آخافـ آقولهـَ { خ ـآين } ينـحَرج ~!!

راعي النيسان 97 · #1 01-17-2011, 11:09 AM

السلام عليكم ..

شخباركم..~

اليوم جبت لكم قصيدة عوورت قلبي .. ~

.. تذكر يوم أقولك جسد يحتوي روحين ..

.. وأوعدك ما أخليك وتوعدني ما تخليني ..
.. أذكر يومها أشوف بالدنيا بس اثنـين ..

.. قلبي اللي يحبك وقلبك اللي يحتويني ..
.. بعدها بأيام شفت ايدك تحتضن ايدين ..
.. وانصدمت يوم شفت إنها غير ايديني ..

.. سكت لجل خاطرك وقلت مرحبا بالزين ..
.. مرحبا باللي القلب لجلـه حيل كاويني ..
.. مر يوم واسبوع وشهر وبعدها شهرين ..

.. وهو لازال مايدري بإني شفته بعيني ..
.. وأخاف إني أقوله له خاين وينجرح بعدين ..
.. وأخاف أسكت وبسكوتي صمتي حيل يشقيني ..

.. واجهته وأنا أبكي والعين تحتضن العين ..
.. سألته : ليه تنسـاني ؟ وإلا ماكنت تغليني ؟!!
.. سكت ولفّ عني وخبى وجهه بالإيدين ..

.. اللي كانت تحضني وغيرها ما تدفيني ..
.. سحبت وجهه و مسحت الدمع على الخدين ..
.. وقلت له والله أحبك ولو إنك تخليني ..!

.. سكت فتره وقال لي : لازلتي تحبين ؟؟

.. بعد اللي تشوفينه لا زلتي تحبيني ؟؟..
ابتسمت وقلت أجل ماعرفت للحين ..

.. إني أحبك حيل واللي يرضيك يرضيني ..
.. سكت فتره وأنا أعاود فرحة بقت لسنين ..
.. وتركته وتركت حبه اللي بقى فيني ..

.. وصارت الدمعـة إذا هلّت أقول أهلين ..
.. والبسمة هجرتني ونست دربها فيني ..
.. بعدها بـأيام سمعت خبر والله شين ..

.. سمعت إنه مـاااات وهو يطلب يلاقيني ..
.. ويوم إني رحت .. وصيته لي بورقتين ..
.. الأولى بها اسمي كتب بدمه يغليني ..

.. والثانيه يقول فيها: أبي أوضحلك شيئين ..
.. الأول أحبك حيل وماسكن غيرك شراييني ..
.. والثاني أمانه لا جيتي لأهلي تعزيّن ..

.. لا تنزل دموعك لي طلبتك لاتَبْكِينِي ..
.. كل اللي أبيه إنك بالخير لي تدعين ..
.. وإنك بالشهر مره بقبري تزوريني ..

.. واللي أبيك تعرفيه ومهم إنك تعرفين ..
.. اللي شفتيها معي كانت بموتي تبشّرني ..
.. انا اللي خليتك من كيفي عني تبعدين ..

.. لجل ما ينجرح قلبك بلحظة موت تحويني ..
.. تكفين لا تظنين إني خنتك ياالغلا تكفين ..
.. وإذا لازلتي تحبيني دايم بـالخير ذكريني ..

.. سكت وقلت : ياليتني ظليت معك يازين ..
.. وشفت الموت ياخذك مني ولاكذا تخليني ..
.. تظنون إني نسيت أو الدمع جف بالعين ؟

.. لا والله إلين اليوم وهو معي يخاويني ..
.. لو تدور الدنيـا ولو تمر بعدها سنين ..
.. ما نسيته لو أشوف أحفـااادي حواليني .. __DEFINE_LIKE_SHARE__

غــرورالـشـرقيه · 01-23-2011, 12:28 AM

.. لا تنزل دموعك لي طلبتك لاتَبْكِينِي ..
.. كل اللي أبيه إنك بالخير لي تدعين ..
.. وإنك بالشهر مره بقبري تزوريني ..

.. واللي أبيك تعرفيه ومهم إنك تعرفين ..
.. اللي شفتيها معي كانت بموتي تبشّرني ..
.. انا اللي خليتك من كيفي عني تبعدين ..

&&&&&

قصيـــدهـ .. حروفهــــاا متألقــــه بين السطـــوور ..

رغــم الــحزن الـــذي كســاااهاا ..
والالـــم الذي تصــــرخ الحروف منــه ..
روعــــــه بروعـــه ..
دمت باحســــااس غناتــي

__DEFINE_LIKE_SHARE__

الرهيب القطراوي · 01-30-2011, 10:41 AM

يسلمو يا اخييي
راعي النيسان 97

كلمات روعه صح لسان القائل
وسلمت ايادي الناقل
وننتظر المزيد
&&&
إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور

يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

@ الودعاني عاشق الريان القطري @
@ AL wadaani Old Rayyan of Qatar @
__DEFINE_LIKE_SHARE__

«••يخفـ♡̷̴̬̩̃̊اٌّلعقول••» · 01-31-2011, 09:11 PM

آختيْآر مميْز ۈرآقيْ ,, آلله يْعطيْڪَ آلعآفيْه

لڪَ ۈديْ ۈآحِترآميْ ,, لآعدمڼآڪَ

تقبل مرۈريْ

« ̈́ ̈́́ ͂ ̈́́••يَـٍخٌٍفـٍ♡̷̴̬̩̃̊اٌّلـّعٍقًولٍُ•• ̈́ ̈́́ ͂ ̈́́»

__DEFINE_LIKE_SHARE__

همس العشق · 02-04-2011, 05:58 PM

السلام عليكم

نآآآيس القصيده وحزييينه

بس أبداااع وربي

صح لسان قايلهاااا

تسلم ع النقل

ربي يعطيك العافيه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آلام ,, فأين الأمل؟؟	МĝřǒƠǒřĥ	الإستراحه العامة	6	07-25-2010 10:00 PM
انواع الاصدقاء فأين أنت منهم؟	محروم.كوم	منتدى أخبار المواقع والمنتديات العربية والأجنبية	0	02-24-2010 02:30 PM
فآيو × فآيو × فآيو	محروم.كوم	منتدى أخبار المواقع والمنتديات العربية والأجنبية	0	06-21-2009 09:40 AM
تعــودنا عليكم فأين انتم,,,,,	أمـيـرة الحــرف	الإستراحه العامة	4	01-19-2008 02:34 AM