادري شو اسمها هيه جيه نفس الصلب و الزائد لون ذهبي هههخ""


نحن اجدمناهم و رقدنا في السيح يوم نشينا الساعه 6 صلينا و شربنا الحليب و كان الجو برررررد من خاااااطر تونى بنركب السياره جفناهم توهم واصلين وين نحن رقدنا و ريحنا شوي وهم بعدهم زين ما تريناهم


و صلنا عند المطعم وتلاقينا وياهم سئلناهم ليش تأخروا قالوا السياره اختربت و صلحوها و تريقنا يوم سرنا نصب بترول قالوا ما شي مشينا على الشيشه الثانيه و بعد ما فيها كلهم ما عندهم بترول إلا سيارتنا و الفتك و هاي الصليب <<هخخخ


تمينا ندور بترول مني مناك سرنا عند الشرطه ما شي عنده و تمينا ندور عند كل حد حصلنا عند ها1ا اللي يبيع التواير حطيناه للهوندى


و حصلنا الشرطه تصب لحد حليليه الريال قال بيعطينا على طول اخويه شخطه وييييييل و سار ويا راعي اللكزس سار عنده وصبوا في السياره أما راعي النيسان قلصاه بالفتك""كان شكلنا مصخره""


حصلنا شيشه بعد 200 متر حفضناه من كثر ما يقولون لبعض حليله راعي سياره اللي نفس الصليب كانوا منزلين الدرايش و يوم وقلنا عند الشيشه و قف الموتر صبينا بترول في غرشه لين ما مشت وصلت و صبت بترول و بعد حطينا بترول احتياط


و صلنا قبل صلاله بشو اشترينا غدى و يوم وصلنا صلاله ختمنا كان الجو خباااااال مشينا شوي و حصلنا حمام و حذاله منامه يلسنا و تغدينى و يوم سرنا الحمام""خلني سكته احسن""


تمينا ندور لين فليل ماشي شقه و قالنا واحد الساعه ثمان في بيت و يوم اتصلناله قال روح البيت اسميه اخويه لعن خيره لين ما قال بس سرنا عند واحد ثاني و قالنا في بيت باجر الصبح بيظهرون العايلات عطيناه العربون عشان ما يبيعه لحد


سرنا عند جمعيه الأستقرار ((اللي يعرفها)) هناك حذاله سيح رقدنا عليه لين اليوم الثاني نحن سرنا بعيد عن الأهل فرشنا و رقدنا


على اليوم الثاني نشينا الساعه 6 صلينا و تريقنا و تمينا نتمشي لين الساعه سبع عقب سرنا ندور البيت و حصلناه كانوا اللي ساكنين قبل توهم ظاهرين تحوطنا لين ما ظهروا نزلنا السامان كنا في اتلطابق الثاني عقب نزلنا الميلس لان الكنديشن خربان


رتبنا السامان و تسبحنى عقب ثلاثه أيام وبخينا رقاد لين الساعه 5 اول وحد انا نشيت ما حصلت حد واحي إلا مرت خالي قالتلي تغدي قلتلها ما ابا عقب بتغدى وياهم ردت ارقد لين العشاء يوم نشيت ريتهم كلهم واعين محد راقد إللا انا قفطه ناشه و العين منتفخه


يلسنا وياهم عقب سوينا معكرونه و تعشينا و تمينا سهرانين لين اساعه 1 اظني


على اليوم الثاني نشينى الساعه 10 تسبحنا لين الساعه 12 ""ماشي إلا 7 حمامات و نحن أمممممممممممم 33 راس ما شاء الله قالولنا دامنا تأخرنا بنتغدى و بنظهر كنا هاك اليوم مسوين مجبوس سمك تخدينا و سوينا شو عيش و ما سدنا بس يالله نرضى بالواقع


جيه طلعنا سرنا سرنا عند قبر ايوب و استوت ضرابه من خاطر في واحد كان يصورنا و عاده نحن عقيناه النقاب ما نروم نشوف شي نبا نستمتع بالجو شووووو و أخويه قال عادي مب كل يوم بني نحن و عقب تمينا نتحوط لين المغرب عقب ردينا البيت


على اليوم الثاني ظهرنا صوب السيح تغدينا و مر اليوم عادي بس فليل لان نحن مب متعودين نيلس ويا عيال خالي فكنا دوم في الحجره يوم يظهرون من البيت نسير الصاله و نجوف التلفزيون يوم يردون و يجفونى روحهم يستحون و يروحن حجرهم


اليوم اللي عقبه سرن مكان عين شو أسم العين ما اعرف يلسنا و ظبخنا عاد الفروخ يطبخون جفتو عاد اخر زمن الحريم ما ينشن و الريايل و الله لو نحن نسنحي جان سرنا نسوي بس عاده يخرب أبو المستحى <<لا و مسوين صالونه لحم


جيه لن خلص الغداء جد نحن سرنا فوق الجبل عقب كمن طيحه و سولفنا و يا الخاله ((فديت روحها))أخت أمايه مب حرمه خالي<<لا تفهموني غلط<< تغدينا و سرنا عند العين يوم تونا واصلين عند العين توهم الفروخ رادين قالولنا ردو ما فيها شي ونحن رادين كانوا فروخ على اليبل مال عمان مطولين على الأغاني<<قوم دقني>>و يرقصون وااااايد شباب حتى من كثر ما انهم طولوا تم خالي اونه بيسوي نفسهم كانواا مصخره


يلسنا شوى و عقب سرنا نحن البنات و خالتيه ركبنا فوق صخره كبيره كلنا<<زين ما طحنى>> تصورنا و يوم نزلت تزحلقت شوي و كلو وحده يوم نزلت بنت خالوه كانت لابه بنطلون توها بتنزل جان تزحلق بقوووو من فوق لين تحت حتى ريولها اخضرت <<حليلها>>


عقب يتنا حرمت أخويه مب اللي سايره ويانا حرمت اخويه الثاني يلسنا وياها و عقب ردينا البيت عقب ما تعشينا من المطعم


على اليوم اللي عقبع سرنا تحوطنا عقب الغدى و سرنا المغسيل وجييييه كان في هناك استيج واحد من الياهل مواطن كان يغني عيشي بلادي


سرنا عند النافوره كانوا شباب مال الامارات يصورون يوم خفت النافوره سار عنداه و حط ايده و يوم يت النافوره وصورناه طلعت الصوره كيووووووووووووووت تمينا شوي عقب ركبنا الفروخ على الحصان و عقب تخطينا شوي و يلسنا في السيح قبل صلاه المغرب شلينا مونتنى و وسرنا الهرجان كمن سياره ردت البيت تبدل عاده نحن البنات اكشن سرنا اول شي الحمام نتعدل و عقب قصينا تذكره اممممممممممم 5 للبنات نحن بس كلهم جيه ليديات محد معرس<<لو معرس ليقصبها ريلها على هاي اللعبه


اللعبه فيها مكانين يعني تو لاين الأين الاول نحن محد كان فيها اللعبه واااايد ناااااس بس الاين حقنا نحن البنات و الثاني خلوه للفروخ عاده فروخ الامارات يوم ركبونى القلب يدق بقوووووووو انا كانت حذاله بنت خالي نحن ركبنا طبعا فصخنا النعول عن يطيحن يوم شافونى الناس كلهم اتيمعوا على اللعبه<<وافضيحتاه


اللعبه جييييه تدورج فوق و تحت و تطيرج بالقووووووو


بدت اللعبه اول شي كان خفيف قالت بنت خالي شو هاللعبه مال اليهال شوي ماحسينا بعمرنا اللي ونحن فوق و بدى الصريخ كاااان زياغ من خاطر و يوم وصلنا فوق ما حسينى بعمرنا اللي نحن معلقين فوق و جيه شوي انتبهت ان انا لابس تنورهع و قميص و السروال يزاقر من بعيد ابيض و منقط بأحمر تميت الحف و جيه و تم يدورنا حتى ما رمنى نتحجب يوم وقفت اللعبه قصينى تذاكر مره ثانيه و لعبنا شوي ويا اخويه كاااااان متزقرت على الاخر حتى انا مار عرفته انه هووووه الكندوره الكركميه و الغتراه الحرى و العقال رو النظاره كان شكله كيووووت من خاطر


تمينا شوي نتمشى و عقب جفنى لعبه حلوه ركبناها كانت مب زحمه


اللعبه تركبونها اثنينه و تدورج لين ما تنقع رقبج


ركبنها أول شي تمت تدورنا وااايد حتى يانا شد عضلي عند رقبتنا و جيه تم يصيح ويل تمينا تقول يوم يلف ويييييييييييييييييييل



ركبنا لعبه ثانيه و عقب ردينا نبا نلعب اللعبه اللي قبلها تلاقينا ويا اللي ردوى و ركبنا كلنا خذنا الدور لين ما إييبون التذاااكر ما شاء الله كنا وااايد اللي بيركب فوق عشرين راااس ودخلنا كلنا و دخلو كمن واحد ويانا كان صدق قفطه شباب الأمارات يطالعونى و طبعا ...... تمينى نصارخ و حاله شالين المهرجان و اللهرم راعي اللعبه يزيد و الشباب يضحكون علينا و خلصت اللعبه كلنا البنات انكسرن القباضات اللحاله لله بنت خالي حليلها زاعت لين نقعت جبده<<تشبه بليغ<<



يلسنى شوي نريح يانا اخويه قال يالله بنسير الخيم قلنالهم سيروا نحن عقب بنسيكم تم ولد خالي و مرته و بنته كانت ويانا <<هيه على قدنى


روح اخويه و دخيل روحك و مرته ساروا الخيم قالنا ولد خالي <<خلاص طاحت الحاجز اللي امبينى يعني عادي يرمسونى بس في المهرجان لانهم في البيت يعرفون إذا رمسونى ما بنرد عليهمد


قلنالهم نبا نلعب قال لا اخوج يتريا عقب شوي دهنى السير و ركبنا اللعيه أول ماركبنا الالعاب ما شي مكان خلاص فول مال الحريم الفروخ ساروا عند مال الريال كان حذالي من الطرف الثاني شباب مال الامارات عاده كانوا حاطين اغاني مال ام خماس رميكس ويا مال دقني و الفروخ عاده يصفوقون و الحاله لله


تمينى نصارخ مب على الزيغه بس جيييييه دلع و أخر شي تميانا نصارخ الوقايا احت ما ندري وين و أخر شي حصلناها على جتوفنى و جيه طلعنا حصلنا مال الامارات يضحكون علينا يعلهم من هرووووووووووووم


و عقب قالنا أخويه بس و جيه حتى نحن تعبنى طبعا عقب الصريخ اللي شال المهرحان يلسنى حذال مال البطاط و كان و لد خالتي ويانا و تمينى ناكل البطاط و هو حار من اليوع ولا من طعمه المررررررررررررره حلو((ظهر العرج)) تمينا ساعتين جنهن دقيقتين من التعب و عقب مر حذالنا خالد حريه هوه وولده عاده ولده فرق السماء عن الأرض


شو و خطف حذالنا وااااحد لا ثنين هي ثنين مت يوم شفتهم خلاص شوي وبذوووووووووووووووب ابااصارخ ابا اصيح ابا اضحك بصوت عالي اللي مره حذالي مال فرقه دبي الحربيه هذا المصور مزاجي ويا الحان و الثاني اللي حوايبه مقرونه حليله ريوله كانتا مكسوره


قلت لبنت خالي هذوه اسميه دعت لى عدويه لين ما شبعت تباني اقولها ووووينهوه خلاص الحبيب روح


جيه شوي و قال ولد خالي بنسير عند السيارات لين ما ايونشو وجيه يو عقب سرنا خذنا من المطعم مشاوي و سرنا البيت زطو الفروخ اما نن في سابع رقاد


على اليوم الثاني سار اخويه و خذ ذباح عربيات و وداهن المقصب و عقب نشينى و تلبسنى و سرنا مكان تقريبا ساعتين و عقب يلسنا الساعه 2 و نص وطبخنا الغدى (((أي غد فطوووور))) قبل ما نيلس دورنا بقعه شفنا همر تدخل في اللعبه علق عليه اخويه ((شوفي السياره بو جهاز))و كل حد يضحك عليه حرام يدخل و يضهر منه جييه عقب تغدينا و سرنا عند الدحقه بس روحنا هم تموا هناك نسينا مفتاح البنت عندهم يلسنا في الياسره نطالع فلم جاكي شان اليديد لين ما يو فرونى في البيت و سار اللي بيى ياخذ من السوق


تمينى نحن اللي على قدنا نلعب و اتزاعلنا و رضينى


على اليوم ثاني ردينا الأمارات كان خاطرنا نتم بس اخويه عليه دوووام ((من شهر ماخذ أيجازه سافر قطر و البحرين و الكويت و صلاله و تايلند و مصر و كان يبا يسير السعوديه بس ماشي وقت))تمينا اللي ختربه السياره عليه نحن روحنا ويانا راعي الفتك وصلنا الأمارات الساعه 12 فليل راونى اخويه العين مووول و تمينا نحوس على الساعه 3 الفجر وصلنا البيت نزلناالسامان و على طول سبوح ورقد من خاااااطر لين الساعه 5 العصر
__DEFINE_LIKE_SHARE__

من مواضيعي
0 هبي برث دي روعه احساس..
0 ©{« »}©©¯`_._.-´¯`_._.-|!!تدري وش اللي يذبحك و انت حي!!|_._.-´¯`_._.-´¯©{« »}©
0 هود هود احب روحي وصلت..
0 هود هود احب روحي وصلت..

  رد مع اقتباس
قديم 02-03-2009, 01:47 PM   رقم المشاركة : [ 5 ]
عضو جديد

الصورة الرمزية أحب روحي وبس؟!!

بيانات أحب روحي وبس؟!!
تـاريخ التسجيـل : Dec 2008
رقــم العضويـــة : 60407
الـــــدولـــــــــــة :
المشاركـــــــات : 19 [+]
عدد الـــنقــــــاط : 100
الجنس : female
علم الدوله :
الحالـــة : أحب روحي وبس؟!! غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

افا ماشي عيد ميلاد لي !!!! __DEFINE_LIKE_SHARE__

من مواضيعي
0 هبي برث دي روعه احساس..
0 ©{« »}©©¯`_._.-´¯`_._.-|!!تدري وش اللي يذبحك و انت حي!!|_._.-´¯`_._.-´¯©{« »}©
0 هود هود احب روحي وصلت..
0 هود هود احب روحي وصلت..

  رد مع اقتباس
إضافة رد

مواقع النشر (المفضلة)

الكلمات الدلالية (Tags)
اللي, يذبحك, حي!!|_._.-´¯`_._.-´¯©{«, »}©©¯`_._.-´¯`_._.-|!!تدري

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
..{ كاس الهوى ما يذبحك غير }.. سمه نظرة ودآع عدسة الاعضاء , كاميرا الاعضاء 41 01-25-2010 02:27 PM
تدري وش اللي يتعب البنت يسعود...؟! محروم.كوم منتدى أخبار المواقع والمنتديات العربية والأجنبية 0 09-02-2009 10:00 PM
تدري وش اللي يتعب البنت يسعود...؟! محروم.كوم منتدى أخبار المواقع والمنتديات العربية والأجنبية 0 09-02-2009 09:40 PM
تدري وش اللي يجرح الجرح جرحين .. G I R L الشعر المنقول 21 02-22-2009 04:21 PM
تدري وش اللي يجرح القلب؟؟ قـلب دبـي الشعر المنقول 4 09-06-2008 01:40 PM


الساعة الآن 04:46 PM


Powered by vBulletin® Copyright ©2000 - 2019, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML