مُناقِش مميّز !!.. عامل الناس كما تحب أن تعامل ..!! - الصفحة 2

الحسانيh+h · 01-17-2011, 09:36 PM

السلام عليكم ورحمة الله مبركاته..^^

حي الله الامن...شحالك..؟<<<ياي دق سوالف ويا الامن ههههههه

احم احم...
اولا موضوع حلووو مب مجاملة..

هالشي وايد الاحظه عند ربعي..
يعني كله يتمصخر و يضحكون ويوم يكون عليهم الدور يزعلون ويتنرفزون...!

ليش دام انت تحب تضحك و تعامل غيرك باسلوب مب حلو...
بنفس الوقت ما تحب حد يعاملك بالمثل وتكون انت بهالموقف ..؟
ترى ربع وعادي السوالف والضحك بس لااااابد من هالنوعية يزعلون ويضيعون الجو
ويصير زعل بينهم...!

والحين بجواب على الاسئلة التالية..:

1. ما هو رأيك الشخصي بمن يزعل من " المزاح "؟ المزاح الخفيف ^^

شخص علاقته الاجتماعية ضعيفة....<<(صرااااحتاً يعني)

2. إذا ما وجدت نفسك قد اصبحت نكتة "علكة" في أفواه الآخرين ... ماذا تفعل؟

اول شي افكر فيه اني احاول اغير هالفكره الي خذوها عني
و ما ازعل منهم اذا كان مجرد مزاح

3. هل صدف وأن زعلت من شخص بسبب المزاح؟ اذكر لنا الحدث؟ أو قصة قريبة منه "للخصوصية"

اممممممممممممممممممممممممممممممممممممممممممممممممم مم

نادر ما ازعل من حد...بس فيه مرة كان ربيعي يقول كلام صار بينا و يضايقني لكن
يقوله على اساس انه مصخره....بس هالموقف الي اذكره...
لكن انا ما اعتبر هالكلام مصخره لانه
سالفة زعل عمرها ماصارت مصخره و سبب حق الضحك..!

4. ما هو المقياس الذي تضعه على نفسك ( المقياس من عشرة .. 1 تعتبر جدي، 10 تعتبر مجنون مزاح) ؟ ولماذا ؟!

انا احط لنفسي رقم 6 على حد علمي بنفسي

شكرا على هالموضوع الرائع و الجميل

لك اجمل تحية __DEFINE_LIKE_SHARE__

Ủм Šʜαʜάđˇ · 01-17-2011, 10:32 PM

...لـــي عوده ...

وعليكم السلام ...

المزاااح شئ حلووو والسوآلف بعد > بس بحدوووووود

أحيآنآ المزآح يكون فيهآ تجريح وتكوون ثقيله شوي

والوآحد لفقد صبره إحتمآل ينقلب لجد نتيجه المزآاااح

بس والله سآعآت تبي تعطيه كف لدرجه إنك تبيه ينسى إسمه ومن يكون =)

في مقوله

(( أوله مزح وآخره جد ))

.......................

1. ما هو رأيك الشخصي بمن يزعل من " المزاح "؟ المزاح الخفيف ^^

إذآ كآن سبب الزعل لمزحه خفيفه مثل ماتقول أكييد هالشخص طبعه حسآااس ومآيتحمل أي شئ جتى لو كانت نكته

بس أنآ شخصيآ ماااآأحب شرآت هالنوووع =)

2. إذا ما وجدت نفسك قد اصبحت نكتة "علكة" في أفواه الآخرين ... ماذا تفعل؟

عآاااادي مآبسوي شئ ... بس إذآ مصخوووهآ ويعيدوون الشريط من أولهآ أكيد بمد بوزي بزعل .. =)

3. هل صدف وأن زعلت من شخص بسبب المزاح؟ اذكر لنا الحدث؟ أو قصة قريبة منه "للخصوصية"

أذكر سآلفه إستوت بيني وبين شلتي أممم مآأذكر شو كآن الموضوع بالضبط

بس بالأخير كآنت نتيجتهآ أنهم خذوني بالأحضآاان وخلصت القصه ...

4. ما هو المقياس الذي تضعه على نفسك ( المقياس من عشرة .. 1 تعتبر جدي، 10 تعتبر مجنون مزاح) ؟ ولماذا ؟!

أنآ إنسآنه هب جديه .... ولايخصني بالجد

يعني أنآ أمشي وي المقوله اللي تقول > وقت جد جد و وقت المزح مزح < السمحه بس أنآ غيرت كلمة اللعب وحطيت مكآنها الجد هـ ع’ هـ ع’

=)

.....

يعطيك الف عآفيه ع الطرح الطيب يالأمن

موضوع جمييييل الصرااحه ...

تقبل مروري

............. __DEFINE_LIKE_SHARE__

*نظره مني تسدك* · 01-18-2011, 08:03 PM

"

السلام عليكم ورحمه الله وبركآته

اشحآلك خويه الامن..عسآك الا بخير.؟

موضوع واااااااااااايد عيبني الصرآحه../ احسسه جزء مني

مافي انسان ما يحب المزح الا اذا كآن انسان مريض ولا فيه حاله نفسسيه معقده ..يعني حالته صعبه بعيد عنكم..~

بس مزح عن مزح يفرق..يعني عرررفت ناس يمزحون ويفهمونك.، ونوووووصل لأبعد درجات المزززح والجنون ..، احيان يجتلنا الضحك والله

بس لأنه هالحزه وقت مززح ووقت سوآلف والامور طيبه

وفي اوقات...ننقلب جديين في الامور اللي تحتاي الوآحد يكون جددي فيها..ومافي شي لو كسرنا هالجد بشويه مزآح عسب نلطف الجو..

كل انسان تختلف درجه مزحه بين شخص وشخص..يعني يوم امزح مع اهلي امزح بس ما تووصل اني اذا بمزح ويا امي ولا ابوي ولا حدد من خوآني الكبار..

اقووول لأمي كفج من بعيد خخخ لا..عيب..مهما كآن في حدود ف التعامل بين شخص وشخص..

صح نحن مزوحيين واحيان نكون ميانين بس على حسسسب الشخص اللي قدامي..

برد على اسئلتك هسسه

1. ما هو رأيك الشخصي بمن يزعل من " المزاح "؟ المزاح الخفيف ^^

رآيي مع احترامي الشديد ما عنده سالفه../ لأن هالمزح خفيفه..بيكون انسان زعوول ويفضل الحساسيه الزآيده بين الاهل والربع شويه نشيلها..لأن اعتبرهم اقرب الناس للشخص ^.^

2. إذا ما وجدت نفسك قد اصبحت نكتة "علكة" في أفواه الآخرين ... ماذا تفعل؟

خخخخخخخخ تستوي ../ صح ينرفع ضغطي بس ف الاخير الامور طيبه ونحن بخير على قولة الجود

3. هل صدف وأن زعلت من شخص بسبب المزاح؟ اذكر لنا الحدث؟ أو قصة قريبة منه "للخصوصية"

امممممم هيه..كآنت هنيه ف المنتدى..ترى هب أي شخص يكون مزحه حلوو..احيان توصل للعبط وللسخافه بعيد عنك..؟ يعني شخص ما تعرفه ولا قد رمس وياك الا مره وحده..فجآه سبحآن الله..مطيح الميانه ووو قاعد يسسب جنك ربيعه من زمآن متوالفين..وخششم وعين ....هب من حق له انه يطاول وبهالاسلوب الاسستفزازي ييلس يرمس..صح ولا لأ..المزح احيان ينقبل لو كآن من شخص قريب هب وآحد توك تعرفه

ما ذكرت اسسمها منعا للاحرآج

4. ما هو المقياس الذي تضعه على نفسك ( المقياس من عشرة .. 1 تعتبر جدي، 10 تعتبر مجنون مزاح) ؟ ولماذا ؟!

ما بين وبين...وقت الجد جد..ووقت المزح مينونه ههههه

بس شوي الينان زآيد عن الجد خخخ

على فكره..استانست بالفيديو للي حطيته..اموت على هالمسلسل..لو بشوفه العمر كله ما بششبع منه وهالمقطع ايينن خخخ...

وسسسلمت يالامن ع الطرح الغآوي

الله يوفقك ان شاءالله..، وعسآك ع القوه..~ __DEFINE_LIKE_SHARE__

الأمـ الوطني ـن · 01-19-2011, 06:42 PM

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

السلام عليكم ورحمة الله وبركاته
مساك ورد جوري أخ وطني

وعليكم السلام ورحمة الله وبركاته
مساء النور والسرور إختي العزيزة *الإمبراطورة*

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

!! عامل الناس كما تحب أت تعامل !!
بصراحه موضوع مهم جدا وحساس وله أهمية كبيرة في التعامل
مع الناس بشتى أنواعهم واختلاف شخصياتهم فمنهم المرح ومنهم الجدي

أكيد فأساس التعامل بين أي شخصين هو الاعتماد على طبيعة العلاقة التي تحكمهما
فقد تكون إيجابية أو سلبية

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

في البداية أنا بتكلم عن تجربتي بالتعامل مع الناس بشكل عام
ليس كل شخص يتقبل من الطرف الثاني المزاح
عن نفسي لما أتعرف لبنات يداد أكتفي بالصمت والأذن شغالة من هني أجوف شخصية كل وحده الجديه أعاملها بجدية واللي تحب تضحك أمزح وياها عادي للعلم شخصيتي تغلب عليها الفرفشة بس مب كل حد يتقبل الضحك أحاول أكون وسط بس مرات نخورها بالسوالف والأهم إنه ما آذي أحد أو أحرج أحد حتى لو كان مزاح خفيف ( عند الحريم لو شي صغير بيكبر )

في حالتج أنا اقدر إني أعممها على كثير من الناس .. ويمكن أنا بنفسي اتبع إسلوبج أحيانا
في السابق كنت أندفع وأسولف مع الكل .. لكن الحين أنتقي الكلام عدل وأقيم اللي راح أقوله وحق أمنوه أقوله
خاصة بعد ما سمعت كلام من قبل

" المؤمن لا يلدغ من حجر مرتين " أو كما قال صلى الله عليه وسلم

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

عندي نقطة مهمة بالنسبة للتعامل مع الآخرين في حالات ممكن تكسب فيه صداقات كثيرة وفي حالات ممكن تخسرك صداقات كثيرة متى بتكسب لو عاملت الناس كما يحبون عن يعاملوا أما بتخسر صداقات نتيجة للمزاح القوي واللي تتسبب فيه بإحراج الشخص اللي تمزح وياه وبالتالي تخسره

إذا اليوم سكت لنا وباجر سكت ... تراه عقب فترة ما بيقدر يتحمل
لأنه لكل إنسان طاقة ومقدار تحمل .. لذلك الواحد منا واللي يبا يحافظ على علاقاته وصداقاته المفروض من يسوي إلا الشيء الصح
واللي هو يرضي نفسه وربعه ^^

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

1. ما هو رأيك الشخصي بمن يزعل من " المزاح "؟ المزاح الخفيف ^^

الصراحة ما أحبذ هالشي لو كان مزاح قوي بنعذره والجدية الزايدة ترا بعد مب حلوه
لكن ما باليد حيلة مستحيل نقدر نتحكم بشخصيات الآخرين

كلام جميل ... well talk

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

2. إذا ما وجدت نفسك قد اصبحت نكتة "علكة" في أفواه الآخرين ... ماذا تفعل؟
هههههه ويا الناس لا بس ويا الأهل وايد بس ما أزعل متعودة
ما أسوي شي أكتفي بالسكوت بس لو عصبت أقول محد يرد عالسفهاء

ههههههههههه
شكلج يا * الامبراطورة * كل شيء عندج عادي ^^

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

3. هل صدف وأن زعلت من شخص بسبب المزاح؟ اذكر لنا الحدث؟ أو قصة قريبة منه "للخصوصية"

عفكرة لو كان مزاح قوي ممكن أزعل بس أرضى عقب
لكن بصراحه ما أذكر لو استوالي موقف يمكن لأني تعودت أنسى

حلو وجميل إنه الإنسان ينسى ويصفح عن اللي غلط عليه بالكلام

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

4. ما هو المقياس الذي تضعه على نفسك ( المقياس من عشرة .. 1 تعتبر جدي، 10 تعتبر مجنون مزاح)؟ ولماذا؟!

بصراحة أنا أتشكل حسب الشخص المقابل لو كان جدي بكون جديه ولو كان يحب المزاح بمزح عادي يعني مافي نسبة معينه ولكن أميل للمزاح بس بحذر

متوازنة .. هالشيء رائع، حافظي على علاقاتج الطيبة ومزاحج الحذر
وحطي في بالج شيء مهم جدا ... ترا مب كل واحد يضحك معاج تضحكين له << الحياة علمتني

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

في الأخير أشكرك للمرة الثانية بجد استمتعت لموضوعك
وأكيد لك تقييمي

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

ولا تحرمنا من مواضيعك المتميزة وبالتوفيج لك بالمسابقة

الشكر موصول لج إختي العزيزة الغالية
وتسلمين على التقييم .. لا عدمنااااااااج
__DEFINE_LIKE_SHARE__

الأمـ الوطني ـن · 01-19-2011, 07:00 PM

المشاركة الأصلية كتبت بواسطة شُـمْوכֿـ آڷـــۈد

السلـآم عليكم ورحمة الله وبركاته

اولـأً /

بصراحة اختيارك للموضوع مهم جداً

يعني موضوع مهم وف نفس الوقت ملهم وملفت للنظر

والحين جاء ع الرد ع اسئلتك ,,

وعليكم السلام ورحمة الله وبركاته
أعضاء استراحات زايد .. يستاهلون كل الأهمية

المشاركة الأصلية كتبت بواسطة شُـمْوכֿـ آڷـــۈد

. ما هو رأيك الشخصي بمن يزعل من " المزاح "؟ المزاح الخفيف ^^

شوف الدنيا وسطيه يعني امزح اشوي وكون جاد يعني مايصير ف كل المواقف تكون جاد
او مزوح بدرجة ماتنطاق

صحيح، كل أوقاتنا مزح وسوالف، لا ما يصير، بعض الأحيان محتاجة مننا اشوية حزم وإصرار
وفي بعض الأوقات يحلو فيها المزح والسوالف
ويا حظ من هو قادر على التفريق والتوفيق ما بين المزح والجد

المشاركة الأصلية كتبت بواسطة شُـمْوכֿـ آڷـــۈد

2. إذا ما وجدت نفسك قد اصبحت نكتة "علكة" في أفواه الآخرين ... ماذا تفعل؟

اكيد كل واحد منا مايحب انه يكون اضحوكه وهو طبيعه بشريه إننا نحب نكون راقين
واعلى مكانة او لـآ مكان لـإستهتار الـآخرين فينا

وشنو بسوي
اكيد بروح له وبعرف سبب اني صرت بهالصوره ف نظر الناس وبعرف
مين كان السبب في هذا كله
ولو كان هو الغلطان بوقفه عند حده ويعدل الموقف اللي حطني فيه
لـأن بهالوقت الناس معاندها غير القلقلة الزايده والفاضية
ولو ماتعدل وضعه

بكل بساطه استحقره

لا حرام عليج .. كلمة استحقرار كبيرة يا شموخ الود
ما توصل لدرجة الاستحقار يا الشيخة ..!!

صحيح إنه أحيانا بعض الناس ما يحسون على أنفسهم إلا وهم صاروا أضحوكة للآخرين، وساعتها يبون إنهم يعدلون من صورتهم
وللأسف غالبا ما يفشلون أكثر من مرة بسبب تركز بال الآخرين على إنه هذا × من البشر هو " مصخرة " لذلك هو محتاج إلى وقت لتغيير تلك الصورة ..

لكن مش لدرجة إني استحقر الآخرين، لأنه هالخلق والصفة مش حلو وما اظن إنها من أسلوبج

المشاركة الأصلية كتبت بواسطة شُـمْوכֿـ آڷـــۈد

3. هل صدف وأن زعلت من شخص بسبب المزاح؟ اذكر لنا الحدث؟ أو قصة قريبة منه "للخصوصية"
اممممممم
موجوده والله
قبل مابدأ انا تتقبل المزاح بس
راح يبين مين اللي يزعل من الثاني

بأول سنه لي بالكلية حصل معي موقف
من بعده خلـآص ادري كل الناس مب سوا
واصابع ايدي مب سوآ
بس خذت موقف
ويوم رجعت لهم نفس التصرف زعلوا ووو

ليششش انا يوم زعلت تقبلت الوضع ورجعت عادي اسولف وو

يعني بصراحة مزحهم ثقييييييييييل

يحبون يمزحون بس وقت مزحهم كان بوقت انا ابد موودي مايسمح لي ان اضحك
والقصة خليها مستورة هههه

وهالناس اللي ما تحب حد يمزح معاها، المفروض منا إننا نتركهم ولا نفكر بهم ..
فاللي يباني يباني بحلوي وبمري << واثق
وأما اللي يبا يسولف ويتمصخر علي وبس .. فاقول له " فارج قبل لا اسويك صالونة "

المشاركة الأصلية كتبت بواسطة شُـمْوכֿـ آڷـــۈد

4. ما هو المقياس الذي تضعه على نفسك ( المقياس من عشرة .. 1 تعتبر جدي، 10 تعتبر مجنون مزاح) ؟
ولماذا ؟؟

امممممم انا

ع حسب مزاجي ساعات اكون جاده

وساعات دور ع اللي يوقفني
يعني احب ارطب الجو ماحب الجد لين هناك

يعني لكل موقف تصرف
والدنيا بتروح ليش مانضحك اذا كان هناك وقت للضحك
بس بالـأخير انا قلبي ابيض ماحب اخذ بخاطري ع احد
اخذ موقف بس مازعل واصد
ياخوي نحن رايحين من الدنيا خلينا نعيش بقلوب صافيه

في بعض من مراحل حياتي كنت دايما حاط في بالي جملة

" الدنيا حلوة "
" الواحد كم بيعيش ..!! "

ولين يومج حاط هالشيءفي بالي ... عيش حياتك ^_^ ولا تفكر
السوالف والضحك تفرح الخاطر و الجد الزايد يميت الروح

المشاركة الأصلية كتبت بواسطة شُـمْوכֿـ آڷـــۈد

وفي الـأخير تقبل ردي ع موضوعك

المشاركة الأصلية كتبت بواسطة شُـمْوכֿـ آڷـــۈد

وبالتوفيق

تسلمين يا الشيخة على مرورج الجميل
وبصمتج الرائعة في الموضوع
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غيّر أسلوبك يتغير تعامل الناس معك	!العمر ما يسوى!	الإستشارات النفسية والاحتياجات الخاصة وتطوير الذات	8	06-22-2010 09:28 PM
عامل الناس كما تحب ان يعاملك الاخرين اعطيني رأيـك	محروم.كوم	منتدى أخبار المواقع والمنتديات العربية والأجنبية	0	05-31-2010 11:20 AM
عامل الناس بأخلاقكـــ .. لا بأخلاقهم !!	محروم.كوم	منتدى أخبار المواقع والمنتديات العربية والأجنبية	0	04-18-2009 08:30 PM
:.: عامل الناس بأخلاقكـــ .. لا بأخلاقهم	شواقي العين	الإستراحه العامة	5	07-13-2008 07:03 PM
~ْ~..عامل الناس كما تحب ان يعاملوك..~ْ~	طـبـعـيـﮯ شيـوــخـيـﮯ	الإستراحه العامة	13	06-28-2008 03:44 PM