طير صايد ما راح عليه ولا حباااااااااااااااااااااااااارى

محروم.كوم · #1 09-12-2010, 06:05 PM

السلام عليكم ورحمة الله وبركاااته

وكل عام وأنتم بخير ومن العايدين والفايزين إن شالله

الحقيقه يالربع انا عرضت هالطير للبيع في الفتره السابقه وهذا اقتباس موضوعي فيه

علوم الطير كله بالصور مع العلم اني اضفت الان صور جديده للطير .

وبصراحه صار اتصالاات كثيره من الاعضاء هنا وسمعنا سومات طيبه من وجيه طيبه

وفليحه شرواكم وجرى اتصال بين وبين احد الاعضاء من غير ذكر اسامي وتم بيع الطير

بعد الإلحاح من هذا العضوء بحد الطير وبصراحه انا حديت الطير 30000 للمعلومه

حدتي للطير وبعد اصراره والحاحه علي بأنه صامل على الطيروراااغب بشراااااءه

فطلب مني مراعاته بالقيمه وتبون الصدق ارخصت الطير لعيونه وقد تنصب الطير

وشرااه بالجوال وتم تحديد موعد باليوم والتاريخ والوقت والمكان وقبل الموعد بيوم كلمت

راعي المربط وقلت له امسك الطير لانه مربوط طلق وماقصر راع المربط الاخ

العزيز ابو خلف راع المربط بالقصيم وقد ابلغته أن الطير انباع وأشهد شهاده حق

أن ابو خلق ما قصر بقرنست الطير خوش قرناس . وبعدها اتصلت بالجوال على الرجال

اخونا العضو اللي شرى الطير وتنصبه قلت الموعد بكرا قال تم وفي الغد ذهبت الى

القصيم طبعا مشوار سفر ويوم وصلت القصيم اتصلت على جوال اخونا العضو وما

وما رد علي انتظرت كثير وقلت يالله ناخذ الطير معنا ونرجع لديارنا والرزق على الله

وللمعلوووميه الرجال ما كلمني الى اليوم هذا وصار له الى الان عشر ايام ولاا ارسل لي وانا تشيمت عن الاتصال

والطير مو رخيص ولاهو ردي يوم احده بس تقدير له ونزلت في قيمته لخاطره مع العلم

انه جرت اتصالاااات كثيره وقلت يالربع انباااااااع الطير وقفلت هالسالفه وتبون الصدق

الحمدلله الطير عندي ومااااااااااامن خلاااف والله يستر عليه .والله على ما اقول شهيد

المهم يالربع الطير سبوق وصايد حبارى ما راح عليه شي وصايد كراوين كثيره ويلحق

الحمام لحوق طيب وعلوم الطير كلها تم اقتباسها من الموضوع السابق ,

وهذي صور الطير

اقتباس:
المشاركة الأصلية كتبت بواسطة soko (المشاركة 5122011)
السلام عليكم ورحمة الله وبركاته

أحب اعرض لكم هالطير طبعا حر أصيل 17*17 او يزود
الطير صايد حباري كثير من يومه فرخ والحين ينقل سادس وما راح عليه شي من الحباري
وصاد كراوين واجد ويلحق الحمام لحوق طيب بالحيل

بالنسبه للركاده ما اقدر احط بذمتي شي محاولتي بتركيده قليل لكن ركد معي حول 70 بالميه

يلاعب الملواح معي وصل معي قبل العام 250 والعام حول 200

فيه عيبين لازم ابينهم ابراااء للذمه

الطير فيه ريشه من ريش العمد وحده العام ما طلعت واخاف هالسنه ما تطلع بعد

وفيه عيب انه احيانا ينقل العلف اذا ضايقته وجيته بسرعه واغلب الاحيان ما ينقل معي

لكم صور الطير

ونأسف على صغر الصور ولكن هذا الموجود والمعذره من الجميع

تحيتي للجميع

__DEFINE_LIKE_SHARE__