حبها بدون ما يشوفها و ماتت يوم شافها ( قصة واقعية روعه )

دبدووب · #1 12-29-2008, 11:07 PM

حبها بدون مايشوفها وماتت يوم شافها000 (قصة واقعية)
000000000000000000000000000000 00000000
حكاية شاب وسيم عمره بين 22 و23 ما يعرف عن الحب شي

ولا مره بحياته حاول انه يعرف شي عن الحب

له طله مقبلوه واللي يشوفه على طول يحبه

سافر والله وفقه بوظيفة بس بعيد عن منطقة أهله اللي ساكن فيها والمكان اللي توظف
فيه يمشي الحال بس زيارات البنات علي المكان هذا كثيرة

وبيوم جت وحده ودخلت المكان هذا وشافت الولد هذا فأعجبت فيه و أخذت رقم المحل
لأنه موجود على اللوحة برا ويوم راحت للبيت اتصلت عليه وحاولت تحتك فيه بالكلام بس حست أسلوبه جاف شوي ولا قدرت تأخذ وتعطي معه

وصار كل يوم الساعة 11 المساء تتصل عليه على شان تتعرف أكثر عليه

وتتكلم معاه وهو ما يعرف ايش يقول بس يسمع ويقول إيه

ولا طالت الأيام على الطريقة هذي تشجع مره وسألها أنتي ايش الهدف من مكالماتك هذي ولوين تبين توصلين هي جاوبت على طول لأنها منتظره السؤال هذا قالت أبي أوصل لقلبك

قال : طيب آنا ما اعرف شي عن الحب ولا حتى اعرف أتكلم فيه ولا افهم لغته

قالت :أنا بعلمك على أيديني وأخليك فيلسوف حب

المهم طالت المحادثة وجت أيام وراحت أيام وعلى الطريقة هذي وهي تعلم فيه وهو يستوعب بسرعة لين خلاص حب الولد من كل قلبه لدرجه انه صار ما يقدر ينام الليل من كثر التفكير فيها وكل أصدقاءه صاروا يحسون انه متغير ولا يأكل ونحف وصار يفكر كثير ويسرح كثير وأحيان يخطي باسمها وينادي أصدقاءه وهم ما يبون يسألونه من الاسم هذا لان من شكله مبين انه حب وخلاص أعلى مراحل الحب وصل

دارت الأيام ومرت سنه على الطريقة هذي ، واتصل عليها بيوم وكان مزعوج قال لها :أنتي شفتيني وشفتي شكلي وعرفتي أسلوبي وصار لنا سنه الحين ولا شفتك ولا حتى شفت صورتك قالت له :انتظر شوي لين يضبط وضعي وأخليك تشوفني

قال : لا ..لا.. لازم أشوفك وما راح اسكر لين توعديني متى ؟

قالت : طيب الخميس الجاي راح نطلع للمكان الفلاني نتقابل هناك والكلام هذا كان يوم السبت

تخيلوا الانتظار كيف راح يكون من يوم السبت لين الخميس صعب لحظات عمره كان مقضي يومه كله نوم على شان بسرعة الأيام تمشي

وصل يوم الأربعاء وبدا يفكر :
كيف راح يكون شكلها طويلة قصيرة بيضا سمره نحيفه دبدوبه حلوه مثل ما هو راسمها بخياله ؟

كان يفكر بكل شي

واتصلت عليه يوم الخميس قالت له : يالله طالعين وسيارتنا كذا شكلها ولونها كذا ورقم اللوحة كذا

قال : تمام .. اسمعي آنا كل الطريق مقدر اصبر أبيك كل دقيقتين تشيكين على جوالي على شان أحس انك معاي موجودة وادري انك ما تقدرين تكلمين لأن اهلك معاك صعبه بس اقل شي كل دقيقتين شيكي

قالت :اوكي

تحركت السيارة وهو حرك بعدها على طول وكل دقيقتين تجيه تشيكه وعلى الجوال لين انقطعت التشييكات اكثر من عشر دقايق

ما قدر يصبر أرسل رسالة ولا ردت عليه تردد بالاتصال تردد و تردد كثير ما يدري يتصل آو يخاف يحرجها مع ا هلها

المهم قرر ويوم دق على جوالها مر من جنبه سيارة إسعاف متجهة بنفس الطريق اللي هو يمشي فيه من كثر ما هو مخبوص نزل الجوال جنبه أسرع ورا السيارة وخلى الجوال يدق ( معاودة الاتصال آليا ) المهم وصل شاف حادث اكثر من رعب منظره مافيه
عائله كاملة يمين الخط منتثرة فيها أربع بنات وشايب وحده عجوز كلهم حالتهم وإشكالهم ميئوس منها بشكل خيالي

السيارة هي نفس السيارة ونفس اللوحة ونفس اللون بس كيف راح يعرفها بين البنات الأربع وهي ما وصفت له حتى شكلها نزل مع اللي نزلوا يشوف بقايا حلمه وبقايا أمله صار يناظر يمين يسار ولو يشوفها ما راح يعرفها

سمع صوت جوال يرن حاول يتبع الصوت لقى وحده من البنات ماسكه الجوال ويرن بيدها وهي شبه ملطخه بالدم ومافي آمل من إنها تعيش آلا بعد إذن الله

شاف اسم المتصل بجوالها لقى مكتوب !!!!! ( أمل عمري) قال : يمكن هذي وحده من صديقات البنت هذي لكن بدون شعور رفع الجوال وناظر للاسم اللي هـــــو ( أمل عمري ) وفتح الرقم وكانت الصدمة انه شاف الرقم حقه لان الجوال لقاه مع وحده كان الجمال ما أنخلق لغيرها بس للآسف فارقت الحياة

وانقلبت اسعد لحظات عمره بثواني إلى أتعس أيام العمر

الرقم لقاه رقمه ولقا اسمه مكتوب ) أمل عمري ) صدمة خلته ينهار ويغمى عليه وانقلوه
معاها للمستشفى هي انتقلت إلى رحمة الله بس هو عاش آو اقصد ما عاشت الضحكة بعدها يوم

وترك الوظيفة وتعقد من عيشته وصار يكره نغمة الجوال ولا يتكلم مره غير إذا كان مجبور انه يسولف ويكره أي واحد يجيب أبجدية كلمة حب عنده

سافر عن المنطقة اللي كان موظف فيها وتعرف على آمل عمره اللي أنتها فيها واخذ عهد على نفسه انه مايجي المنطقة هذي آلا بنفس اليوم اللي توفى فيه حلمه وصار كل سنه بنفس اليوم يسافر للمنطقة ويمر نفس المكان ويجلس فيه ساعة ويرجع لمنطقته

.................................................. .................................................. ................ __DEFINE_LIKE_SHARE__

spongy · 12-30-2008, 04:58 AM

الله يرحمهاا

ممممممممسككيين عوور ققللبي الله ييغفر لها

__DEFINE_LIKE_SHARE__

‏ĐôทТ ρĻǻҰ ẁỉťђ мē · 12-30-2008, 08:16 AM

الله يرحمهاااا

يسلموو عالقصه الرووعه.. __DEFINE_LIKE_SHARE__

دلوعه_بدنيتي · 12-30-2008, 10:24 AM

الله يرحمها ...........

عورت قلبي القصه ......
يسلمووووووو __DEFINE_LIKE_SHARE__

دبدووب · 12-31-2008, 02:50 PM

المشاركة الأصلية كتبت بواسطة spongy

الله يرحمهاا

ممممممممسككيين عوور ققللبي الله ييغفر لها

يسلموووو على المروووووور __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حبها بدون ما يشوفها وماتت يوم شافها؟؟؟	عسولة الإمارات	قصص و روايات	27	03-27-2012 04:21 PM
[b]ثيم روعه السعدي اسم على مسمى ثيم بجنن	محروم.كوم	منتدى أخبار المواقع والمنتديات العربية والأجنبية	0	04-12-2010 03:03 PM
حـاولوا أن تـقرائوها لكن بدون بكاء قصة واقعية من ( الـقـطـاوي 2008 )	محروم.كوم	منتدى أخبار المواقع والمنتديات العربية والأجنبية	0	02-18-2010 06:50 PM
ماتت قبل ان يراها قصة واقعية	محروم.كوم	منتدى أخبار المواقع والمنتديات العربية والأجنبية	0	06-14-2009 04:30 PM
ماتت قلوب الناس ماتت فينا النخوة يمكن نسينا فيوم ان العرب اخوة	غلا البحرين	الإستراحه العامة	15	04-17-2008 04:27 PM