وطتّ رجليّ علىً دربه و لآآإ آإدريّ وشّ نؤوى فيني .! - الصفحة 72

Ŀάмάя · 03-12-2011, 01:18 PM

الغاليه وايد تاخرتي .... عسا ماشر

نتريا البارت على احر من جمر __DEFINE_LIKE_SHARE__

ونات حزينه · 03-12-2011, 03:06 PM

تأأأخرتي وآآآآآآآآيد !! __DEFINE_LIKE_SHARE__

SUPER SH60RA · 03-12-2011, 03:07 PM

موفقة إنشاالله فالدراسة ..

إمتياز إنشاالله .. __DEFINE_LIKE_SHARE__

SUPER SH60RA · 03-12-2011, 03:53 PM

اشكرج لجهودج الكبيرة .. __DEFINE_LIKE_SHARE__

«ضَحِيًة حِبُيًبُيً ..}● · 03-12-2011, 04:36 PM

.

.

.

البارت الـ 45

سيف يطالعها : ركبي السسياره . .

مهره : ليش ؟

سيف يتنهد : ركبي السياره يالله . .

مهره بخوف : بتذبحني . .

سيف استغرب من ردها بس رد ببرود : مش الحين . .

تنهدت مهره وركبت السياره . .

ركب عقبها وحرك السياره وطول ما يسوق الهدوءء سيد الموقف . .

مهره تطالعه : انا ما غلطت . .

سيف : مابا اسمع منج ولا شي . . خلاص اسكتي . .

مهره تطالع جدامها : طلقني اذا مش مستحملني . .

سيف يطالعها ب نظره عصبيه : ليش تبين تطلللللللللقين . . تبين يصفالج الجؤؤؤؤؤؤ !!!

سكتت وندمت انها رمست . . خلته يطلع حرته فالسواقه وفالسسرعه لين وصل بيتها . .

تمو عند باب البيت حوالي ربع ساعه ! ما تقدر تنزل ! ولا تقدر تقوله شي . . تخاف تتصرف تصرف يخليه يتهوور . . ماتدري اذا هو معصب ! ولا هدى . . ولا شو فرآسسه !!!

صدت صوبه ب خوف وشافت دمعه من عيونه على خده . . انعصصر قلبها بالقو وردت صدت صوب الجامه ّ!!

>> سسسسسسيف يصصيح . . . . يصيييييح . . ليش يصييح . . يعل رووحي تطلع اذا انا معذبتنك جيييي . . . " تغمض عينها ب قوه " الله ياخذني عشان ترتاااااح . . .

<< احس انج بريئه . . واحس اني ظالمنج . . بس !! كل الادله الي شفتها وسمعتها بأذني وااايد . . والله وايد . . ماقدر . . ماقدر اصدقج عقب الي سمعته باذني. . الحب الي تكنونه البعض . . المششاعر . . مايندرى اكثر عن المششاعر شووه . . . " يدق السكان بالقو "

صدالها شافها عاطتنه ظهرها ومتلصقه فالجامه !!

<< لهالدرجه مش طايقه قربي . . ما تبي تشوفني حتى !!! ماتبي حتى تصد تطالعني . .

>> لا تصيح ياسييف دخيلك لا تصيح . . ماتحمل اشوفك تصيح موول كيف لو انا السبب . . . والله مابا شي من الدنيا . . والله مابا شي . . سو فيني الي تبي بس لا تصيح ولا تتعذب عشششاني . . مابا اشووف عذابك وتعبك وانا السبه . . شسويلك عشان ترتاااح . . شو اقدر اسوي شوو !!

<< ولا حتى نظره !!! ما تبغي تعرف انا شحالتي . . تعبان ولا مرتاح . . ما تبغي تعرف شفييييني . . ما ناويه تقول شي يريحننننننننني . .

مسحت دموعها بسرعه ب جتفها وصدت له . .!!! عينها ب عينه . . وعينه على عينها ب قوووووه . .! اي مششاعر احتوت الاثنين !! واي افكار دارت ف بالهم . . . كل الي سووه ! كل واحد بطل باب السياره ونزل . .

مشو مع بعض . . كان سيف بيدق الجرس بس مسكت ايده ونزلتها عن الجرس . .

مهره : رقوود الحين . . عندي مفتاح البيت . . " وطلعت مفتاح البيت "

سيف يشوف الساعه تششير للوحده فليل !َ!!

دخلت مهره ودخل وراها سيف . . حست روضه ان حد يا ولبست شيلتها بسرعه . . تعرف ان سيف بي في اي وقت . .

مهره : انتي ليش مش راقده ؟؟

روضه تثاوب وتأشر على اليهال يشوفون سبيس تون . .

سيف يبتسم : لين الحين سهرانين يشوفون . .

روضه : اجازه باجر . . مابيروحون الروضه . . عشان جي مخلتنهم يشوفون ع راحتهم . .

سيف : روحي ناممي " يبتسم " انا بدير بالي عليهم . .بتم سهران . .

روضه : لالا ما يحتاي . . رووووح ارقد انت ارتااح !! انا ماعندي شغله . .

سيف : والله تروحين . . حلفت انا !! بلاعبهم وبقعد وياهم لين يرقدون . . .

روضه تطالع مهره . . : اروح ؟

مهره : هيه روحي . . فديتهم مش شياطين . .

روضه : هييه صح موول . . لو شي كلمه اكبر عن شياطين بقدر اوصفهم . .

سيف ابتسم وقعد حذال الصغاريه ع الارض مجابل التلفزيون يشوف وياهم . .

روضه تغمز لها ب معنى شصار ؟ ردت عليها مهره بايدها بمعنى باجر بقولج . .

وراحت عنهم . .

مهره بطلت عباتها وحطتها ع الغنفه وبطلت الشيله بعد وشافت شيله بيضا ع الكرسي وشلتها لبستها بس ظهرت قصتها شوي . .

كان سيف ملتهي ويا اليهال الي بسرعه اندمجوو وياه ! وقامو يقولون له عن المسلسات ويشرحون له شسالفه وهو متأثر ويسالهم عن الي ما يفهمه . . حووالي ساعه الا ربع ما انتبه ل وجود مهره لين نام جسوم ف حظنه . . وقام يشله وشاف مهره قاعده وراهم ع الغنفه واستغرب من الشيله ّ!!!!

مهره قامت وشلت عنه جسوم عشان توديه فوق . . اما هو سسحب وياه وفوى ويلسو ع الغنفه يكملون المسلسل . !!

يوم بغت تنزل من ع الدري حست بدوخه وقبضت الدري ب قووه مما شد انتباه سيف الي كان بيقوم بس قبض روحه وو ما قال شي . . كان يطالعها ب طرف عينه ويشوفها مغمضه بقوه لين قعدت عالدري . .

رن تلفونه مع ان ما كان له خاطر يرد بس رد !

سيف : هلا حياتي " بصوت عالي متعمد "

ميثا : وينك انته ؟

سيف : موجود . . ياي عند ربيعي

ميثا : فدبي ؟

سيف : لا فراك

ميثا اطمنت : ما سرت الشارجه عند مهور ؟

سيف : لا !

ميثا مبتسمه : ولين متى حبيبي بيودرني وبيتم عند ربيعه . .

سيف : جريب حياتي ادري مشتاقتلي

ميثا : مووووووت بعد

سيف يبتسم " بدون نفس " : يا لبييييييييييييييييييييه

ميثا : خلاص حياتي بخليك ويا ربيعك وانا برقد انزين . .؟ اذا في شي دق لي

قامت مهره من مكانها وكانت ناويه تصعد فوق . . شافها باهتمام !

سيف : اوكي حبيبي ، نوم الهنى . . فمان الله

وفوي : صصصصصصوتك حثثثثثثره " حشره "

سيف بعده يطالع مهره : وين رايحه ؟

مهره تصد له ب تعب : تبا شي ؟

سيف : تعالي اقعدي اهني . . شوتبين تسوين فوق

مهره ردت نزلت له وسارت صوب الغنفه الثانيه واضايج منها

سيف يطالعها ب عصبيه خفيفه : ليش متغطيه عني ؟ احيدني بعدني ريلج

مهره بارتباك : انا دوم البس شيله ف البيت

سيف متشكك فكلامها : وتلبسينها لين اخر الليل

مهره : عششان برد وانا لابسه كت

سيف : يعني شيله خفيفه بدفيج ؟

مهره بارتباك حركت عينها يمين يسار وماردت

سيف يشل وفوي ويحطها على يمينه ويأشر على يساره : تعالي اهني

حست قلبها يدق بالقووووووووووو وشوي بيطلع من كثر ما يدق

ابتسملها : يالله تعالي

قامت من مكانها ب هدوء وسارت وين ما اشر بس ماتقربت منه وايد

سيف : فصخي الشيله

مهره بتمعن تطالعه : هاه

سيف : شوه هاااه ؟ فصصصخي الشيله يلا

مهره نزلت الشيله

سيف : لا والله . . جذه يفصخون الشيله

مهره : هيه

سيف سحب الشيله باييدينه وغطا ريول وفوي فيها . . وصد صوب مهره مبتسم : قربي

مهره تصد الصوب الثاني وهيه ميته حيا " شفييييييييييييييييييييييييييييييه ها "

سيف يبتسم اكثر وبنبره حنونه : يالله قربي يابنت

وماعطته مجال . . وقفت كانت بتروح بس قبض ايدينها وسحبها صوبه وقعدها حذاله بالضبط ! جتفه ب جتفه . .

تم يطالعها ب وله . . ب شوق . . ب اسف . . وايد اشياء ف باله يبا يقولها ووايد اشياء يبا يسويها . . كل الي قدر يسويه . . رجع قصتها ورى عششان يشوف ملامحها عدل اكثر

صدت له ب حيا ! وكانو حيييييييييل قراب . . ماقدرت ترفع عيونها وتشوفه لكنه مافوت هاللحظه . . تم يطالعها ويطالعها ويطالعها لين !

وفوي تسحب كندورته : عمممممممممي

نقز سيف وصد لوفوي : ها عمي . .

وفوي : شوف شوف شو بيثثثتوي " بيستوي "

سيف " مووووووووووووول مش وقتج " ويطالع التي في عشان ما يكسر ب خاطرها : هيه عمي حلو

صد صوب مهره وشافها مبتسمه وشوي وبتضحك وابتسم لابتسامتها : ليش تضحكين ؟

مهره قابضه ضحكتها وترص ع شفايفها : ماضحك !!!!

سيف ب خبث : ترى مول ما يبين انج تبين تضحكين

مهره صدت الصوب الثاني وشقت الحلج . . شكله كان يضحك يوم نقزز . .

اول ماصدت حطا اايده ع خصرها وسحبها اكثر عنده وخلا راسها ع صدره مما خلاها تتفاجا من حركته وتششششهق . .

سيف يحرك ايدينه على جتفها : انا بدفيج مش الششيله . .

وفوي ب صوت حاد مزعج : عممممممممممممممممممي

سيف يصد صوبها : شو هاي مخربه الملذات . . شوه تبين

وفوي تطالعه ب عصبيه : ليش ما شااااااااااااااااافيت

سيف يطالع التي في : اشوووف انا اشوووف

وفوي تطالعه ب نص عين : اااذا ما شافيت بحطي صبعي ف عنوووووووووونك

سيف : عثررررررره " عاقد حياته " على منو طالعه مجرمه انتي

وفوي طنشته . .

سيف يرد ل مهره ويلعب ب شعرها ! وهيه مغمضه عينها تتمتع ب حظنه . .

<< ادري بس هاللحظه . . مجرد نقاش بسيط بيخليك ترد تعصب مني . . والله اشتقت لك واااايد واشتقت لـ حركاتك يوم تلعوزني وتدلعني وتدللني

سيف ناسي كل شي ف هاللحظه . .

<< ودي الدنيا تووووقف الحين يا مهره ، والله ودي بس توقف الحين واتمييييييييين ع صدري واحس بوجودج معايه ، ممممممابا افكر ب شي ثاني غير وجودج عندي ، انا ماقدر اعيش بدؤؤؤؤؤؤؤنج والله ماقدرررر

سيف يتنهد : شسوييتي فيني با بنت الناس شسويتي ، انا اول مره احس بهالاحساااااس

بلعت ريجها ويايه بتقوم بس رص عليها اكثر : لاتفكرين تقومين من اهني لا تفكرين

غمض عيونه وردت غمضت عيونها ووفوي حطت راسها ع جتف سيف وغمضت عيونها ونامو كلهم !

عقبها بـ سآعه ! ووصل منصور ومعاه عذاري . .

منصور يطالع مهره الي نايمه عـ صدر سيف وهو لامنها . .

منصور : حليلهم العرايسس . .

عذاري : وفوي وياهم بعد . . ليش رازه ويهها وياهم . .؟

منصور مبتسم : يمكن هم شلوها . . يبون ياهل . .

عذاري : مهور حامل اصلا . .

منصور باستغراب يطالع عذاري : شوووووه ؟

عذاري مبتسمه : بتستوي خال ان شاء الله جريب . .

منصور مستانس : فديتها والله . . ما قالتلي عيل ..

عذاري : يمكن ما حصلت فرصه . .

منصور يسير صوب التلفزيون ويسكره . . ويسكر الليتات ويخلي الليتات الخافته بس . .

ركبو اثنينهم الدري مع بعض . .

عذاري : تصبح ع خير. .

منصور : بترقدين ؟

عذاري تطالعه : باجر اخر يوم اجازه . . وعقبها امتحاناتي . . لازم ارقد عششان انش بدري ادرس

منصور يطالعها : ممم زين . .

عذاري توقفه : شسالفه . . ادري فيك رمسه . .

منصور يمط خدودها ب خفيف : ياخي انتي لازم ماتعرسين . . مانروم نستغني عنج . . منو بيسمع لنا ف البيت . . منو الي تلاقي لنا حلوول . .

عذاري متشققه : فديتني والله . . ادري الكل يلجأ لي انا . .

منصور يبتسملها : اسكتي خل نسير الغرفه عن نواعيهم . .

سارو اثنينهم غرفه منصور . .

منصور : سلامه . .

عذاري مبتسمه : ادري . . تحبها ..

منصور : احبها ؟

عذاري : هيه تحبها . .

منصور: أكن لها مشاعر كبيره بس مش حب . .

عذاري تسايره : وليش سلامه بالذات ؟

منصور يحط ايدها ع قلبه : القلب يختي . .

عذاري يي فبالها نصور . . حب حصوص بدون مناسبه وفجاه جي قلبه تعلق فيها . . وشكله منصور نفس الشي ! ومش حاس بروحه ان هذا حب . . صدق انهم توأم . .

منصور : اباها تقوم بالسلامه . . وايد احاتيها وايد هامتني . .وايد افكر فيها عذوور . .

عذاري : ان شاء الله بتقوم بالسلامه . . . محتاجه وقت بس . .

منصور : اباها تقوم بالسلامه بسرعه واخطبها !!

عذاري ب تردد : بس يمكن هي ما تمشي . .

منصور : بتممشي .! انا بخليها تمشي . .

عذاري : متاكد انك مستعد ترضى ل نفسك تعيش ويا وحده عاجز . .

منصور : سلامه ما بتكون عاجزه طول العممر . . فتره بس ومحتاجه الي يوقف وياها ويساعدها ف هالمحنه . .

عذاري : اخاف الي ف قلبك شفقه مش حب .!

منصور : لا مسسستحيل . . انا اعرف انه حب . .

عذاري تبتسم : توك قلت انك بس تهتم لها ومتعلق فيها بس ما تحبها . .

منصور فاج عينه : اخخخخخ منج . . كيف يبتيها . .

عذاري تبتسم : خليتك تنطق . .

منصور : داهيه . .

عذاري : المهم خلنا من هالموضوع . . الحين اخوها متوفي ومستحيل نقدر نفتح هالموضوع وياهم . .

منصور : ادري !!! بس انا ابااها تحط ف بالها اني اباها . !!

عذاري : وعقب ؟

منصور : العقب يي بعدين ! اهني بعرف لو هي تبيني بتترياني . . لو لا بتعرس . .

عذاري : ممم . .

منصور يطالعها ب اصرار : دخيلج . .

عذاري : ان شاء الله . . من تهدى بس وجي بفاتحها ف الموضوع . . مادري بلاهم اخواني على ربيعاتي . .

منصور : يالله عقبالج . .

عذاري ترفع ايدينها : ان شاء الله . .

منصور عاقد حياتها : اعنبوج مافيج حيا . .

عذاري تضحك : هههههههههههههههههه . .

منصور : يالله طلعي برا خليني ارقد . .

عذاري : انزيين . . قود نايت . .

.

.

.

الساعه 6 الصبح !

قامت عنود الي كانت راقده فالصاله على دق الجرس المزعج !! عصبت وتمت تزقر ع الشغالات بس محد موجود . . لبست لها شيله ومن برا الباب تزاعج . .

عنود : امنؤؤؤؤؤؤؤؤؤؤؤؤؤؤؤؤه ؟

محمد : اناا محمممد

عنود : ياااااااااا الله صباح خييير . . خيييييييير ؟

محمد : انزين فجي الباب . . طرار جدامج . .

عنود فتحت الباب وبعيون ضيجه : هاااه

محمد مبتسم : بل . . . فاتحه الباب بدون لا تغسل ويهها حتى . .

عنود تلومت وعطته ظهرها : شووه تبا .. .

محمد يبتسم ويمد ايده : هااج . .

عنود تشوف بايده سويج . .

محمد : عطييه حمود اخوج . .

عنود تشل السويج ويتعمد يمسك ايدها . . شلت السويج ب قوه وقرمشت ايده . .

محمد : آآخخ . .

عنود عاقده حياتها : عشان تتادب . .

وطططراخ ! سكرت الباب . .

عنود : افففففف . . حشره من ع الصبح . .

محمد ورا الباب مبتسم . . ورد دق الجرس . .

عنود بطلت الباب : شوووووووه بعد . .

محمد يطنشها ولاجنها موجوده دعمها بقوه ودش البيت . . .

عنود تعض ع شفايفها بقوه : وقح قسم بالله . .

سكرت الباب ودشت البيت بعد . .

محمد اول ما دش : ليش محد ناش ؟

عنود عاقده حياتها : اول مره اشوف ضيف وقح لهالدرجه ومايستحي ع ويهه . .

محمد : ليش استحي ؟ بيت عمي . . ييلس ع الغنفه وانتبه على كمن شعره . .

محمد : في حد كان راقد اهني صح . . " يشل الشعره ويشوف طولها " اقصد راااقده . . " ابتسم" ماعندج غرفه شوه ؟ ولا سيلانيه تشوفين فلم هندي وترقدين ع الغنفات شكلج . .

عنود تضحك بدون نفس : هاهاهاهاها . . نكت ولد عمي . .

محمد يطالعها ب اهتمام : حلاتها ع لسانج والله . .

عنود تطنشه وتصعد فوق . .

اما محمد انسدح ع نفس المكان الي هيه كانت منسدحه فيه . . غمض عينه دقيقه !

محمد : آآآآآآآآآآآآآآآخخخخخخخخخخخ !

فرت عليه السويج الي عطاها اياه وطاح ع يبهته بالقو . .

محمد من غير ما ينش يرفع راسه ويطالعها : والله بتشوفين . .

عنود تضحك وتسوي بايدينها " حرررره "

محمد : عافان الله . . " ورد غمض عينه "

شوي ويا حمد . . .

حمد مبتسم : هااا انت اهني . .

محمد بعده طايح وياشر ع يبهته : استوت علامه صح . . اختك بتندم وبتدفع تعويض ع الي سوته صدقني . .

حمد : منوه عنود . . ؟ ماعليك منها يا ريال . . خبله

محمد يييلس ويعطيه السويج : اندوك . . نسيت اعطيك اياه البارحه . .

حمد : تعال وين ترقد انته ؟

محمد : شقه . .

حمد : اهني ؟

محمد : لا في فندق ف بوظبي . .

حمد : واكيد عمي الي يدفع مسكين . .

محمد : من وين ادفع يا ريال ..

حمد : اشتغل انزييين كون نفسسك لين متى بتعتمد على عمي . .

محمد : ماعنده ولد غيري . . خل يصرف علي . . اليوووم بيردون الكويت . .

حمد : ما بتسير وياهم ؟

محمد : لا ما بسير . . . شو يوديني . .

حمد : سير سلم ع خوالك وغير جوو . .

محمد يرن تلفونه : اصبر شوي ." يرد ع الفون " هلا امايه . .

ام محمد : انت وينك . .؟ تعال ابي اسلم عليك قبل لا اروح . .

محمد يقوم : متى طيارتكم ؟

ام محمد : بعد ساعتين . .

محمد : يالله بلحق عليكم وبيي . .

ام محمد : زين يمه . .

وبند . .

محمد : عمممرها طويل الوالده . . "يقوم"

حمد : اخاويك ؟

محمد : ما وراك شي تعال . . بسلم عليهم بس وبنحاوط عقب . .

حمد : خلاص تمام . . يالله اترياني بلبس وبرد . .

محمد يرد ييلس : اوكيك . . خذ راحتك يبه " باللهجه الكويتيه "

حمد : مانروم عاد على الي امهم كويتيه . .

محمد يضحك : روح يالله لا اعطيك بكس الحين . .

راح عنه حمد وهو يبتسم . .

نزلت عنود هالمره بـ مخوره وبويه احسن عن قبل شوي . . اتجحلت ورتبت روحها . .

عنود عاقده حياتها : انته بعدك اهني ؟

محمد يحط ريل على ريل : رااقد عندكم اليوم . . عندج مانع . .

عنود بدون نفس طنشت وكملت طريجها للمطبخ . .

محمد : رفيك لو سمحت . . واحد عصير برتقال . .

عنود تبلع ريجها ب غصه : خل امك تسويلك . .

محمد : مسكينه امي . . احين بتسافر لا تطرينها . .

ما سمعت تكمله الجمله لانها راحت المطبخ . . عقب 5 دقايق طلعت ب سندويجتين جبن وعصير . . حطتهم ع الطاوله الي مجابله محمد وراحت المطبخ مره ثانيه !

نزل حمد . . : يالله قوم . .

محمد : اصبر . . " قعد ياكل السندويجه الاولى وشرب العصير شطفه وحده . . شل السندويجه الثانيه وقام "

محمد بصوت عالي : اكرمج الله عنود . . .

عنود طلعت من المطبخ وهي تركض : سممممممممممممم ان شاء الله سم . .

حمد فتح عينه . .

محمد مصدوم : بل . . شكوووووو يبه ؟

حمد : شفيج ع الريال . .مسوتله ريوق وتقولين له سم . .

عنود عاقده حياتها : منو قالك مسوتله انا . .انا مسويه حق روحي ونسيت الزيتون وسرت اييببه . .

حمد تم ناقع من الضحك . . .

محمد : يعني ماكنتي مسوتنه حقي . .

عنود تسير صوبه وتشل السندويجه الي ف ايده . . .

محمد يطالع حمد : هاي شو فيها متزططه عليه . . الا هيه سندويجه . .

حمد : عنود عيب عليج . . ولد عممج هذا . . الا هي سندويجه جبن . .

محمد سار وسحب السندويجه وكلاها بسرعه دفعه وحده . .

محمد واللقمه ف حلجه : موتي قهر . . . " ياشر على حمد " يالله نروح . .

.

.

.
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM