وقعت البارح في امر غريب وعجيب (( ادخل وشوف لايفوتك ))

محروم.كوم · #1 09-12-2010, 09:40 AM

السلام عليكم ورحمة الله وبركاته

ياربع سريت اتنور البارح ومعي صكتون وكنت لحالي على موتري ... وشفتلي ارنب المهم قمت افلك الصكتون والارنب واقفه قدامي ماتحركت وشوي والله وراحت وانا وراها .. وجت من ورا شمعه وقفت .. المهم رميتها وجت براسها .. ونزلت من السياره وسميت بسم الله الله واكبر وذبحتها وحطيتها بخيشة رز ومشيت للبيت ...

وبعد ماوصلت للبيت نزلتها من السياره ورحت للمطبخ عشان اصلخها وحطها بالثلاجة عشان انزين عليها الغدا بكره .. صارلنا شهر ماتغدينا ههههههههههههه

المهم صار معي موقف غريب وعجيب وأول مره يصير معي ... قطعت ايديها ورجولها وصلختها وطلعت فرثها والي في بطنها كله وشفت ان لون الكبد ليست عاديه .. لون الكبد صفراء او بيج رقطاء وتعجبت من الامر .. المهم قلت الكبد يمكن غير سليمه .. وانا اعرف ان لون الكبد تجي احمر غامق ..
وبعد ماخلصت من الصلخ شلتها عشان اغسلها من الدم وفجأه وقعت الكارثه قامت تتحرك في يدي ... (( الارنب ))

قامت رجولها تتحرك وكنها حيه (( ترفس برجولها )) وقمت اسمي بسم الله .. وانا متعجب من الامر .. المهم وضعتها في صحن وانا اناظر فيها تتحرك لمدة خمس دقائق وبعدين خفت الحركه شوي وشلتها وغسلتها من الدم وحطيتها في الثلاجه وهي تتحرك حركه خفيفه .. وانا والله ان نفسي غزت منها ومن طبخها ...

مع العلم ان الوقت من ذبحها الى ان وصلت البيت تقريبا 25 دقيقه ..

وشوا رايكم في هذا الموضوع يالربع حد قد صار عليه نفس كذا .. انتتظر ردودكم __DEFINE_LIKE_SHARE__