|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم وعدتكم بصور لخزان الزامل بعد ما قررت اني اشتريه ، و اسمحوا لي - لو طولتها وهي قصيرة - بس مسألة اني قررت اشتري خزان هذي بحد ذاتها قوية ( كني اسمع واحد يقول قعيطي ههه ) لا والله لكن المسألة مسألة مبدأ ، اما اروح اشتري تانكي بولي اثيلين بـ ٦٥٠ ريال ، وانا أيام جيبي الأول مفصل له أحسن تانكي ستانل ستيل ٨٠ لتر على مزاجي استخدمه للغسيل والشرب والشاهي وانا مرتاح بـ ١٠٠٠ ريال ! لذلك لما رأيت التانكي عند الزامل ، وتأكدت انه مجرب من قبل المكشاتيين الأبطال ( قاهري التجار ومحاربي الجشع ) وشفت سعره ٢٢٥ ، وانا ادري ان الوادي يبيعه بـ ٦٥٠ ، وقتها ماترددت ولو لحظة في الشراء ، حتى يوم قال ترا ما اضمنه لك لأنه محتكر للوادي واحنا أصلا خلاص ماعاد نبيعه يمكن هذي آخر حبة ، قلت ما ابي ضمان ، حتى لو كان فيه طعم أو ريحة ابخليه يفكني من الغسيل وأخصص جركل للشرب والشاهي . حتى يوم اشتريته وفللته مويه ولاحظت فيه تقطير بسييط من السنة ، مافكرت ولو لحظة اني ارجعه ، علما بأن الموظف الأمين قال لي انا ما اضمنه لك كإصلاح ، لكن خذه وجربه ٣ ايام وإذا ما اعجبك هاته وخذ فلوسك ، مع ذلك مافكرت اني ارجعه لهم حتى يوم رحت اصلحه عند ورشة بولي ايثيلين وقالوا إصلاحه بـ ٥٠ ريال ، ماترددت ولو لحظة ، ياصل سعره إلى ٢٧٥ مع الحنفية والاكسسوارات ( اللي ذات جودة غير عالية ) قل ٣٠٠ ريال ، يابلاش ... تونا ماوصلنا ولا حتي نص الـ ٦٥٠ المهم مالكم بالطويلة ، وآسف على التأخر في إدراج الصور ، طلعنا للبر ولله الحمد بمعية خزان الزامل ، صلحته الصبح وعزبتي في السيارة وفللته مويه في بيت خويي ، وكشتنا أحلى كشتة ، وشبعنا صيد .. كل الدخّل اللي صدناه كان بإكسسوارات عالية الجودة :looney: الصور : بالله ماجا في بالكم بروشور ما ، عن خزان ما ، في وقت ما كأن فيه اسم ( ما ) ناقص :j هذه الفتحة بعد التصليح الذي تم على يد باكتساني حبييييب جدا وفنان ومنصح ، ظبطها بالمسدس الحراري ، يوم قلت له هاه يامعلم ، اعبيه مويه وأعتمد عليه في البر ؟ قال لي : إن شالله ، لكن هازا آخر هل ( آخر الدواء الكي بالعربي ) وهذي الاكسسوارات حقتي ، سامحوني ما اقدر على تركيب اكسسوارات ذات جودة عالية هذي صورة فوق البيعة من الرحلة ... تبين مزايا الخزان الأرضي ومكانه تحت التلبيسة ، وخفة وزنه ... تقدر تسحبه بيدك وترجعه لمكانة بدون جهد كبير ، اماالبزبوز فماحصلت اللي في خاطري ( قاعد ادور ابو ٣ رجول ومساكة صابون مالقيته في محلات الرحلات كلها ولا حتى في الغرابي .. مافيه الا ذاك الداج ابورجل وحدة صاير كنه طنب ) اما الصور بالأعلى فقد كانت في مغسلة السيارات تحياتي للجميع وآسف على الإطالة ، وفالكم إن شاء الله :r:r __DEFINE_LIKE_SHARE__ |
مواقع النشر (المفضلة) |
| |