وطتّ رجليّ علىً دربه و لآآإ آإدريّ وشّ نؤوى فيني .! - الصفحة 103

«ضَحِيًة حِبُيًبُيً ..}● · 04-07-2011, 10:00 PM

.
.
.

اسمحولي ع التاخير بس ظروف البروجكتات والله
بالنسبه للي يبوني اطول البارت ترا الكتابه اصعب من القرايه

فاسسمحولي اكتب الي اقدر عليه
وؤؤؤخلكم جي تعطوني دافع وتشجيييع هههه
لا عدمت والله
وان شاء الله قد ماقدر بحاول اعوضكم فالويكند __DEFINE_LIKE_SHARE__

«ضَحِيًة حِبُيًبُيً ..}● · 04-07-2011, 10:01 PM

.

.

البارت الـ 53

مهره تمت تطالعه بنظرات مش مفهومه . .

سيف : خبريني . .

مهره تطالع باستغراب : تبي تعرف ؟

سيف : ابي اعرف الصدق بس . .

مهره تنزل راسها : انت ما سمعتني قبل . . " تطالعه " ليش تبي تسمعني الحين ؟

سيف : خبريني . . " ابتسم " وخبريني كل شي بصراحه . . " مسك ايدها " ومابيج تخافين من اي شي . .

مهره تبلع ريجها . . .

سيف يطالعها بنظرات امان . . : تكلممي . .

مهره تتنهد : هيه . .

سيف حس ان حد صفعه كف ع ويهه . . واحس ان انشل ما قدر يقول اي شي . .

مهره : حمد كان " تنزل راسها وتلعب باطراف الشيله " كل شي بالنسبه لي . . الحلم الاول والاخير . . مادري كيف مشاعر الحب انولدت ووكيف تعلقنا ف بعض بالشكل الكبييير . . بس " تطالعه " عمري ما تخيلته انت . . عمممري ما كلمتك وشفتك انه هو . . حمد ذاك اليوم كان منـهااااار وقال كلام بروحه يعرف انه غلط . . وماقدرت ادافع عن نفسي واقولك ان كلامه غلط لانك ما كنت تبي تسمعني . . والله يا سيف مشاعري معاك صادقة . . . قبل لا اتزوجك كنت ماخذه عهد ع نفسي ماحب غيييره لكن الشي صار مش بايدي . . انا حبيتك . . واحااول انكر هالمممشاعر قد ماقدر وماعترف فيها لحد !!! صح اني حبييتك بس بامانه شي بداخلي يقول لا !! مع اني عارفه اني احبك . .بس عشان هالعهد كنت اعيش بحرب مع نفسي . . مش معناته اني بعدني احب حمد ! انا اذكر ذاك اليوم الي قطعت فيه الوعد واذكر ألم قلبي كيف كان فظييع !! علششان جذي كنت اتجنب هالالم . .

سيف يطالعها : يعني ؟ حبيتيني ؟

مهره تبلع ريجها : هيه . .

سيف : وعشان حمد ما عترفتيلي ؟ عشان حمد تصارعين نفسج ؟

مهره : عشان العهد . . ها العهد فيني من سسسسسسسسسسسسنين !!!! علشان جيييه ماعرفت كيف لازم اكسره . . مع ان ما يباله وايد !!!! مجرد اني اعترفلك بحبي بكسر الوعد لكن في شي داخلي كان خايف . . .

سيف : تخسريني مثل ما خسرتيه . .

مهره : يمكن . . ماعرف اوصفلك . .

سيف يتنهد : كلامج غرييب . .

مهره تطالعه : بتصدقني لو قلتلك الماضي ما يعنيلي شي الحين ؟ ولا حتى شوووووووي

سيف يطالعها باهتمام . .

مهره : بتصدقني لو قلتلك انت تعنييييلي الدنيا و اهلها . .. ؟ " تحط عينها ف عينه " بتصدقني لو قلتلك اني والله احبك . .

سيف يغمض عينه ويتساند ع السيت . .

مهره : انا وايد احبك . .

سيف يفتح عينه ويشوف نظرة الصدق فـ عيونها . . : اصدقج ف كل شي قلتيه . . " يتنهد بضيج " يالله نزلي عشان ناكل . .

مهره بضيج : ماشتهي اكل شي . .

سيف سكر باب السيارة وحرك راد الفندق . . ماعرفت شو تتصرف او شو تقول . . !! كل الي سوته شبكت ايدينها ب بعض وتمت منزله راسها طوول الوقت لين وصلو . . صدالها بـ اكتئاب فظيع . . وماقدر يقولها غير . .

سيف : اانا بسير عند ميثا . .

مهره ماردت عليه . . بطلت الباب ونزلت من السيارة ومشت بهدوء . . شوي وسمعت الباب يتسكر بقوه عرفت انه نازل . . وحست بخطاويه تتبعها . .

اول ما دشت جابلت شوق . .

شوق مبتسمه : شصاااااااااار " شافت سيف ورا مهره ومعصب " شو مستوي ؟

مهره تبتسم : تعالي وياي . . بيروح عند ميثا . .

سيف كان يسمع بس ما يقول شي . .

مسكت شوق ايدين مهره وخذولهم لفت . . راقبها سيف لين تسكر باب اللفت وصعد اللفت الثاني متوجه لـ ميثا . .

مهره تحس بدوخه وتمسك ايد شوق بقوه . .

شوق : شفييييييييييج . . شو صابج ؟

مهره تحط ايدينها ع راسها : ماشي بس يوم ما اكل تيني هالحاله . . " تعطيها الشنطه " طلعي المفتاح . .

طلعت شوق المفتاح وبطلت الباب ودشو سوا . .

.

.

.

سيف : لا تستفزيني . .

ميثا : ما بعيد كلااااامي . . انا مشششش مستحمله تكون شوي عندي وشوي عندها خلاص مليت من هالششششعور . . اختاااااااااااااار يا انا يا هيييييييييييييييه !!

سيف يتنهد : مييييثا دخيلج الي فيني كافيني . .

ميثا سارت صوب المطبخ ويابت سجين عود وبتحطه ف بطنها . . ركض سيف صوبها وشله عنها وفره بعييد . .

سيف بعصبيه : اتخبلتي انتي اتخبلتي . .

ميثا بعصبيه : ماستحمل اشوفك عندها ماستحممممممل . .

سيف يخليها تجابله ويمسكها من جتفها ويطالعها .. كان يبي يقولها كلام بس ماعرف شو يقول . . يغمض عينه ويفتحها يحس انه يشوف مهره جدامه . . سار صوب المغسله وغسل ويهه اكثر عن مره وردالها . .

سيف : هديتي ؟

ماردت عليه . .

سيف : خلاص حبيبي . . لا تسوين جي فيني . . تعرفين اني ماقدر اعيش بدووونج . .

ميثا : ااذا ماعدت تحبني خبرني .. بطيح اليااهل وبنهي السالفه معاك . .

سيف : بطيح رووحج . . " يحط ايده ع بطنها " هذا الغالي . . " يطالعها " حقج علي خلاص . .

ميثا : لو عاطني انا يوم وهيه يوم بنقول . . بس انت صاير كله تجابلها كله عننندها وانا شوووه ؟ مالي حقوق عندك . .

سيف يتذكر نظرة مهره وهيه تعترف له بمشاعرها . . جمع ايدينه الهنتين وحطهم ع راسه وهو يقول ف خاطره " بس خلاص خووزي من بالي خووووووووووزي "

ميثا بتانيب ضمير : انا اسفه لو زدت عليك . .

سيف مارد عليها . .

ميثا مسكت جتفه : حبيبي شفيك . .؟؟

سيف يصدلها ويتم يطالعها وبعده يشوف مهره جدام عينه . .

سيف : حبيبي خلاص انا تعبان . . والله وايد تعبان . . لا تزيدين علي الحيين . . لا تفتحين لي مواضيع الطلاق وهالسوالف كلها . . قلتلج هالامور بعدلها بس عطيني وقت شوي .. دخيلج . .

ميثا : ان شاء الله . .

سيف قام بيسير الغرفه . . : ببدل وبردلج . .

ميثا تبتسم : بترياك . . تعال بنشوف فلم . . لا تتاخر . .

سيف يبتسم بدون نفس . .

سار الغرفه واتصل فيها ع طول بس ماردت . . اتصل مرتين ثلاث اربع . . وردت فالمره الخامسه . .

سيف بعصبية : ساعة لين ترديييييييييين !!!!!!!!!

شوق : سيف انا شوق . .

سيف : وينها مهره ؟

شوق : مدوخه وطايحه . . تعبانه شوي . .

سيف : شفييييها توها ماكان فيها شي ؟؟؟؟؟؟؟

شوق ماردت عليه . .

سيف : خلاص انا الحين ياي . .

شوق : اوكي . .

وبند سيف ..

>> احين بتسويلي حركات بنات . . واونها تعبانه علششان انا اروحلها وأهد ميثا . .

عقب 10 دقايق .!

يفتح سيف الباب وشال معاه كيس فيه اكل وشنطة فيها ملابس ميثا . . دخلت ميثا وراه وهي تضحك . .

سمعت مهره الاصوات وعرفت انه ياي ويايبها معاه . .

سيف : دخيلج مابا مشاكل سمعتي ! انا يبتج اهني عشان تكونين تحت عيني واشوفكم اثنينكم وماقصر ف حد لو احتاي شي . . " يأشر لها ويعطيها الشنطه " سيري . . اهناك غرفتي . .

ميثا : اعرف ! مش اول مره ادخل اهني . . " تبتسم " ليكون تتحراني برقد وياها عيل ؟

سيف : جان زين

ميثا : قصصصصوووووووووووري

سيف عقد حياته . . : انا شو قايل . .

ميثا : سوري حبيبي نسيت . .

وغابت عن عينه . .

سيف متحرقص يبي يدش عندها . . دق الباب بشويش . . ودخل ماتريا منها جواب . . منسدحه وحاطه اييدها اليمين ع راسها وايدها اليسار ع بطنها . . تطالعه وهو يتجدم لين قعد ع السرير . .

سيف : شفييج ؟

مهره تبتسم : ماششي ّ بس ارهاق . . من ارقد بصير زينه

سيف : شوق تقول انج كنتي مدوخه

مهره : هيه دوخه عادية بسيطه

سيف : يالله قومي بناكل رباعه

مهره بعيون ضيجه : ترمس جد ؟

سيف : هيه !!

مهره : ماريد اكل . .

سيف : عشانها معانا يعني

مهره : افهم الجواب ع كيفك . .

سيف : لاترمسيني بهالاسلوب

مهره : خلاص سيف . . خلني برقد

سيف : قومي بتاكلين . . ما بعيد رمستي مرتين

مهره : قلتلج مابي اكل

سيف يطالعها : بتكسرين كلامي

مهره : انا ماكسر كلامك . . ششو يخصه ؟ انا مابي اكل . . مافيها اكسر ولا ما اكسر

سيف : وانا قلتلج قووومي ! وانتي تقولين لا !!! ها شو معناته "؟ تعصصيني . .

مهره تتنهد بضيج وقامت بشويش . .

ما قال شي ولا عطاها ذاك الاهتمام . . طلع من الغرفه وطلعت وراه وكانت ميثا قاعد ترتب الاكل ع طاولة الطعام . .

ميثا : عشان خاطرك بس . . دلعتك ودلعت عديلتي . . بس لا تتعودوووون ..

سيف : اعرف ان انتي اصلا ما منج اثنيييين فالدنيا . .

ابتسمت ميثا وقعدت على يمينه . . اما مهره قعدت مجابلتنه . . توقع انها بتقعد ع يساره بس فاجئته . .

سيف يطالعها بنظرات تركيز . . ماعرفت شو يقصد منها . . سمت بسم الله وبدت تاكل !!

ميثا تمد له لقمه من ايدها : بطل حلجك حبيبي . .

سيف يبتسملها بحنان وياكل من ايدينها . : يممم . .

ميثا : صحتييين فديت روحك

سيف يطالع مهره : ع قلبج حبيبي

اما مهره تمثل اللامبالاه وهيه تحس قلبها ينعصصر ..

تمو ياكلون بهدوء . . لين ما ميثا حست بعوق بسيط ف بطنها وعقت الشوكه

سيف يصدلها بخوف : شفيييج حياتي ؟؟؟

ميثا : مادري احس بألم . .

سيف : بسم الله عليييج شفييييييج شو ياج مره وحده . .

ميثا تمسك ايده : لاتحاتي حبيبي عوق خفيف بيخف الحين . .

قام سيف وقومها معاه لين ما وصل الغنفه . .

سيف : طيحي عشان ترتاحين . .

طاحت وغمضت عينها . . وهو كان ع الارض ماسك ايدها بقوه ويمسح ع شعرها . .

حطا ايده ع بطنها : الحين احسن ؟

ميثا ماردت وتمت مغمضه

سيف باس بطنها وتم حاط ايدينه عليه

سيف : ارتاحي حياتي . . ارتاحي حبيبي . . ارتاحي بعد عمممري انتي

ميثا تبطل عيونها : حبيبي " تسحب راسه وتحطه فحظنها "

سيف بخوف : انتي احسن ؟

ميثا : بستوي احسن حبيبي . . خلك عندي بس

اما مهره !

غمضت عينها بألم . . حطت ايدينها ع بطنها . .

>> ليش انا لا . . ؟ ليش انا ولا مره مسك بطني وقالي نفس الكلام ؟ ولا مره حسسني انه يبي هالياهل الي ف بطني . .!! ولا اهتم فيني لهالدرجه ! سيف ما يحبني . . ما يحبني كثر ما يحبها . !! انا شووو جدامه شوو ؟ ولا ششي ! اكيد كل الكلام الي قالي اياه اليوم عششان يجبر بخاطري بس

قامت من مكانها وهيه تحس بألم في قلبها . . وتحس ب تعب اكثثثر . . تحس ان هيه الي تستاهل الي يهتم فييها . . ما قالت ولا حرف . . مشت جدام عينه ودخلت غرفتها وسكرت الباب !

.

.

.
__DEFINE_LIKE_SHARE__

حصر الحلآ}~ · 04-07-2011, 10:20 PM

يسلمووووو ع البارت الحلو
يالله كملي فدييتج نتريااا

حماااااااس فيني خخخخخخخخخخخ __DEFINE_LIKE_SHARE__

حرم سهيل · 04-07-2011, 10:25 PM

|[ ضحووووووووووويهـ آحببببببببج وآآآآآآآآيد ..~

آمـآإ . آلبـآإرت خطييييييييييييييير ..~

بس وحليلهـآإ مهرهـ تعبت من كثر مـآإتصرط آإموآإس عشآأإن خآإطر سيف ..~
وسيف مب حآإس آإلآإ يزيد آإلعوووووووووق عووقيين ..~

آحسآإسي يقوول آإن ميثـآإ مآإبطول فحملهـآإ وبيطيح آإليــآإهل ..~

ومن عقبهـآإ بيطلقهـآإ سييييييييف ..~

تسلمين ضحووووووووووويهـ آإلبـآإرت روووووووووووعهـ keep going }..~ __DEFINE_LIKE_SHARE__

roro12345 · 04-07-2011, 10:51 PM

آلبآآآآآآآآرت طرررررررررر

ثآآنكس حبي ع آلبآرت ..

بس مب جننه آقصر عن آللي طآف ههه =p __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM