هل هذه هواية أم إنتحار !!! - الصفحة 2

محآميـه ـه آلح ـب · 01-17-2011, 10:19 AM

السلام عليكم ورحمته الله و بركاته

صباح و مساء التخميس .

ما شاء الله اختار رائع لها موضوع بس من وجهة نظري هي هوايتي المفضل أحب التخميس ..

إنشاء الله ما أخمس في هذا موضوع ..

أول شئ هذا فيديو بعنوان تخميس وتحدي بين شباب

( خمس خمس خمس و تشوفين شطاره ) أحم احم نرجع لي موضوع

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

هل ترون هذه هواية مناسبة لأبنائكم في المستقبل ؟

في هذا النقط لي كل جيل موال

يعني لهم تصرفات تختلف عن تصرفاتنا شرات نحن ما نشبه في طريق تفكيرنا و حياتنا و تصرفاتنا ...ألخ عن تصرفات إبائنا و أجدادنا .

و انتي تقدرين تلاحظين هذا بنفسج صح ..؟.

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

وهل هناك إيجابيات من هذه الهواية ؟

وكيف نقلل من الأضرار اللي ممكن يتعرض عليها الشباب من هذه الهواية؟

لأني اعشقها بخبرج هو اطلع العصبية أو حصل مدح و بس ..

في دوافع تشجع الشباب ع التخميس ..

.1) و جود مسابقات و جوائز مالية كبيره و حصول ع قلادات ذهبية و فضيه .

2) قنوات الفضائية بث مباشر

3) وجود برنامج بقيادة فريق عمل أماراتي كيف يزودون السيارات و غيرها .

و كل هذا الأسباب و تبين تقليل من التخميس ..( )

و جود من يحاول أن يقلل من هذا التخميس .

1) كل من يدخل الحلبة يخرج بمخالف و قدرها 500 درهم ( أذا ما خاب ذاكرتي )

و أذا لم يدفع المخالف حجز المركبة ( السيارة )

أو سحب الليسن

2) و جود رادار في كل أماكن هذا يقلل من سرع أو التخميس ..

مب شرات أول رادار في الأمارات ( صراحة حتى عمي بشوف هذا رادار )

و حين كل واحد مفتح عيون ( حتى لو تشوفين ب تضحكين )

و فجأة نسمع رسالة تم مخالفة ( )

3) أذا حدث حوادث في الحلبة الوكالة أو البيمة ما تصلحها أبدا ..( إذا ما خاب ذاكرتي )

احتمال أنا ضدج أنج تقولين انها انتحار .!

أو سبب من اسباب انتحار و غير ..!

بعكس بدل الواحد يخمس في شارع و تروح حياة الناس . و ممتلكات عام أو خاصة .

و جود الحلبة وفرت الكثير يمكن هذا إيجابية يعني تحمي حياة الناس .

و حياة الشخص بروح معرض لي خطر مب الكل و لي يخاف يروح بعيد

هي هواية بس يمكن أغير رأي لو أحد يقدر يقنعني أنها ليس هواية ..!!

همسه : أنا بس أشوفهم ما أشاركهم أبدا ..( )

تسلمين ع الطرح الغاوي ..

و نترقب كل يديدج

و لج مني أحلي تقيم .

__DEFINE_LIKE_SHARE__

*نظره مني تسدك* · 01-17-2011, 03:30 PM

"

السلام عليكم ورحمه الله وبركاته

يسسعد مساج خويتيه

جيف حالج حبيتي ان شاءالله اووكي شرآتي ^.^

بالنسبه للموضوع شسمه

هو يعتبرونه من يرتاد هالهوايه الانتحاريه انها مجرد للتسليه فقط.، ما يدرون ان لو صارلهم شي في ناس بتتعب وناس بتحزن وناس بتتاثر ان صارلهم شششي لا سمح الله

والله مجرد اتخيل كيف لهم قلب يمارسون هالشي ولا اشوفهم ../ احط ايدي على راسي..

والله راحت ارواح في هاللعبه وراحوا شباب صغار.. بس ابدن محد يتعظ من تجارب غيره..

يا قوات قلوبهم بسسس

هو في حلبات بس بعد خطيره..يعني يطلعون يبال وحاله وان انجلبت بهم السياره شو الفايده..ولا شو فايده هالهوايه العبيطه

بالنسبه لي..ان شااءالله ف المسستقبل ما بخلي عيالي يمارسون هالهوايه الا اذا ابوهم يحبها غير هههه لول
بس ان شاءالله لا

أي ايجابيات..؟!! والله آخرتها بييون كل واحد متكسسر وحالته حاله..ليش هالعباله

نقلل مثل ما قآلوا للاخواان ما قصروا..بس يا ليت كل وآحد قبل لا يتهور يفكر في اهله..والله جدد..

والله يهديهم ان شاءالله

تسلمين ميمي ع الطررح الطيب
بالتوفيق لج ان شاءالله

عسآج ع القوه.~ __DEFINE_LIKE_SHARE__

● ◦ ٱڷٳﻣﭔﺮآطۈﺭۀ ◦● · 01-18-2011, 06:55 PM

المشاركة الأصلية كتبت بواسطة مذلل الصعايب

~»الـسـلـآم علېڪم و رحمـﮧ اللـﮧ و برڪـأإٺـﮧ

.
.
ېا مرحبا عدد ما هب مڼ الهوا هباېبـﮧ
\\\\\\\\\\\\\\\\\\\\\\\\\\\\\\\ ېامرحبا عدد ما سطر فې الصحف ٺسطېر . . ~
.
.
شحــأإلج .الامبراطورة؟! . !!؟؟
عـسـأإج بصحـﮧ و سـلـآمـﮧ و مـأإ ٺشڪـين مڼ بـأإس . . ~
.
.

وعليكم السلام ورحمة الله وبركاته

يا هلا ومرحبا

تمام والله مرتاحين ^^

المشاركة الأصلية كتبت بواسطة مذلل الصعايب

مشكورة ع الموضوع الجميل وماقصرتي ابصراحه ف طرح هالموضوع
النقاشي والمميز .. وأنا عن نفسي هب من طبعي أرد ع المواضيع
النقاشيه إلا مرات .. ولأني من أصحاب هالهوايه قلت ما بظهر من الموضوع
الا وأنا مبصم فيه *__*

العفو والله هالشي من ذوقك
وزين يوم إك شاركتنا لأول مرة وان شاء الله ما تكون الأخيرة
الله يعين يوم إنك من أصحاب الهواية ما أحبها

المشاركة الأصلية كتبت بواسطة مذلل الصعايب

المشاركة الأصلية كتبت بواسطة مذلل الصعايب

.
.

تعتبر هالهوايه خطيرة .. ويمكن يؤدي خطأ بسيط إلى حدوث كارثه
ومشكله ونحن ف غنى عنها .. وماشاء الله على دولتنا ما قصرت فتحت
لنا من أفضل الحلبات للاستعراضات .. وبتنظيم عالي وبمشاركه الجهات
المختلفه من شرطه والدفاع المدني والاسعاف ..
وأنا ما أمنع الشباب من هالهواية بشرط أن تكون منظمه ومتوفر فيها
كل وسائل الأمن والسلامه وفي موقع مخصص لها .
أما بخصوص ممارستها بعيدا عن الشرطه واللجنه المنظمه في النهايه هم اللي
يتحملون النتيجه وما ينتج عنها من ضرر أو وفاة لوسمح الله

المشكلة إنك قلت خطيرة وانت من هواتها دام جايفنها خطيرة ليش ما تترك هالهواية

دورلك هوايات مفيدة أبرك صحيح الدولة ما قصرت ووفرت كل وسائل الأمن الإسعافات

لكن كم بتلحق لو حصل أكثر عن حادث فنفس الوقت ما بتقدر تنقذ الجميع فنفس الوقت

بالتالي بيكون في ضحايا المفروض تكون التوعية في البداية من الأهالي لأبناءهم في

سن صغير وتوضيح مخاطر هالهواية مب يوم كبر الياهل وهو متولع بهذي الهواية

يايين تنصحونه فسن المراهقة لأن نصايحكم في هالوقت غير مسموعه والكلام ضايع معاهم

المشاركة الأصلية كتبت بواسطة مذلل الصعايب

المشاركة الأصلية كتبت بواسطة مذلل الصعايب

ومن هالموضوع أحب أسدح لكم كم من صورة من هوايتي
والسموحه لأني طولت عليكم
أخوكم / خالد
مذلل الصعايب

يعطيك العافية عالصور بس بعدني عند رايي
دورلك هواية ثانية عالأقل فكر بأهلك اللي يخافون عليك

وثانكس عمرورك
__DEFINE_LIKE_SHARE__

● ◦ ٱڷٳﻣﭔﺮآطۈﺭۀ ◦● · 01-18-2011, 07:40 PM

المشاركة الأصلية كتبت بواسطة السردال

وعليكم السلام ورحمة الله وبركاته

موضوع شيق ويعبر عن شريحة عريضة من المجتمع وهواية سباق السيارات والتخميس والتدوير بعد التزويدهي هواية خطيرة
اقول عنها هواية لانه مب كل واحد يتقن هالحركات باحتراف
وخطيرة لانها تتسبب في وفيات وعلى اقل تقدير اصابات او اعاقات في بعض الاحيان ولكن اتسبب لنفسه

بالنسبة لي أعتبرها انتحار انت قلت هواية لأن مب كل حد يتقن هالحركات وفرضا اهوة محترف ولكن أدى بنفسه إلى الموت شو ممكن نسمي هالشي مات شهيد للأسف لا بيكون مات منتحر ومن مات منتحرا لا يدخل الجنة

المشاركة الأصلية كتبت بواسطة السردال

المشاركة الأصلية كتبت بواسطة السردال

الفيديو رووووعه يعطيك العافية عليه بس ياليت الشباب يتعضون منه

المشاركة الأصلية كتبت بواسطة السردال

المشاركة الأصلية كتبت بواسطة السردال

هل ترون هذه هواية مناسبة لأبنائكم في المستقبل ؟

لا طبعاً هذي الهواية ما تناسب ابناءنا لسبب بسيط انه نحن ما نتمنى لهم الا كل خير وما نهديهم الموت بايدينا

المشاركة الأصلية كتبت بواسطة السردال

(ولا تلقوا بأيديكم إلى التهلكة)

والخطأ مب من الابناء بل كل الخطأ من تربيتنا لهم لانه عودناهم على الالعاب الالكترونية العنيفة والمواد اللي تحوي على سباقات السيارات واللي يضطر فيها البطل انه يسرق وينهب عسب سيارة ويموت ويحيا الف مرة ويتسابق ويفوز في النهاية يعني الطفل يتشبع بدوره الاسطوري الالكتروني وينفذه يوم يكبر في الشوارع

لكنه ما يفرق انه الواقع يختلف بعيييد وايد عن الخيال

والله شيء مخزي بصرآحة كأنهم يتسآبقون للموت

أخ السردال انت قلت نقطة وايد مهمه واهيه الألعاب الإلكترونيه اللي يلعبون فيها الأطفال وحتى الكبار بصراحة كلامك عين العقل هاي الألعاب وايد تأثر في الطفل وتخليه يقلد هالشي في الواقع يعني بيكون الغلط الأساسي في الأهل وأنا سبق وقلت إن المفروض تكون التوعية من الأهالي في الصغر لأن لو كبر الطفل ما بتقدر تتحكم فيه وفي مواهبه وأتمنى من كل الأهالي إنهم يراعون هالنقطة ويحافظون على عيالهم لأن عقب ما بينفعكم شي لو خسرتوا عيالكم

المشاركة الأصلية كتبت بواسطة السردال

وهل هناك إيجابيات من هذه الهواية ؟

نعم لها ايجابيات اذا تم تقنينها كهواية ورياضة لها قوانينها ومعترف بها من الدولة وايجابياتها مثلا:
*انها تنفس عن رغبة الشباب وتحميهم من الحوادث اذا كان لهم مكان محدد يجتمعون فيه وجوائز مجزية تشجعهم على الابداع وتشغل وقت فراغهم في شيء يحبونه فشيء اكيد الكل يجتمع في هالمكان ويلتزم بالقوانين ويبدع في هوايته
وما شاء الله الدوله ما قصرت افتتحت حلبة ياس وعوافي وفعاليات في تل مرعب وتل الساد
وانا ضد هالشي إذا كآنت فيه خسآرة للاصدقاء وخسآرة المآل
وخسآرة الروح وهي الاهم وانا ضد المستهرين واللي ان نصحتهم
يقولون لك :

المشاركة الأصلية كتبت بواسطة السردال

احرق الروح قبل لا تروح

انت قلت إيجابية إن الشباب ينفسون عن رغبتهم وهالشي صحيح والدولة أصلا ما بتوفر للشباب هالحلبات إلا لسبب واحد عشان تمنع تهور الشباب في الشوارع العامة بالرغم من خوفها على حياة هالشباب من هذي الهواية الخطيرة والدليل توفيرها لكل وسائل الأمن والإسعافات عند الضرورة لكن شو بتفيدكم الجوايز من هالمسابقات لو متوا أو صرتوا معوقين
ما أضن بتفيدكم والإنسان ما بيحس بنعمه ربه إلا لو خسر شي

حبيت أعلق على هالجملة

احرق الروح قبل لتروح

يا ترا بينقال هالكلام فيوم الحساب وإلا لا ما أضن

المشاركة الأصلية كتبت بواسطة السردال

وكيف نقلل من الأضرار اللي ممكن يتعرض عليها الشباب من هذه الهواية؟

المشاركة الأصلية كتبت بواسطة السردال

المفروض تكون رقابة من الأهل ومن الحكومة والمفروض انه الجهات الرقابيـة تراقب أصحاب كراجات التزويد الي يزودون مواتر الصغارية وهمهـم البيزات بس

واللي يبي يزود موتـره تزويد كامل من ناحيـة المكينة أو التوربو لازم ياخـذ ترخيص ويكتب السبب الي يبـاه إذا كـان في البــر أو في الحلبـة ..

يعني المفروض يكون موضوع التزويد له قوانين صارمة
وصاحبه محاسب من الشرطة

أمـا إذا كـان سباق شوارع يتصادر موتره وليسنـه بعد وتنفرض عليه غرامة لأنـه يعرض روحـه وأرواح النـاس للخطــر

اللي يخاف ععياله يعلمهم من البداية أفضل ويبعدهم عن هذي الهواية

ما عليك زود اقتراحات جميلة ولو يمنعون هالشي بالمرة أحسن

المشاركة الأصلية كتبت بواسطة السردال

المشاركة الأصلية كتبت بواسطة السردال

المشاركة الأصلية كتبت بواسطة السردال

قصيدة جميلة للمري

الموت تالـي العمـر والدنيـا مقيـل ............ والآخرة هـي منتهانـا لا مـحـال
وأعمال كل إنسان لـه منهـا حصيـل ............ توضع على الميزان وان ما مال .. مال
وديني وحب النـاس والخلـق النبيـل ............ ثلاث هي دربي إلـى حسـن المئـال
ما هي بلحية شـوق للطـرف الكحيـل ............ لا ذكّـر العقـل الجـوارح بـالـزوال
الله يقـدرنـي عـلـى رد الجمـيـل ............ والله يجمّلنـي الـى جالـي مـجـال

مشكورة ع الموضوع وتقبلي مروري

يعطيك العافية عالقصيدة ربي لا هانك
وألف شكر لك عمرورك وتقييمك

لا عدمناك
__DEFINE_LIKE_SHARE__

● ◦ ٱڷٳﻣﭔﺮآطۈﺭۀ ◦● · 01-18-2011, 10:15 PM

المشاركة الأصلية كتبت بواسطة همس العشق

السلام عليكم

والله مووضوعج حلوووو

وعليكم السلام ورحمة الله وبركاته

تسلمين من ذوقج اختيه

المشاركة الأصلية كتبت بواسطة همس العشق

بس أول ما شفت العنووان ع بالي بترمسين عن التدخييين

ودامج رمستي عن التخميس ززين بعد

يبالناا نقااش حوول هالموضوع

التخميس وايد أنتشرر ف هالفترررة

لدرجه حتى اليهال الصغاار قاموا يتابعون هالأشيااء ويحاولون يقلدوونهم

مثلآ أنا مرة كنت راكبه ف موتر خالي وكان وياناا عياله الصغاار

وتمووا يصارخوون ع أبووهم يلا خمس وما أندل شوو

والمشكله الأبوو عاادي بيخمس بدوون ما يحسب حسااب حق هالشي

يعني من ووجهة نظرري يوم قالوله جي المفرووض ما يخمس

لأنه أحس هالشي ورااه مشاكل عقب واليهال بيتعلموون شووي شووي منه

وهالشي هب من مصلحتهم

أشكرج اختية همس أشرتي لنقطة مهمة وألا هي إن الأهل هم بالأساس مشجعين على هالشي وللأسف منتشر وايد بأطفال عمرهم 3 سنين و 4 حرام ولا بعد يخلونهم يركبون دراجات وهم فهالعمر ياما حوادث صارت بسبة هذي الدراجات ولا يتوبون

المشاركة الأصلية كتبت بواسطة همس العشق

هل ترون هذه هواية مناسبة لأبنائكم في المستقبل ؟

بصرااحه لاا,,اتمنى أنه عيالي ما يحبوون شرات هالاشيااا

لأني اشووفهاا أنتحاار وهوايه ف نفس الووقت

هووايه:الشخص يحب شرات هالمغامرات وعسب جي يخمس ويحاول يثبت عمره جدام اللي ينافسوونه

أنتحااار:مع مروور الوقت وبكثررة ممارسة هالمغاامرات بتكوون خطيررة ع النفس البشرريه (مب كل مرة تسلم الجرررة)

يعني اذا ربي نجااه مرره,,ممكن أن المرة الثانيه يروح فيهااا ويمووت

جوفي اختيه همس الطفل انتي تقدرين تتحكمين فيه من الصغر تنبهينه على الأشياء الغلط من البداية وأي أم وأب قدروا يتحكموا بالياهل من الصغر ما بيتعبون في الأخير علموهم الصح من الغلط والشي اللي بيفيدهم واللي يأذيهم وطبعا ماشي صعب في البداية الصعب لو كبر واهوة متأسس على إن هالشي عادي وما بيضره

المشاركة الأصلية كتبت بواسطة همس العشق

وهل هناك إيجابيات من هذه الهواية ؟

أنا من وجهة نظري ما أشووف لهاا أي ايجابيااات

مع أنه لكل شي ايجابيات وسلبيات

بس أحس التخميس ماله ايجابياات

يعني هووايه خطيررره ع النفس البشرريه والانسان اذا تم يمارسهاا وايد ويحبهااا خلاف ما يعلم شوو بيستوويله

يعني لين متى بيتم يمارسهااا؟؟

أنا أتفق وياج في هوايات غيرها أفضل من هذي الهواية والأهم إنها ما تتسبب لأي أذى ممكن يتعرضله أي شخص

المشاركة الأصلية كتبت بواسطة همس العشق

وكيف نقلل من الأضرار اللي ممكن يتعرض عليها الشباب من هذه الهواية؟

-الشخص لازم يكوون حريص مع نفسه ومع النااس

يعني يحاول ع قد ما يقدر ما يضرر حد

-يفضل أنه يمارس هالهوايه ف الحلبات الخاصة بهااا هب ف الشووارع العاامه لأنهاا خطرهااا أكثررر ف الشووراع العاامه

صح الشخص بنفسه لازم يكون حريص مع نفسه ويتعلم من أخطاء غيره

وبالتالي ما يضر الناس والحلبات اهية الحل المؤقت ويجب أن تكون التوعية من الأهالي حتى

لو كانت نصيحه لأن الأمن ما بيقدر يتحكم بجميع الناس

المشاركة الأصلية كتبت بواسطة همس العشق

ع العمووم مشكوورة ع الطرح المميزز

ربي يعطيج العافيه

تستاهلين التقييم

العفو اختيه مرورج المميز
ويعافيج ربي وثانكس عالتقييم

لا عدمناج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حادث إنتحار قرد	محروم.كوم	منتدى أخبار المواقع والمنتديات العربية والأجنبية	0	06-05-2009 03:00 PM
خبر عاجل إنتحار أسامه بن لادن	محروم.كوم	منتدى أخبار المواقع والمنتديات العربية والأجنبية	0	05-29-2009 03:30 PM
خبر عاجل إنتحار أسامه بن لادن	محروم.كوم	منتدى أخبار المواقع والمنتديات العربية والأجنبية	0	05-29-2009 03:20 PM
خبر عاجل إنتحار أسامه بن لادن	محروم.كوم	منتدى أخبار المواقع والمنتديات العربية والأجنبية	0	05-29-2009 03:10 PM
خبر عاجل إنتحار أسامه بن لادن	محروم.كوم	منتدى أخبار المواقع والمنتديات العربية والأجنبية	0	05-29-2009 03:00 PM