الفرق بين الحمار الهاكرز والغبي الكراكرز

! عشق بدوي! · #1 12-31-2007, 03:53 PM

السلام وعليكم ورحمة الله
أخواني وأخواتي رواد منتدى أستراحات زايد
تحيه طيبه

أولا بالنسبه لتمسميتهم هذي هو أبسطلكم الامور وأثبتلكم أن الدنيا بخير وهذول فئه لا يستحقون غير هالكلام لآن مبتغاهم ونواياهم خبيثه وهي أستقلال الناس والتشهير بأعراض البشريه وماضاح حق وراه مطالب بأي شكل كان
فأسمحو لي هذا تقييمي لهم وهذا أسمهم عندي أنتم لكم بالمضمون وليس الأسم بالموضوع

موضوعنا اليوم عن الهاكر والكراكر والوقايه منهم ونعرف حنا بعض من يمارسون هالحركات مايستحون على دمهم وكلمة قلة أدب شويه بحقهم
بس بفضل من الله الحين الكل تنور ومافيه مكان حق هالمتطفلين ونقول للسيئين منهم أذلفو لمزبله بلا تاريخ

وبستعرضهم لكم على مرحلتين الاولى بتكون علميه وهذا اجتهاد جمعته + بعض المعلومات لدي

والثانيه بختصر بالاسفل بسلوبنا ومنطقنا

مافيه لغه ثالثه

نبدأ اليوم بشرح عنهم وبعض الطرق اللي تجنبكم شر هالكتطفلين
1/ الهاكرز مفهومه عندنا بالخليج انه انسان يخترق أجهزتنا ويدمر كل مافيها
مع العلم الهاكرز ترى غرضهم سامي وأرقى ممى أنتو متخيلينه وأنا بقولكم شلون

الهاكرز
هو أنسان نابغه بمعنى الكلمه
ويكون على درايه كبيره بالبرمجيات ونظم التشغيل عامه ويواكب الوقت بتجديد البرامج ويقدر يصمم ويبدع ويحلل كل البرامج والانظمه الخاصه بالتشغيل بسرعه وأتقان ومسمى هو الهاكرز
يعني خبير بلغة الحاسوب والبرامج والانظمه

الكراكر
من أسمها كراكر شخص مخرب ويكسر الانظمه ومتطفل على كل جهاز يحصله وتقع أيده عليه بأختراقه وحركات أخرى قمه بالوقاحه لا يسعنى أن ندخل بكل بتفاصيلها كلها ويكون هالشخص على درايه كبيره بنظم المعلومات بس بدرجات
فيهم الفاهم بكل نظم التشغيل<<<< أنا أسميه حمار كبير
وفيهم اللي يعتمد على برنامج ويكون أقل غباء من اللي قبله وتيس مع مرتبة الوقاحه <<<< أسميه جحش

تعرفون شنو الفرق الحين بين الكراكر والهاكر

وبينا لكم الشي الوحيد والفرق بينهم وهو مو بالمهارات ولا فرق علمي
بل هو فرق أخلاقي
الهاكرز يطور ويبرمج ويخترع
والكراكر يخرب ويسرق بشكل عام

معلومات عامه عساها تعود للمنفعه والاطلاع فقط
نشأت الهاكرز تحديدا حسب مرجعيات التعريف عنهم قالت
أنهم من قبل سنة 1969 شوفو تاريخهم متى ياعرب ؟ قبل 38 سنه :s6:

ماكان للكمبيوتر وجود بهالسنه بس كان أول الخير قطره بشركات الهواتف (الاتصالات) يجربون بالمكالمات المحوله بين الاشخاص بدت بالتطفل بعدين بسحب الخطوط ويتمتعون بهالعمل ...ومثال يدق واحد يبي السيد (أبو أحمد) يدزونها للسيد (ابو خالد) ويحولون ويدخلون الخطوط ببعض .
وأمتد لعبهم بالبدالات لحين دخول أول الاجهزه الكمبيوتريه وكانت كبيرة الحجم تصل لمستوى خزانة الملابس وكانو موظفين البدالات بدو يستثمرون وقتهم مابين الهاكرز والكراكر وكان وقتهم أثناء العمل يمارسون هالشي لآن محد يقدر يملك كمبيوتر شخصي وقتها.

وعصر الهاكرز العالمي بدأ
من سنة 1981 لغاية 1990 وسمي بالعصر السوبر ذهبي

أول سنة 1981 أنطلقت شركة أي بي أم IBM العالميه أبتكرت أول جهاز شخصي وكان وقتها مميز بالنسبه لمؤمورين البدالات لآنهم أكثر الناس متعطشين له يمارسون لعبهم وحرفتهم على الاجهزه الكبيره وكان وقتها أي واحد يشيل هالاب توب وكان مميز بالنسبه لهم لسهولة حمله والانفراد به بعيد عن مكان العمل وممارسة هوايتهم ....وغالبيتهم أتجهو للاسلوب السيء وهو الكراكر وبدأو بأستخدامهم وتطفلهم بكل وقاحه على كل ماتطوله أديهم

هذا الاب توب أول واحد شوفو صورته ومواصفاته هاهاهاه زين مالحقنا عليه

مواصفات الكمبيوتر وعام 1981 قدمت IBM أول جهاز للمستخدمين المنزليين، وعام 1984 قدمت Apple أول جهاز «ماكنتوش» Macintosh. ومع مزيدمن القوة للكومبيوترات بات ممكنا وصلها ببعضها بواسطة الكابلات مما شكل أولى الخطوات نحو الإنترنت،

وبدت حروب وأختراقات الهاكرز بشكل ملحوظ من سنة 1990 الى 1994

وتحديدا من سنة 1984 أنشأ فريق وأطلق على نفسه فلايق LOD وكانت مجموعة من الهواة والمتعطشين لعمليات الاختراق ويترأسهم شخص أسمه لينكس لوثار هو من أنشا هذه المجموعة وكانو أول مجموعة وشهد لهم من أنهم أشهر وأذكى وأول مجموعة هاكرز .

وطلع فريق ثاني برئاسة شخص اسمه فيبر واطلقق على الفريق اسم DOD وكانو منافسين للفريف الاولي
ومن السنتين اللي ذكرناهم 1990 الى 1994 بدأت حروب بينهم وكانت حرب عظمى والكل يشهد لها وكانت السلطات أنذاك تسعى جاهده للقبض عليهم . وكانت الحرب من قوتها أن هالمجموعتين كانو يحاولون أختراق كل طرف للطرف الاخر يعني حمى الوطيس بينهم

وأخيرا ألقت الشرطه القبض على فيبر زعيم مجموعة MOD بعد هالحرب اللي دامت أربع سنوات وفور أنتهاء هذي الحرب تسربت معلوماتهم وبرامجهم من بعد أنفكاك هالمجموعتين خوفا من السلطات وأتجه الكل لتعليم الهاكرز من سنة 1994

معلومات عامه عساها تعود بالمنفعه لللي مايعرفها

شنو تعريف الاختراق ؟

الاختراق طول الله عمركم بشكل عام هو ان الكراكر لديه القدره على الوصول للهدف مهما كان معلوم أو غير معلوم يعني مستهدف أو بالبحث العشوائي وتتم بطرق محرمه وغير شرعية وتستغل عن طريق ثغرات أمنيه لنظم أجهزة الضحايا لعدم قوة الحمايه او ضعفها او تعطلها . ولما نتكلم عن الاختراق بصوره عامه القصد ان هالمخترق له القدره على خرق جهاز الضحية ولا يهتم للاضرار اللي بترتب على جهاز المخترق ومايترب عليه.ومنها يدش الجهاز الاخر الهاكرز او الكراكرز وكل واحد وحسب ميوله نيته من اللي ذكرناهم بين Hacker او Cracker.

شلون يخترقون؟

الاختراق حاله حال أي شيء يتم أختراقه مهما كان ....فيه أسس وبعض الطرق اللي يجيدها المخترق بتطفله على أجهزة الضحايا لمعرفته ووصوله بمعرفة الثغرات بالمنافذ (البورتات) الخاصه بجهاز الضحية.وهالمنافذ هذي تعتبر بوابات الجهاز للانتر نت

وطرق الاختراق الحين بمتناول الكل بواسطة برامج في متناول أي يد تبحث عنها وببساطه وتعتمد على نظامين وهم :-

1/ client الزبون
2/ server الخادم

وهالملفين يستخدمهم سيء الذكر لابارك الله فيه المخترق
واحد منهم يتم ارساله للضحيه بأي طريقه كانت ويسمى client

والثاني يشغله ويستخدمه المخترق واسمه server ومنه يستطيع فتح منفذ بهالبورتات بجهاز الضحيه والتحكم فيه ومن خلاله يقوم بزرع باتش بجهاز الضحيه

الباتش يا أعضائنا وعضواتنا الكرام
هو عباره عن ملف يسمح بفتح البورت أو منفذ معين للمخترق ويشتغل مع بداية أشتغال الجهاز وقبل لا تاخذ وضعها الحمايه وتحكم قبضتها على الجهاز يسبقها الباتش بفتح منفذ عشان المخترق يوصله مسج أول شبك الضحيه بالنت

لضيق مساحة خانة الموضوه بنزل تكمله بالاسفل للموضوع

أو أقومو بتحميل الموضوع كاملا مرفق بملف مضغوط بملف الون زب بالاسفل من سيرفر المنتدى
يتبع
__DEFINE_LIKE_SHARE__

! عشق بدوي! · 12-31-2007, 03:55 PM

تابع الموضوع أعلاه

الهاكرز عندنا بالدول العربيه خربو مفهوم الهاكرز وستقلوه مو ذكاء بعقولهم بل بأعتماد البرامج اللي تكلمنا عنها فوق
اللي عندنا شرذمه دنيئة نفس أشباه الاوادم بس ذو عقول حيوانيه متطفلين قليلين حياء وتربيه ولا يخترقون الى اجهزة الضعفاء او السيرفرات بفضل البرامج مو مخهم المصدي

لعنة الله عليهم ليوم الدين على هالاعمال الغير محترمه وايذاء البشريه بدون وجه حق

يعني نظريتي

كــــــل هـــــــاكـــــــــرز حــــــــمــــــــار

والحين بتكلم بلهجتنا وبوجز فيها لاهم النقاط لان واثق الغالبيه العظمى مايعرف هالشي

اولا نبدي بالمنتديات

1/ دايما المنتدى لمن يكون مصدر ثقه وأمان بيكون التصفح فيه سلس وأمن ولعلمكم كل مستخدم بالمنتدى ينزل بجهازه ملفات بالكوكيز الخاص بالجهاز لا يجيكم مسج ولا تحسون فيه اصلا

لو استغل هالملفاة من صاحب المنتدى اللي تدخلونه فثقو بالله بسهوله يوصل لمعلوماتكم الشخصيه

أحد الحلول وأهمهم ...الحل ؟

الحل دائما نمسح ملفات الكوكيز بالطرق السليمه والكامله مانكتفي بالكوكيز ومسح نشيل معاه الملفات المؤقته الموجوده بالجهاز وبمجرد شيلتهم بتلاحظون الجهاز صار أسرع من قبل

2/ الحؤرص على توافر حمايات متناسقه ومتجانسه بالجهاز
واحد يكون للفايروسات
والثاني خاص للتروجانات

ولا نثق بكل مايكتب بالنت ؟ نروح للناس اللي نثق فيهم أو الافضل اي محل كمبيوترر

بالنسبه لي ومن باب التجربه كمستخدم بالنت + كمستخدم عملي وشبه يومي بالدوام

ارشج ثلاث حمايات والله طوال فترة تواجدهم بيكونون انذار مبكر لكم وبيمسحون كل شي من جهازكم

1/ للفايروسات والتروجانات انصح بدون منافس حماية Nod32 Control Center 2.5
هالاصدار خاصه

وانصح بعد

برنامج
Trojan Remover وأحدد الاصدار 6.6.0

هالفيرجن خاصه

وهالبرنامج
Ad-Watch 2007

اخواني اللي بينتقد هالثلاث حمايات وهو واثق من الاصدارات اللي قلتها يثبت كلامه عملي ولا يعدي هالفره لان الموضوع حساس ونبي الفايده والمنفعه

انا استخدمهم بشكل عملي ويومي انا ومعاي ستاف كامل هذا رأينا ومجرب غير هالاصدارات بس هالاصدارات أفضلهم وعلى مسؤوليتي

اما عن سبب تزكيتهم أبسط مثال ماتعرض له المنتدى أخيرا ربعي عندهم هالحمايات ولا بين معاهم شي وانا عندي النود وكتشف التروجان يعني مافتي وكتب من وراء الجهاز وبس جربناه وشفناه وانتاو لكم حرية الاختيار

فأقولكم النود قهر الباندا وقهر المكافي وقهر الكاسبر سكاي وقهر النورتون

2/ اثناء دخلولكم اي صفحه بالنت او الماسنجر او البالتوك او الياهو او الكمفرقيت او الايسكيوه او الام ار سي او السكايبي او اي برنامج او شات يتم اثر بجهزتكم والغبي من اساء الهاكرز او الكراكرز لمن قلت عنهم حمير فأنا أعني ماقلته حمير بس نوعيتهم أذانيهم قصار

فلا تكونون لقمه سهله لهم لان

احفظو اجهزتكم باللي قلته لكم

تخلصو من الملفات المؤقته

بشكل يومي

والاهم من هذا خافو الله بغيركم من يجد ملف مشبوه او حمايته تصيد شي يوقف ويقرأ المسج وينزل موضوع بالقسم المختص للاستفسار والكل بيساعده وتعرفون اذا هالمنتديات نواياها خبيثه او حميده ويكون سبب بالتنبيه والتنويه عشان يكسب الاجر والكل ينتبه من تنبيهه

لان من يوصلون لملفاتكم بينطبق هالمثل

رزق الهبل على المجانين.
واللي عندنا اكثرهم ماسيعرفون يتعاملون على ملفات الماسنجر ويفتحون سفراتها لان يبيلها برامج خاصه وتفتح بصيغ خاصه عشان يوصل لباسوردات ايميلاتكم وعاد تعرفون لو مسك شي شلون يتم الاستغلال من قبلهم

عامتا انا اقولها وانا محصن نفسي من يحاول بيدخل على جهازي
بيخيب رجائه ويخيب ثناه

ومن يحاول بيكون انسان غبي لان انا متقيد بالنقاط اللي فوق وأتحدى أي(ن) كان يقدر يخترق

شفتو ماقلتكم هذول مجموعة خفافيش واغبياء ولا يدرون وين الله حاطهم

أتمنى أسيتفدتو من بعض هالمعلومات وأنا أتحمل كل كلمه قلتها ومصداقيتها

اوعدكم بهاليومين بنزل موضوع شامل بهالخصوص اخر ملاحظه عشان الكل يستفيد وللعلم وتعرفون شلون ان الاهمال وين يوصل

لا تنسونا بالدعاء

وأي أستفسار بهالخصوص أو أستشاره لا تترددون أنا بالخدمه وبدون منه أن شاء الله

أرجو القراءه بتمعن مو مرور لآنها بتفيد الغالبيه
__DEFINE_LIKE_SHARE__

الحر العنيد · 01-01-2008, 02:01 AM

يسلموووووو على المعلومات الطيبه __DEFINE_LIKE_SHARE__

! عشق بدوي! · 01-01-2008, 05:12 PM

المشاركة الأصلية كتبت بواسطة الحر العنيد

يسلموووووو على المعلومات الطيبه

الله يسلمك من الشر

وتقبل تحياتي
__DEFINE_LIKE_SHARE__

*نظره مني تسدك* · 01-01-2008, 05:47 PM

ماشاء الله علييييييييييييييييك الصراااااااااااااااااااااااحه

لا تعلييييييييق

كفيت وفيت
ولا شكله تخصصك كمبيوتر
الحين عرفنا شو الهكر غربلات ابلسيهم واااحد ورى الثاني
انا الصرااحه ما ادري هم وش مصلحتهم من هالشي اللي يسوونه

"حسبي الله عليهم" يستخدموون الكمبيوتر بشكل تافه مع انه فيه أشياء واايد مهمه

عشق بدوووي انا عاجزه عن الشكر لك
والصرااحه انت دوومك مبدع وهالشي ان دل على شي فيدل على خبرتك وثقل عقلك
ربي يعطييييييييييييك الصحه والعافيه تقبل مروري اختك نظوووره __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المدرس وطلابه والغبي وسفره مع ربعه ... حياكم .....	الرهيب القطراوي	نكت , سوالف للشباب والبنات	6	03-25-2012 04:03 PM
كتاب من هم الهاكرز و طرق الحماية و الوقاية من الهاكرز	محروم.كوم	منتدى أخبار المواقع والمنتديات العربية والأجنبية	0	01-19-2010 07:50 PM
- - >> [ .. خرّون والظبي عفاري .. ] <<--	Єcтαтσôят_αŁ_qαŁв∂	المواضيع المكرره	17	03-16-2009 02:09 AM
. . . خرّون والظبي عفاري . ~	احساس الامارات	التراث والحضارة	9	01-31-2008 04:33 PM