شعر لحامد زيد

اسير العذاب · #1 12-14-2008, 05:06 PM

مابقى الا سود الايام تحرمك الرقاد
كيف الاوهام اتجرأ اتسريك مغبون

من متى تجزع من الدمع وتخاف البعاد؟
من متى تقفي بك ظنون وتجيبك ظنون؟

صرت تاخذ كذبتي صدق، ومزاحي وكاد
لو بقول اني بخونك تحسب اني بخون

ماتعرف ان كل شاعر يهيم بكل واد؟
وانهم دايم يقولون مالا يفعلون؟

ابك انا لاقلت ابنساك وانكرت الوداد
والله اني مانسيتك وولاهم يحزنون

من جزع من صفعة الشمس يطمع بالبراد
ومن فقد وجهاته الخمس يلقى بك ركون

اعتبرها هفوة انسان او كبوة جواد
لو بتسمح فانت غالي ولو تجرح تمون

عد صداتك مروة وطعناتك ضماد
خلهن لاراحن طعون ولا ردن طعون

خنجرك يستاهل الطعن ومتوني شداد
ومنك يازين الخناجر ويا بخت المتون

ردلي حنية المزح باحساس الجماد
خلنا واحد يجي صلب والثاني حنون

موت فيني واندفن فيك بثياب الحداد
وان حييت أموت لرضاك واحيا بك بهون

مره ارقد بالكفن وانت ترقد بالمهاد
ومرة ارقد بالمهد وانت ترقد بالكفون

ادري ان شجونك شجون واعنادك عناد
والبلا ان عنادك عناد وشجونك شجون

ربك اللي سخرك لي تقود وما تقاد
والله الخالق ولله في خلقه شؤون

ازرع ضلوعي من رضاك وابشر بالحصاد
لعنبو من جيت ترضيه وترد امحزون

بس تسوالك بلد ؟ قول تسوالك بلاد
انت كل العالم بكون ولحالك بكون

مابعد محبتك حب ومرادك مراد
غير كونك سيد حشاي تدري من تكون ؟

نعمتين اختصوا الخلق من جود الجواد
كافل الأرزاق من حيث مالا تعلمون

البنون ونعمة المال بعيون العباد
زينة الدنيا بلا شك في كل العيون

مثل زينة دنيتي بس عندي شي زاد

من عرفتك صاروا المال وانت والبنون

انتشي بك نشوة التيه لعناق الرشاد
وافزع الك فزعة القرم لشهاب الزبون

واحصنك تحصين الأرزاق عن درب الفساد
واعشقك عشق المظاليم لفراق السجون

لو تزيد الشوق جمرة تحولني رماد
لو يزيد العشق شعرة بوصل للجنون

خل هقواتك كبيرة ونظراتك بعاد
كانك انت بكبرك تهون من اللي ما يهون ؟

ازعلك وارهن حياتي تحت رحمة زناد
تهبى لا والله الا انت والموت تهبون

عاد اذا ما ارضاك هرجي ولا اللي قلت فاد
اننا لله وانا اليه راجعون

وانت باكر بتعرف على ناس جداد
والكلام يجيك من كل شكل وكل لون

لاتحسب ان كل كلمة بتسمعها وكاد
ولا تصدق هرج شاعر وتخدعك الظنون

دايم اعرف كل شاعر يهيم بكل واد
وان هم دايم يقولون ما لا يفعلون

حتى انا اللي قلت اعشقك وما اطيق البعاد
يمكن اطلع ماعشقتك
ـــــــــــــــــــــــــــ __DEFINE_LIKE_SHARE__

غرشوبة عبري · 12-15-2008, 07:20 PM

رووووووووووووووووووووعه __DEFINE_LIKE_SHARE__

دمعة الغلا · 12-17-2008, 07:42 PM

أمسيت بالخير الشيخ ..،،

منـــور فـذمتيه ...

صح الله لسآن قايلهآ

تسلم الشيخ ع القصيده وع الكلمات الغاااويه

وماشاء الله عليك دوم مبدع

و مآ قصررت الشيخ ^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
محامي بارع	محروم.كوم	منتدى أخبار المواقع والمنتديات العربية والأجنبية	0	03-28-2010 10:10 PM
مابغيت الا اكون لحالي في عز احتياجي بسمعني لحالي !! resources	» [ ™S a s a ] ~	ملحقات وأحتياجات التصميم	11	07-16-2009 05:39 PM
الحلم لحامد زيد	اسير العذاب	الشعر المنقول	1	12-17-2008 07:45 PM
الجمهرة لحامد زيد	اسير العذاب	الشعر المنقول	1	12-17-2008 07:44 PM
ليالي دبي	العامري117	اخبار محلية و عالمية	14	07-10-2008 09:01 PM