وطتّ رجليّ علىً دربه و لآآإ آإدريّ وشّ نؤوى فيني .! - الصفحة 63

«ضَحِيًة حِبُيًبُيً ..}● · 03-02-2011, 11:34 AM

.

.

.

البارت الـ 44

شوق تنزلها : شو بتقولين حق اهلج ؟

مهره : ماعليج . . . بطلع اي شي . . مشكوره شووق وايد . . " تبتسم " والله ادري اني تعبتج معايه ..

شوق : لا تقولين جي !! والله انج شرات اختي واكثر . . وماتهونين علي . .

مهره تبوسها : الله يعطييج الي فيه الخير يا الغاليه . .

شوق : امييين . . يالله نزلي الوقت تأخر . .

مهره تشوق الوقت من سياره شوق " الساعه 10 "

طلع ناصر من البيت وشاف مهره ف السياره ويا وحده . .

كان شال معاه شنطه واستغرب من وجود مهره هالوقت ومع وحده . .

شوق : هذا اخوج ؟

مهره تبتسم : هيه هذا ناصر اخويه . .

شوق : مول ما يشبهج . .

مهره تبتسم : ما بتنزلين ؟

شوق : لالا ماشي وقت . . لين يمديني ارد دبي . .

مهره : زين هالله هالله ف الدرب . .و اتصلي بي يوم بتوصلين " تحط ايدها عراسها " اوه ماعندي فون . . بتصل بج من فون اختي رنه وطرشيلي مسج طمنيني يوم بتوصلين . .

شوق : زين حبيبتي . .

ناصر حاط عينه على شوق ! وماوخر عينه . .

مهره لاحظت : يالله شوقي بنزل . .

ابتسمت لها شوق ونزلت مهره وراحت شوق ..

مهره تسلم ع ناصر : ششحالك . . من زمان ما شفتك . .

ناصر عاقد حياته : من وين يايه ؟

مهره : آآ . . من دبي . .

ناصر : قالتلي عذور انج رديتي امس ؟ ليش ماتميتو ف العزا . .

مهره تفكر : ماكان عندي اغراض . . وسيف طلعت له شغله وبي عقب . . " تغير السالفه " وين رايح . . " تشوف شنطته " على ويين ماشاءالله . .

ناصر : زين لحقتي علي قبل لا اطير . .

مهره عاقده حياتها : اطيير؟

ناصر : هيه بروح اكممل دراسه برا . .

مهره : شو هالقرار المفاجىء !

ناصر يبتسملها : يالله دشي داخل ..

مهره : منو بيوديك الممطار ؟

ناصر : عبدالله احين ياي . .

صدت مهره ورى وشافو عبدالله توه ياي من برا . . سارت صوبه وسلمت عليه ب شووق . .

عبدالله حاظننها : والله مكانج خالي يختي . .

ابتسمت له : وده وتعال انزيين ؟ ابا اقعد معااك . .

عبدالله : اكييد حبيبتي . . " يطالع ناصر " يالله نصور . .

مهره : انا بدش داخل . .

وودعت ناصر مره ثانيه ودشت داخل . .

ناصر عاقد حياته : البنت مش طبيعيه . .

عبدالله ب حيره : اركب يالله . .

دشت مهره داخل وهيه تشوف زاويه زاويه ف البيت وتبتسم ب حسره ..

ربع صوبها جسوم ولد عبدالله : عممممممممموه . . !

مهره تشله : حبييييييييييبي . . . يا رؤؤؤؤح عموووه . . شحااالك ؟

جسوم : انا زيييييين

روضه من شافتها يت تركض لان ماشافتها امس ف العزا : مهوووووووووووووووووووووووور . .

ويت عقبها عذاري وتمو حاظنينها ومتونسين فيها . .

مهره : امايا وين ؟

روضه : قبل نص ساعه سارت ترقد . . . ما لحقتي عليها . . انتي كييف ييتي اهني ؟ وويينه سيف . .

عذاري : هييه سيفوه وينه ماششفنااه . . ماعزيناه بعد . .

مهره تطالعهم : سيف معرس . .

عذاري + روضه : ششششششششوووووووووه . . ؟؟؟؟

مهره نزلت راسها بحسره : ترى انا مارحت شهر العسل ولا رحت مكان . .

عذاري : انتي شوه يالسه تقولين فهمينا . .

"مهره تتنهد ب عذاب وتقولهم السالفه باختصار . . ( من غير ما تطري سالفه حمد )

عذاري : السافل الحقييييييييييييييييييييييييير . .

مهره : الله يخلييكم مابا اي حد يعرف اني ما سافرت . .

روضه تنزل دمعتها وتمسك ايد اختها : حبيبتي مهور .. كيف عايشه انتي . . كيف . .

مهره تتنهد : آآآه . .الله كريم . . لا وتدرون المفاجاه الكبيره شوه . .؟ اني حاامممل . . وسيف مش معترف فـ ألي ف بطني ..

عذاري تقوم بعصبيه : مش محتايه حق هالووواطي . . اطللللللللللللللللقي . . نحن نروم نربي الي ف بطنج . . ماعاااشششششش الي يذلج . .

روضه : تطلق ؟؟؟ والياهل يعيشش مشتت . . !! شوفي حامل جسوم و وفوي . . لو شو ما سويت ماقدر اعوضهمممممم عن حنان امهم . . اي مصير الي بتصنعه للياهل . .

عذاري ب عصبيه : لا والله . . واختي تتتعذب عشان هالخايس . .

روضه : عشان الي ف بطنها تقدر تتحمل . .

عذاري : انتي لانج مش مجررررربه ما بتحسين . .

روضه : ولا انتي بتحسين كيف الضنا غالي وكيف انج ما تبينه يتشتت . .

سكتت عذاري . .

روضه : محد يعوض مكان الام والابو صدقيني . . وجودهم مهم وايد . .

مهره تتهند : صح . . بس ليش . . ليش انا مش فرحانه ؟؟

عذاري : كيف بتفرحين يالغاليه وهالخايس مشكك ف الي ف بطنج . .

مهره : ماحس باحساس الامومه ولا باحساس الحرمه الي تحممل وتستانس ب ضناها . .

روضه تمسك ايدها ب حنيه : بتحسسين . . بعدج مصدووومه . . بتحسين وبتستانسين ع الوضع واايد . .

عذاري : ماظن . .

روضه تبتسم : كل الي صار خيره لج حبيبتي . . ماعليج من كلام عذور . .

عذاري : انا خل يطيح سيفوه بايديني بس . .

روضه تطالع عذاري : عذووور قومي من اهني خليني ارمس مهور . .

عذاري : ما بقوم . .

مهره : بلى قومي يالله عشان تدرسين . .

عذاري : افففففففف . .امحق دراسه . . كيف بدرس وقلبي محرووق . . ماعليه يا سيفوه ماعليه يالعنززز . .

مهره تبتسم . .

راحت عذاري عنهم وهيه تتحرطم . .

روضه : بس هالموضوع ؟ مافي شي زياده ؟

مهره : ممم . . بس . .

روضه : اعرف انه في شي بعد . . وما تبين تقولين . .

مهره : اذا انظلمتي ف شي انتي ما سويتيه . . واعتبرت خياااانه ويا ليت خيانه بسيطه . . شكو فيج لدرجه انهم تخيلوج تخونين ب الجسسد بعد . . شو بتسوين . .

روضه : انظلمتي .؟

مهره تهز راسها ب معنى هيه . .

روضه : الله فوق . . وصدقيني عممره المظلوم ماتم مظلوم . . ربي بياخذ لج حقج . . تأكدي من هالشي . .

حطت مهره راسها ف حظن اختها وتمت تصيييح بهدوءء . .

روضه تبتسم : صيحي حبيبتي . .صيحي وطلعي الي ف قلبج . .

مهره : ليت الي ف قلبي يطلع ب دموع ياروضه . .

روضه : سيف يدري انج اهني .؟

مهره تقوم من حظنها : رووضوه . .سيف خلاني ف المستشفى وراح " تحط ايدينها ع ويه روضه " تعرفين شووو خلاني ورااااااااح . . مش اول مره يخليني ويررررررروح . . تعرفين كيف هالشعور يعذب ويعوووور . .

روضه وقلبها معصور : الله بياخذ لج حقج . . وبيندم ع كل شي سواه . . بذكرج . .

مهره : انا مااباه يندم . . اباه يفهم الصدق بس " تنزل دموعها " انا وايد تعبانه . . واايد . .

روضه تحظنها : الله يريحج يارب . .

.

.

.

منصور يدخل عند سلامه ويشوف نظرات الخوف فيها . .

سلامه وعيونها ضيجه : وين اهلي . . ليش محد ياني ؟؟ اهلي عرفو شي صصصصصح ؟

منصور يتنهد : شو الي سويتيه انتي عشان تين المستشفى ؟

سلامه : خبرني اول شوه مستؤؤؤؤي .. !!!

منصور : ولا شي . . بس بغيت اعرف ليش انتي ف المستشفى . .

سلامه تطالع الارض . .

منصور : حاولتي تنتجرين صح ؟

سلامه تطالعه ب عيون خايفه . .

منصور : خايفه مني ؟ خاايفه انج تقولين لي انج حاولتي تنتحرين وماخفتي من ربج !! يا كبرها يا سلامه . . يا كبرررها . .

سلامه : انت ما تدررررررررررري شصار ماتدري . .

منصور : لو شو ماكان السسبب . . الانتحار من كبااااير الذنووووب سلامه .. عن أبي هريرة رضي الله عنه عن النبي صلى الله عليه وسلم قال : ( مَن تردى من جبل فقتل نفسه فهو في نار جهنم يتردى فيه خالداً مخلداً فيها أبداً ، ومَن تحسَّى سمّاً فقتل نفسه فسمُّه في يده يتحساه في نار جهنم خالداً مخلداً فيها أبداً ، ومَن قتل نفسه بحديدة فحديدته في يده يجأ بها في بطنه في نار جهنم خالداً مخلداً فيها أبداً ) ..

سلامه تنزل راسها ب ندم . .

منصور : انتي متخيله انج لو متي شوه بيكون مصيرج . . افتكيتي من عذاب الدنيا الي هيه مؤقته و كنتي بتمين ف الاخررره متعذبه ف جهنم طووووووووووووول عممرج !!!! " بصدمه " انا مصدوم كيف قدرتي . . .

سلامه : انت ما مريت ب الي انا مريت فيه . . .

منصور عاقد حياته : تببقى اموور دنيويه . !!!! ليش توصلين نفسسسج لهالمستوى . . اسمحيلي بس طحتي من عيني . . . انتي ما تخافين من ربج . !!!! ما خففففتي . .. . اي مصير كنتي بتعيشينه ف النار . .

سلامه تبلع ريجها . .

منصور : توبي عقب ما تقومين بالسلامه . . تووبي ع الغلطه العوده الي سويتيها . . واحمدي ربج انج بعدج عايشه وما متي على معصية . . .

سلامه تتنهد ب ندم : ان شاء الله . .

منصور مبتسم : شوه تحسين الحين ؟

سلامه : الحممدلله احسن . .

منصور : شو اخر شي تذكرينه !

سلامه : اني طحت فالحمام الله يعزك . .

منصور يتنهد : ممم . .

سلامه : منو يابني المستشفى ؟

منصور : ماعرف .!

سلامه : وليش اهلي ما يوني . . .!!!

منصور : منو قالج محد ياج . .! هم طوووول اليوم عندج بس كنتي راقده . .

سلامه : انا ناشه من العصر ومحد ياني . .

منصور : الدكاتره ماكانو يخلووون حد يدش عليج اصلا . . ولا هم طول اليوم عندج . .

سلامه : وانت كيف دخلت . .

منصور : واسسطه . . " يغمزلها " اعرف الدكتور . .

سلامه تبتسم : حتى فالمستشفيات واسطه . .

منصور يقوم : شرايج اشتريلج عشا . . !

سلامه : لا الحممدلله تعشيت وشبعانه . .

منصور : ممم زين خلاص عيل اترخص عنج عشان ترقدين . .

سلامه : مافيني رقاد . . كيف ارقد . .؟

منصور : ممم . . . انزين ماعليه انا مضطر اروح الحين . .

سلامه تعدل شيلتها وتتحجب عدل : انزين . .

منصور :ارتااحي عشان تقومين بالسلامه بسسرعه . .

سلامه : ان شاء الله . . .

منصور يردلها : صح ذكرت . .ليش حاولتي تنتحرين ؟

سلامه تبتسم : خالد اخوي كان يعرف وساكت . . كان يبا بيزات بعد . . بيزات بدون تعب . .

منصور عقد حياته : ان الله يمهل ولا يهمل ..

سلامه ما سمتته : قلت شي ؟

منصور يطالعها باهتمام : لا سلامتج. . يالله بترخص عنج . .

سلامه : مرخووص . . مششكور منصور ..

منصور يعطيها ظهره و حس ب قشعريره من قالت اسمه . . : العفو . . " يصد لها " سلامه . .

ويطلع . . . اما هيه ردت انسدحت وتفككر !

منصور يتصل ف عذاري . .

عذاري : هلا منصصص . .

منصور : ششقاعده تسوين . .

عذاري تلعب بالقلم : اونه ادرس . .

منصور : شرايج اوديج عند سلامه . . اهلها ف العزى ومحد يا صوبها مول . .

عذاري : الوقت متاخر !!

منصور : عادي انا بترياج لين تخلصين . . .

عذاري : مش ممنوعه الزياره هالوقت . .

منصور : لا تحاتين هالشي . .

عذاري : خلاص اوكي . . وبقول حق مهور تي ويايه بعد . .

منصور : مهاري اهني ؟

عذاري : هيييه . . .

منصور : يالله تمام . . شوي وبممر عليج . .

عذاري : اوكي ..

وبند عنها . .

نزلت عذاري تحت : مهوور بتين وياي بنسير عند سلـامه ؟

مهره : هييييه بسير . .

روضه : ودي اي معاكم بس محد بيتم ويا اليهال . .

مهره : خلاص انتي روحي وانا بقعد معاهم . .

عذاري : يالله منصور احييين ياي ..

روضه : لالا انتي روحي هالممره وباجر انتي قعدي وياهم وانا بروح . .

مهره : انزين . . " تطالع عذاري " يالله لبسي عباتج . .

.

.

.

نآصر يركب الطياره . . ويبتسم بـ قلب معصور . . يطالع الجامه ب نظره جامده . . وف قلبه ألم فظيع

حـان الـوداع ولابقـى للعـتـب دور

الله لنـا وفجـوج ربــك وسـاعـي
دام الزمالة ماهـي احسـاس وشعـور
ماللزمالـة بـعـد هالـيـوم داعــي
قلبي علـى المقفيـن ماهـو بمقهـور
مـن بـاع للعشـرة مصيـره يباعـي
لا تعتـذر مـادام صاحبـك مسـرور
اللـي علـى شانـه بذلـت المساعـي
يبقى رفيقـك وانـت بالفعـل معـذور
يمشي على ماقلـت وامـرك مطاعـي
دامـه علـى ماقيـل منهـي ومامـور
بدري على شـرواك لويـت ذراعـي
فنجالك اللي سقت مـن يـدك منثـور
لاصـار منتـه للزمـالـه مـراعـي
من يخـدم الانـذال ماهـو بمشكـور
ومن يزرع الصبخا جـداه الضياعـي
تـوّي لقيـت لعلّـه النـذل دكـتـور
البعد عـن شوفـه يزيـل الصداعـي
مافيـه داعـي ينفضـح كـل مستـور
عيني تشوف الـدرب والقلـب واعـي
نـور الحقيقـة بـان والعلـم مخبـور
شفت السبـاع وشفـت روس الأفاعـي
ما كنت اصدق فيـك ياضايـع الشـور
دايـم وانـا دونـك مكثّـف دفـاعـي
افلح ... قبل يضربك رمحي على الزور
والحـق خويـك ياحليـب المـراعـي
عين بكت فرقـاك تحـرم مـن النـور
لاتنتظـر بعـد الــوداع اجتمـاعـي

.
.
.
.

حمد ب تعب ينسدح ع غنفه الصاله .

بو خالد : حمود سرت عند اختك ؟

حمد : اختي ؟

بو خالد : انا ما قلتلك مرر اختك فالـ مستشفى . .

حمد : متى قلتلي ماسمعتك . .

بو خالد ب عصبيه خفيفه : والله انك هرررم وماتستحي . . اختك بروحها اهناك وانا من متى مخبرنك . .

حمد يقوم يبوس راس ابوه : والله ماسمعتك فديتك . . الحين بسير . .

عنود : انا بي معاك . .

.

.

.

سيف سار بيت مهره اول ماوصل . . دق الباب بقوه وخافت روضه ! لبست شيلتها وبطلت الباب لانه الخدامه راقده . .

قبل لا تبطل الباب . .

روضه : منوو ؟

سيف يحاول يهدا : سيف . .

بطلت الباب بسرعه : هلا سيف . .

سيف : مهره وين . .

روضه عاقده حياتها : ف المستشفى . . سارت تشوف سلامه . .

سيف : منو يابها اهني ؟ حمممد صح ؟

روضه : حممممممد !!

سيف : روضه لا تجذبين . .

روضه : والله ممماعرف . . مآ سآآآلتهآإ !!!!

سيف ودرها وراح . . . ومتوجه للمستشفى بسرعه جنونيه . !!

.

.

.

مهره تحظن سلامه : الحمممممدلله على سلامتج . . .

سلامه : الله يسلمج يارب . . والله فرحت بشوفتكم . .

عذاري : بسج شدي حيلج وقومي بالسلامه يالله . .

عنود تدخل وعقبها حمد : السلام عليكم ..

مهره تطالع حمد ب صدمه وحمد بادلها نظرة الصدمه : وعليكم السلام . .

عنود تحظن سلامه : فديييتج والله خفت عليييج وايد وايد . .

حمد يبوس راس اخته : تستاهلين السلامه . .

سلامه : الله يسلمكم " تطالع اشكالهم " ليش جي . . . شكلكم تعبان . .

حمد : احسن الله عزاج . . .

سلامه تبتسم ب برود : في منو . .

مهره تطالع حمد ب نظره عشان يسكت ما يقول شي . .

حمد : ماخبرتوها .. ؟

سلامه تطالع عنود : عنود شو السالفه . .

عنود تمت تصيييح ف حظنها . .

سلامه ب صوت عالي : شووووووووووو السالفه خبرووووووووووووووووني . .

عنود : خالد راااح راح . .

سلامه تصارخ : كييييييف رااح . .

حمد : مات هو وحرمته ب حادث سياره يوم ودوج المستشفى . .

سلامه تحط ايدها عويهها : لاااااااااااااااااااا . . مسسسسسسستحيل مستحيل . .

عذاري تمسك ايد سلامه : هدي حبيبتي هدي . .اذكري الله . .

مهره تطالع حمد ب عتب : ماكان المفروض ترمس الحيين . .

حمد باستغراب : حسبالي خبرتوها . .

دش سيف الغرفه بسرعه . . . ويوم شاف اليمعه كلها والصراخ ألتهى . .

سيف يطالع حمد : شفيها . .

حمد بهدوء : ماكانت تعرف ان خالد مات . .

سيف يتنهد : تعال اباك برع . .

حمد يطلع ويطلع وراه سيف . .

مهره شافتهم بخوف وماقالت شي . .

سيف : انت يايبنها اهني . .

حمد : يبت منوو !!!!

سيف : لا تسسستهبل عشان ما اذبحك الحين . .

حمد باستغراب: شوووووه عرفني عن شوه ترمس ؟

سيف : انت يايب مهره اهني ؟

حمد عاقد حياته : انا مادري انها اهني الا توه . .

سيف بعصبيه : حممممممممممموود بجتلك والله لاجتلك . .

حمد : والله ما يبتها ولا اعرف شششي . .

سيف يودره وحس انه صادق . . . : مهره حامل منك ؟

حمد انصصصصصصدم وعطاه بكسس بالقو . . .

حمد : انت واحد واطي . .

دش داخل وخلا سيف برا . .

دخل سيف عقبها ووعينه على مهره : يالله قومي . .

عذاري خافت على مهره : وين بتوديها ؟؟؟

سيف مبتسم : تسألين ريال وين بيودي حرمممته ؟ " يطالع مهره " سمعتيني ؟

مهره تتنهد وتكلم عذاري : لا تخلينها رروحها بهالحاله . . .

عذاري ماسكه ايدها : لا تروحين . .

حمد لاحظ ان عذاري تع ـرف الي صاير . .

مهره تبتسم : اختج ششجاعه . . ماعليها خوف .. .

وقامت من غير ما تسلم على سلامه وعنود لانهم كانو يصيحوون وايد .!

حمد وقفها وجابلها : انتي بخير . .

مهره : قوم حممد عن دربي . .

حمد : يضربج ؟ معذبنج . . خبريني . .انا السبب ف الي تمرين فيه . . .

مهره ما ردت عليه ومشت . .

عذاري طالعت الموقف بتعجب . .مع انها ما سمعتهم ! لكن شافت نظرات حمد المتششته وهروب مهره بهالطريقه ّ! في شي ما قالته مهرره . . وشكله شي مش هيين . .

طلعت وشافت منصور واقف ويا سيف ويسلمون ع بعض . .

منصور : شووه خلاص .. بتردين ويا ريلج . .

مهره مبتسمه ب خوف : هيه . .

سيف يمسك ايدها : يالله اجلب ويهك . .

منصور يبتسم : الله يحفظكم . .

كانت مسكت ايده وايد قويه . . ومششو . .

>> ششو نآوي سيف . . شو الي ناوي يسويه فييني اكثر من الي سواه . . يذبحني !! يمكن هالمره يذبحني صدق . . . ما بيخليني ف حالي اكيد ما بيخليني في حالي . . ما بيرتاح لين يشوف الدم علي . . " بلعت ريجها ب خوف وكملت طريقها وياه "

.

.

.
__DEFINE_LIKE_SHARE__

«ضَحِيًة حِبُيًبُيً ..}● · 03-02-2011, 11:38 AM

.
.
.

انا ماعرف ليش هالدعايا طلعت ف نص البارت . .

يعني مش شي مهم لا تفتحونه :d __DEFINE_LIKE_SHARE__

ملاك الروح · 03-02-2011, 03:44 PM

تسلمييين حبيبتي ع الباارررت الحلووو يالله نتريا الي بعده وبصرااحه حبيت القصصه , آحسٍآسج حلوو فـ عرض القصص اششكرج ونترياج =) , __DEFINE_LIKE_SHARE__

roro12345 · 03-02-2011, 04:16 PM

تسلمييين ضحيووه ع آلبآرت وربيييي طررر =)
متحمسيين نبغي نعرف آلبآرت آليآي =p

آتمنى مآ آطولين وآحنآآ مقدرين ظروفج حبيبتي ..
وآنشالله يكون آلبآرت آلياي آطوول من جذيه ^^* __DEFINE_LIKE_SHARE__

دلوعة 87 · 03-02-2011, 04:32 PM

وييييــه اليوم بس قريتها .. قلت بتسلى بالدوام
بس الصراحه ما توقعت بندمج
بديت فيها الصبح والحين بس خلصتها
مافيي صبر
ابا النهايـــه هههه

الصراحه اسلوبج بالكتابه يشوق
الله يحفظج

واترياا البارت الياي بلهفـــــــــــه...لا تتأخرين علينأ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM